I Ho 17:24 - Sơ̆p Hlabơar Nơ̆r 'Bok Kei-Dei

²⁴ wă kơ Anăn Ih kơjăp tih hăm oei đei ling-lang khŏm khŏm. Đe gô khan: Kră Yang Tih Hloh, 'noh 'Bok Kei-Dei Isơrael, 'noh boih jing Kră Yang 'Bok Kei-Dei Isơrael păng ăn kơ hnam Đawit đĭch đam Ih, mă ih đei pơjing kơjăp ling-lang 'bơ̆t anăp Ih.

I Ho 17:24 ပူးပေါင်းရင်းမြစ်များ

I Ho 17:23

Dang ei, ơ Kră Yang ăn kơ nơ̆r Ih pơkă pơ'ngam kơ đĭch đam Ih hăm hnam dơnŏ sư oei kơjăp ling-lang khŏm khŏm, apinh Ih pơm bĕ kiơ̆ thoi Ih đei pơkă boih,

I Ho 17:25

Ih boih Ơ Kră Yang 'Bok Kei-Dei inh, tơ'bôh boih kơ đĭch đam Ih khan Ih gô pơm ăn kơ sư hnam, thoi noh đĭch đam Ih pơ̆n krao khan 'bơ̆t anăp Ih.

II Ho 6:33

apinh Ih Kră Yang đơ̆ng kơpal plĕnh, anih Ih oei, mơ̆ng bĕ păng pơm ăn bĕ kiơ̆ kơ tơdrong lu Sư hơpơi apinh Ih wă kơ đĭ-đăng kon bơngai oei kơpal teh âu băt ư-ang kơ Ih băt hli yom kơ Ih kư̆m thoi lu bơngai Isơrael Ih păng băt kơ hnam âu mă inh đei pơm krao anăn Ih.

Horiso 21:13

Ơ Kră Yang, anăn Ih ư-ang lăm pran kơtang Ih! Lu nhôn gô hơri bơnê kơkuh tơdrong mơsêh Ih.

Horiso 72:19

Trŏ hơri bơnê ư-ang anăn Sư ling-lang truh ning-mônh. Ăn tơdrong ư-ang Sư 'bĕnh-'bang jơ̆p kơ teh đak! A-men! A-men!

Horiso 90:17

Apinh tơdrong mơnat đơ̆ng Kră Yang 'Bok Kei-Dei lu nhôn, oei hơdai lu nhôn; Apinh Ih pơm ăn mă kơjăp dôm tơdrong jang đơ̆ng ti lu nhôn. Tơpă, apinh Ih pơm ăn mă kơjăp tơdrong jang đơ̆ng ti lu nhôn pơm.

Je 31:1

Kră Yang khan: “Kơplah noh kơnh, Inh boih Kră Yang 'Bok Kei-Dei kơ đĭ-đăng adrĕch Isơrael; păng lu sư jing kon pơlei pơla Inh.”

Je 38:17

Jêrêmi tơl pơtao: “'Nâu Kră Yang 'Bok Kei-Dei bơngai Isơrael khan: ‘Tơdah ih lĕch yơ̆r ti kơ lu bơngai pơgơ̆r Babilôn lei ih gô arih păng pơlei tih âu đe huay kơ soh pơrăm; ih păng hnam ih gô arih.

Mathiơ 6:13

Apinh Ih 'nĕ ăn kơ nhôn lui kơ đe pơhlŭ pơlung. Apinh Ih dŏng pơklaih nhôn đơ̆ng tơdrong kơnê̆, kơlih kơ dêh char Ih, tơdrong mơsêh mơyang Ih, tơdrong 'lơ̆ng rŏ Ih oei tơ Ih ling-lang. A-men.’

Mathiơ 6:9

Iĕm athei krao khan thoi âu: ‘Ơ 'Bă lu nhôn mă oei tơ plĕnh ti, ăn anăn Ih jing ư-ang.

Yo 12:28

Ơ 'Bă, Inh wă kơ Ih pơư pơang anăn Ih bĕ.” Na đei hloi 'bơ̆r tơl đơ̆ng plĕnh ti khan thoi âu: “Inh pơư pơang anăn Inh boih păng Inh gô pơư pơang anăn Inh dơ̆ng.”

Yo 17:1

Đang kơ Yêsu pơma thoi noh boih na Sư ngoi tơ plĕnh krao khan kơ 'Bă Sư: “Ơ 'Bă, truh jơ Inh boih. Apinh Ih atŏk Inh Kon Ih brŏk oei păng Ih bĕ dang ei wă kơ Inh gơh pơư pơang anăn Ih dơ̆ng.

Philip 2:11

Đĭ-đăng bơngai gô kơnăl kơ Sư Kră Yang, na kon bơngai ư-ang kơ 'Bă Sư 'Bok Kei-Dei.

Hêbrơ 11:16

Mă-lei lu sư ưh ôh, lu sư wă chă minh pôm teh đak hiôk hloh kơ noh dơ̆ng, teh đak ei tơ plĕnh ti. Thoi noh na lu sư krao kơ 'Bok Kei-Dei Kră Yang, 'Bok Kei-Dei lăp đon kơ lu sư, ăn hloi kơ lu sư minh pôm teh đak tơ plĕnh ti wă pơjing pơlei lu sư.

Hêbrơ 8:10

Păng ning-mônh Inh wă pơjing tơdrong pơgơ̆p 'nao kơ lu bơngai Isơrael thoi âu: Inh wă tah tơdrong juăt Inh pơkă tơ lăm đon tơchĕng lu sư, Inh wă chih tơ'băk tơdrong juăt Inh tơ lăm jơhngơ̆m lu sư, Inh pơm Kră Yang lu sư, lu sư gô jing kon pơlei pơla Inh.

I Pet 4:11

Dah Sư ăn kơ bơ̆n hơgei bơtho đe tơdrong Sư, bơ̆n athei adrin bơtho tơbăt kơ đe tơdrong Sư tơpă. Dah Sư ăn kơ bơ̆n hơgei gah tơdrong tơgŭm đe, bơ̆n athei gơnang kơ Sư tơpă, na bơ̆n gơh jang tơdrong tơgŭm đe. Thoi noh na đe băt kơ tơdrong jang bơ̆n, na ư-ang 'Bok Kei-Dei păng đe gô băt kơ bơ̆n đơ̆ng Yêsu Krist tơgŭm, yua kơ Sư mơsêh mơyang pơgơ̆r tôm tơdrong ưh kơ layơ tôch. A-men.

Tơdrông Tơ'bôh 21:3

Păng inh kư̆m kơtơ̆ng 'bơ̆r đe pơma re đơ̆ng tang-dŏ 'Bok Kei-Dei khan thoi âu: “'Nâu boih đe khan 'Bok Kei-Dei oei hơdai hăm kon bơngai. Sư oei tŏk-bŏk hăm kon bơngai, na kon bơngai jing kon Sư păng Sư jing Kră Yang kon bơngai.