I Ho 17:17 - Sơ̆p Hlabơar Nơ̆r 'Bok Kei-Dei

¹⁷ Tơdrong âu Ih lăng thoi oei iĕ đĕch 'bơ̆t anăp Ih, Ơ Kră Yang 'Bok Kei-Dei, Ih kư̆m đei roi mơ̆n kơ dêh char pơtao đĭch đam Ih tơ anăp âu kơnh păng lăng inh thoi bơngai đei đe pơyom hloh, Ơ Kră Yang 'Bok Kei-Dei.

I Ho 17:17 ပူးပေါင်းရင်းမြစ်များ

II Sam 12:8

Inh ăn kơ ih wei-lăng hnam yŏng tơ'ngla ih, Inh pơjao lu akăn yŏng tơ'ngla ih lăm ti ih ăn kơ ih pơm pơtao pơgơ̆r kon pơlei Isơrael păng Juđa, păng dah tơdrong noh ưh tam tôm mah lei Inh gô ăn thim kơ ih lơ hloh dơ̆ng.

II Sam 7:19

Kơkuh kơ Ih ơ Kră Yang inh, mă khan tơdrong noh Ih lăng tơdrong iĕ đĕch, păng Ih đei bơtho inh mă đĭch đam Ih kơ dêh char pơtao inh đơ̆ng âu tơ anăp păng ơ Kră Yang inh Ih oei wă ăn kơ inh 'bôh jơhnơr tơ anăp âu kơnh?

I Pot 3:13

Hloh kơ noh dơ̆ng Inh gô ăn hloi kơ ih dôm tơdrong mă ih ưh kơ đei apinh, tơdrong mơdrŏng, tơdrong đe pơyom ư-ang, lăm đĭ chăl arih ih ưh kơ đei pơtao bu kĕ tam ih.

II Pot 3:18

Mă-lei Kră Yang lăng tơdrong noh iĕ đĕch. Sư gô jao hloi lu bơngai Môap lăm tơpang ti lu iĕm.

I Ho 17:16

Na pơtao Đawit mơ̆t păng hơ-oei 'bơ̆t anăp Kră Yang păng khan: “Ơ Kră Yang 'Bok Kei-Dei inh âu bu păng hnam dơnŏ inh liơ na Ih mah ba inh truh tơ âu?

I Ho 17:18

“Đawit ưh pă băt wă bơnê kơ Kră Yang thoi yơ dơ̆ng, yua kơ đơ̆ng Ih pơyom kơ đĭch đam Ih? Yua kơ Ih băt nhen kơ đĭch đam Ih.

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Êphêsô 3:20

Bơnê kơ 'Bok Kei-Dei Kră Yang mơsêh tăp pang mơyang tăp dăr tơgŭm bơ̆n lơ hloh kơ đêl bơ̆n apinh, lơ hloh kơ đêl đon bơ̆n tơchĕng.