I Ho 17:16 - Sơ̆p Hlabơar Nơ̆r 'Bok Kei-Dei

¹⁶ Na pơtao Đawit mơ̆t păng hơ-oei 'bơ̆t anăp Kră Yang păng khan: “Ơ Kră Yang 'Bok Kei-Dei inh âu bu păng hnam dơnŏ inh liơ na Ih mah ba inh truh tơ âu?

I Ho 17:16 ပူးပေါင်းရင်းမြစ်များ

Bl 32:10

Inh âu ưh kơ rơ-a na ưh kơ hơnhŏ gơh đei pŭn hiôk păng dôm tơdrong 'lơ̆ng tơpăt Ih mă đei pơm boih kơ đĭch đam Ih adrol sơ̆. Wă tŏk găn đak Krong Jôrđăn inh đei lăp minh pôm 'long jra đĕch, kơna dang ei inh đei 'bar khŭl bơngai âu.

II Sam 7:18

Đơ̆ng noh Pơtao Đawit năm hloi lăm bơsŭn 'bơ̆t anăp Kră Yang păng khan: “Kơkuh kơ ih Kră Yang inh, inh âu bu, hnam dơnŏ inh kiơ mă Ih đei ba inh truh tơ tơdrong jang 'nâu?

II Pot 19:14

Hesekia đei iŏk kơthơ đơ̆ng ti lu bơngai ăn kơ sư, na sư đŏk. Đơ̆ng noh sư năm tơ hnam akŭm kơkuh kơ Kră Yang, păng pơih kơthơ ei 'bơ̆t anăp Kră Yang.

I Ho 17:15

Nathan roi đĭ-đăng tơdrong tơ'bôh nơ̆r tơtă kơ Đawit.

I Ho 17:17

Tơdrong âu Ih lăng thoi oei iĕ đĕch 'bơ̆t anăp Ih, Ơ Kră Yang 'Bok Kei-Dei, Ih kư̆m đei roi mơ̆n kơ dêh char pơtao đĭch đam Ih tơ anăp âu kơnh păng lăng inh thoi bơngai đei đe pơyom hloh, Ơ Kră Yang 'Bok Kei-Dei.

I Ho 29:14

Mă-lei inh bu, păng kon pơlei inh kiơ, na mă gơh đei jơhngơ̆m pơyơ̆r thoi noh? Đĭ-đăng dôm tơmam tă kơ đơ̆ng Ih ăn ngăl păng dôm tơmam mă lu nhôn pơyơ̆r ăn kơ Ih noh tă kơ lĕch đơ̆ng ti Ih ngăl.

II Ho 1:8

Sôlômôn tơl Kră Yang 'Bok Kei-Dei khan: “Ih đei tơ'bôh boih tơdrong 'mêm tih kơ 'bă inh Đawit păng kư̆m ăn kơ inh pơm pơtao pơtrơp sư.

Horiso 144:3

Ơ Kră Yang, kon bơngai âu kiơ, mă Ih hiơ̆k kơ sư? Kon bơngai mah liơ na Ih mah tơchĕng 'blŏk kơ sư?

Jang 26:22

Mă-lei đơ̆ng sơ̆ khơ̆ dang ei 'Bok Kei-Dei wei-lăng hăm tơgŭm inh, na dang ei inh dơ̆ng 'bơ̆t âu bơtho tơdrong Yêsu. Inh bơtho kơ đĭ-đăng, mă lu bơngai pơm tih, mă lu bơngai iĕ, lei-lăi đĕch. Tơdrong inh bơtho kư̆m lei-lăi thoi Môis hăm thoi lu bơngai pơtruh nơ̆r 'Bok Kei-Dei khan lê̆ hơdrol sơ̆.

II Kor 1:10

Tơ̆ng Sư ưh kơ tơdŏng nhôn, nhôn lôch tơpă boih. Mă Sư kư̆m oei wă tơdŏng nhôn kơnh pơgê đơ̆ng tôm tơdrong hli hlơt. Lu nhôn oei wă sơđơ̆ng kơ Sư tơdŏng nhôn ling-lang.

Êphêsô 3:8

Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.

Lu 6:15

Giđêôn tơl: Mă-lei Ơ Kră Yang, liơ inh gơh dong pơklaih bơngai Isơrael? Adrĕch adrung nhôn iĕ đĕch lăm adrĕch Manase; na lăm adrĕch Inh âu boih bơngai iĕ hloh.

I Sam 7:12

Samuel iŏk pơdơ̆ng minh pơm tơmo tih dan 'bơ̆t sơlam Mispa păng Sen, sư anăn Êbênêser.a Sư khan: Kră Yang đei tơgŭm lu bơ̆n truh tơ âu.

I Sam 9:21

Sôl drơ̆ng: Inh jĭ minh 'nu adrĕch bơngai Bênjamin minh adrĕch iĕ hloh kơ đĭ-đăng lăm Isơrael; hnam dơnŏ inh jĭ hnam dơnŏ iĕ hloh lăm hnam dơnŏ adrĕch Bênjamin. Liơ ih pơma hăm inh khan thoi ei lĕ?