I Ho 16:9 - Sơ̆p Hlabơar Nơ̆r 'Bok Kei-Dei

⁹ Hơri bĕ kơ sư, hơri bơnê bĕ kơ sư. Ră roi bĕ dôm tơdrong jang hlĭch chrơp Sư!

I Ho 16:9 ပူးပေါင်းရင်းမြစ်များ

I Ho 16:10

Ư-ang bĕ anăn rơgoh 'lơ̆ng Sư; Ăn jơhngơ̆m lu đe bu chă Kră Yang đei tơdrong chhôk hơnôk.

I Ho 16:24

Roi pơdah bĕ tơdrong ư-ang Sư tơ lăm lu adrĕch adrung bơngai. Tơdrong hlĭch Sư pơm bơih tơ lăm đĭ-đăng kon pơlei.

I Ho 16:8

Bơnê bĕ kơ Kră Yang, krao khan hăm anăn Sư. Roi tơbăt bĕ tơdrong jang Sư pơm boih lăm lu kon pơlei.

Jop 36:24

'Blŏk hơri bơnê bĕ dôm tơdrong jang Kră Yang, Mă kon bơngai juăt kơ đei hơri bơnê.

Horiso 145:12

Wă kơ kon bơngai băt. Tơdrong jang mơsêh Ih. Păng tơdrong 'lơ̆ng rŏ krưp mơsêh dêh char Ih.

Horiso 40:10

Inh ưh kơ đei ôn tơdrong tơpăt Ih lăm jơhngơ̆m inh, Inh roi tơbăt boih 'lơ̆ng tơpăt păng tơdrong Ih dŏng pơklaih, Inh ưh kơ đei ôn lăm năr akŭm tih gah tơdrong Ih 'mêm păng tơdrong Ih mơnat sĭt tơpă.

Horiso 71:17

Ơ Kră Yang 'Bok Kei-Dei, Ih bơtho boih inh đơ̆ng oei 'lơ̆p. Dĭng truh tơ dang ei, inh oei roi tơbăt gah tơdrong jang hlĭch chrơp Ih.

Malachi 3:16

Dang ei lu bơngai hli yom kơ Kră Yang pơma tơduă lu sư thoi noh Kră Yang kơtơ̆ng păng mơ̆ng; păng sơ̆p hla bơar đei chih 'bơ̆t anăp Sư wă kơ tơ'blŏk ăn kơ lu bơngai mă hli yom kơ Kră Yang păng 'blŏk kơ anăn Sư.

Mathiơ 26:30

Đang Sư pơma thoi noh boih lu sư hơri minh tơdrong 'Bok Kei-Dei, đơ̆ng noh lĕch năm hloi tơ kông Ôliwơ.

Êphêsô 5:19

Păng bơ̆n athei hơri bơnê kơ Kră Yang hăm đĭ jơhngơ̆m, mă bơ̆n hơri tơdrong 'Bok Kei-Dei hơdai hăm bơngai tơpôl, mă bơ̆n hơri tơdrong lu bơngai kră sơ̆, mă bơ̆n hơri tơdrong lu bơngai dang ei, mă bơ̆n hơri kiơ̆ kơ đon bơ̆n tơchĕng kơdih.

Kôlôsê 3:16

Bơ̆n athei pơm kiơ̆ dôm nơ̆r Yêsu Krist ling-lang wă kơ bơ̆n bơtho dih băl hơgei 'blep trŏ thoi Sư wă. Mă tơdrong hơri kư̆m lei-lăi wă kơ bơtho dih băl tơdrong Sư, wă kơ bơ̆n hơri bơnê kơ 'Bok Kei-Dei, mă hơri tơdrong kră sơ̆, mă hơri tơdrong lu bơngai dang ei, mă hơri kiơ̆ kơ đon bơ̆n tơchĕng, mă tôm kơ tơdrong hơri nai wă kơ bơ̆n hơri bơnê kơ 'Bok Kei-Dei ngăl.

Ya 5:13

Tơ̆ng đei bu lăm lu iĕm đei tơdrong gleh kiơ truh kơ lu sư, sư athei krao khan hloi; jơhngơ̆m bu hiôk chơt sư athei hơri bơnê kơ 'Bok Kei-Dei.