I Ho 16:41 - Sơ̆p Hlabơar Nơ̆r 'Bok Kei-Dei

⁴¹ Hơdai hăm lu sư đei Hêman hăm Jêđuthun păng lu bơngai nai mă đei rơih hăm 'măn lu sư jang kơkuh bơnê kơ Kră Yang “kơ tơdrong sư 'mêm mơnat oei oei ling-lang khŏm khŏm.”

I Ho 16:41 ပူးပေါင်းရင်းမြစ်များ

I Ho 12:31

Minh puăt adrĕch adrung Manase đei mơjĭt-tơhngam rơbâu 'nu bơngai, lu sư đe rơih đei anăn lu sư năm wă pôk Đawit pơm pơtao.

I Ho 15:17

Na bơngai Lêwi athei hloi Hêman kon drŏ-nglo Jôel đơ̆ng lăm lu 'nhŏng oh sư, Asap, kon drŏ-nglo Bêrekia, đơ̆ng lu bơngai Mêrari, iŏk Êthan, kon drŏ-nglo Kusaia;

I Ho 16:34

Bơnê bĕ kơ Kră Yang, yua kơ Sư pơm 'lơ̆ng. Tơdrong Sư 'mêm mơnat oei ling-lang khŏm khŏm!

I Ho 16:37

Đawit pôk Asap hăm lu 'nhŏng oh sư oei kơtă tơ noh 'bơ̆t anăp hom pơgơ̆p Kră Yang wă bơ̆jang ling-lang 'bơ̆t anăp hom pơgơ̆p kiơ̆ trŏ thoi đêl hơgăt.

I Ho 6:33

'Nâu lu bơngai bơ̆jang hơdai hăm kon drŏ-nglo lu sư: Lăm kon sâu Kôhat: Đei Hêman bơngai gơh hơri, kon drŏ-nglo Jôel, Jôel kon drŏ-nglo Samuel,

II Ho 20:21

Đang kơ sư đei pơma pơđâu hăm kon pơlei pơla boih, na sư rơih iŏk đei khŭl hơri wă ư-ang kơ Kră Yang rang rŏ hơri bơnê ư-ang Kră Yang 'lơ̆ng rơgoh rang rŏ, lu sư yak adrol kơ khŭl linh, ôr khan: “Bơnê bĕ kơ Kră Yang. Tơdrong Sư 'mêm mơnat oei oei ling-lang.”

II Ho 5:13

Lu bơngai hlôm keng hăm lu bơngai hơri hơdai minh pôm nơ̆r tơ'nguơ̆ hrơ̆p hrơ̆p, na hơri bơnê ư-ang kơ Kră Yang, lu sư hơri hơdai hăm re keng, ot preh chhar reh brŏ dung hăm lu brŏ nai hơri ư-ang kơ Kră Yang khan: “Sư 'lơ̆ng 'mêm mơnat iơ̆m dim Sư oei oei ling-lang,” Kơplah noh hnam Kră Yang đei hơmơ̆l gom;

II Ho 7:3

Lăp đĭ-đăng kon pơlei Isơrael 'bôh ŭnh păng mơsêh mơyang rang mơnhal Kră Yang jur tơ hnam; na lu Sư drap bon tơ teh kơkuh kơ Kră Yang khan: “Tơpă Sư 'lơ̆ng, tơdrong Sư 'mêm mơnat oei oei ling-lang!

Esơra 3:11

Lu sư hơri bơyong dih băl na bơnê ư-ang kơ Kră Yang khan: Trŏ kơ bơnê ư-ang kơ Kră Yang, yua kơ Sư 'lơ̆ng rŏ, sư 'mêm kơ bơngai Isơrael ling-lang khŏm khŏm! Đĭ-đăng kon pơlei ôr jreo re, bơnê ư-ang kơ Kră Yang, yua kơ đe man hơnă hnam akŭm Kră Yang boih.

Esơra 8:20

lăm lu bơngai Nêthinim na mă Đawit păng lu kơdră wei-lăng đei song ăn tơgŭm tơdrong jang bơngai Lêwi, đei 'bar-hrĕng 'bar-jĭt 'nu đĕch, đĭ lu sư đei chih tơmơ̆t anăn ngăl.

Horiso 103:17

Mă-lei tơdrong 'mêm Kră Yang oei oei ling-lang. Ăn kơ lu bơngai hli yom kơ Sư, păng tơdrong 'lơ̆ng tơpăt Sư 'măn kơ lu kon sâu lu sư.

Horiso 106:1

Halêluya! Kơkuh bơnê bĕ kơ Kră Yang, yua kơ Sư 'lơ̆ng. Tơdrong 'mêm Sư oei oei ling-lang,

Horiso 136:1

Bơnê bĕ kơ Kră Yang, yua kơ Sư 'lơ̆ng; Tơdrong 'mêm Sư oei oei ling-lang.

Horiso 39:1

Inh khan: “Inh gô bơwei tơdrong arih sa inh, Wă kơ inh yua hơpiĕt inh, huay kơ pơma yoch, Kơplah lu bơngai kơnê̆ oei dơ̆ng 'bơ̆t anăp inh, Inh gô iŏk 'bông pơhơ̆p lê̆ 'bơ̆r inh.”

Horiso 77:1

Inh krao apinh Kră Yang 'Bok Kei-Dei. Inh ôr krao Kră Yang 'Bok Kei-Dei; Sư kơtơ̆ng nơ̆r inh.

Je 33:11

Mă-lei đe gô kơtơ̆ng dơ̆ng nơ̆r hiĕk chhôk 'nă hal tơ noh, nơ̆r bre ŏng mai hle, nơ̆r đe hơri rah chĕp tơmam pơyơ̆r bơnê mơ̆t lăm hnam Kră Yang: ‘Hơri bơnê bĕ kơ Kră Yang Tih Hloh, yua kơ tơdrong 'mêm Sư oei oei ling-lang! Yua kơ tơdrong 'lơ̆ng Sư.’ ” Kră Yang khan: “Yua kơ Inh gô ăn kơ dêh char âu hiôk jơnap, kư̆m thoi adrol sơ̆,”

Êsêkiên 40:44

Tơ cham lăm đei 'bar anih, minh gah cheng kơ 'măng jang yă-nơ̆m, tơklă tơ gah gơal păng đei minh anih dơ̆ng gah 'măng jang hơlĕch, tơklă tơ gah yă-nơ̆m.

Jo 1:17

Môis păng Arôn sơng iŏk lu bơngai mă đe đei chih anăn;

Luka 1:50

Sư mơnat kơ đĭ-đăng bơngai mă lui yom kơ Sư, mă đơ̆ng sơ̆ khơ̆ ning-mônh.