I Ho 17:23 - Sơ̆p Hlabơar Nơ̆r 'Bok Kei-Dei

²³ Dang ei, ơ Kră Yang ăn kơ nơ̆r Ih pơkă pơ'ngam kơ đĭch đam Ih hăm hnam dơnŏ sư oei kơjăp ling-lang khŏm khŏm, apinh Ih pơm bĕ kiơ̆ thoi Ih đei pơkă boih,

I Ho 17:23 ပူးပေါင်းရင်းမြစ်များ

Bl 32:12

Na Ih đei khan thoi âu: Sĭt tơpă inh gô ăn pŭn hiôk kơ ih păng ăn kơ adrĕch adrung ih chek lar thoi chuơh đak dơsĭ, ưh kơ đei bu kĕ jô̆ yua kơ lơ tơpă.’ ”

I Pot 8:26

Thoi noh dang ei ơ Kră Yang 'Bok Kei-Dei bơngai Isơrael, apinh Ih pơsĭt nơ̆r Ih đei pơkă bơih hăm 'bă inh Đawit đĭch đam ih.

I Ho 17:22

Ih rơih boih kon pơlei Ih Isơrael jing kon pơlei pơla Ih kơdih ling-lang khŏm khŏm păng Ih boih ơ Kră Yang, 'Bok Kei-Dei lu sư.

I Ho 17:24

wă kơ Anăn Ih kơjăp tih hăm oei đei ling-lang khŏm khŏm. Đe gô khan: Kră Yang Tih Hloh, 'noh 'Bok Kei-Dei Isơrael, 'noh boih jing Kră Yang 'Bok Kei-Dei Isơrael păng ăn kơ hnam Đawit đĭch đam Ih, mă ih đei pơjing kơjăp ling-lang 'bơ̆t anăp Ih.

I Ho 28:4

Kră Yang 'Bok Kei-Dei Isơrael đei rơih boih inh đơ̆ng lăm hnam dơnŏ 'bă inh, wă pơm pơtao Isơrael ling-lang. Tơpă sư đei rơih boih adrĕch Juđa pơgơ̆r wei-lăng; đơ̆ng lăm adrĕch Juđa sư rơih iŏk hnam dơnŏ 'bă inh; lăm lu kon drŏ-nglo 'bă inh, Kră Yang lăp đon rơih iŏk inh, pôk inh pơm pơtao kơ đĭ-đăng lu bơngai Isơrael.

II Ho 1:9

Ơ Kră Yang 'Bok Kei-Dei, apinh Ih pơsĭt bĕ nơ̆r Ih đei pơkă pơ'ngam hăm 'bă inh Đawit, gơh jing yua kơ Ih đei pôk inh pơm pơtao boih wă wei pơgơ̆r lu adrĕch adrung lơ kơdrâ̆m thoi 'mui teh âu.

Horiso 119:49

Apinh Ih 'blŏk kơ nơ̆r Ih đei pơkă hăm lu đĭch đam Ih. Đơ̆ng tơdrong 'nâu Ih ăn kơ inh đei hơmĕng.

Je 11:5

Na Inh wă pơsĭt nơ̆r Inh pơkă pơkăm hăm lu 'bok yă iĕm, wă ăn kơ lu sư dêh char 'lơ̆ng đei ro thoi đak sut đak toh,’ char mă iĕm oei dang ei.” Inh tơl: “Ơ Kră Yang ăn đei bĕ thoi noh, A-men.”

Luka 1:38

Na Mari khan: “Inh âu jơ̆ đĭch đam Kră Yang, inh mơ̆ng kơ Sư ăn kơ inh thoi ih khan kơ inh hei.” Na linh jang 'lơ̆ng ei wih hloi đơ̆ng sư tŏk tơ plĕnh ti.