I Ho 16:38 - Sơ̆p Hlabơar Nơ̆r 'Bok Kei-Dei

³⁸ Lei-lăi mơ̆n sư kư̆m pôk Ôbêt Eđôm hăm tơdrâu-jĭt tơhngam 'nu 'nhŏng oh sư Ôbêt Eđôm kon drŏ-nglo Jêđuthun hăm Hôsa ăn kơ sư wei gak 'măng dur.

I Ho 16:38 ပူးပေါင်းရင်းမြစ်များ

II Sam 6:10

Thoi noh Đawit ưh kơ wă lê̆ Hom pơgơ̆p Kră Yang tơ hnam sư tơ pơlei Đawit, na athei anhăk ba hloi tơ hnam Ôbêt Eđôm, bơngai Gitit.

II Pot 7:10

Na lu sư năm hloi, krao lu linh gak 'măng dur pơlei, roi kơ lu sư: “Nhôn năm truh tơ kơđông linh Aram, rơhiăng ưh kơ 'bôh bơngai bu, kư̆m ưh kơ đei kơtơ̆ng 'bơ̆r bu mơ̆n, 'bôh lăp lu aseh, lu aseh iĕ oei chô̆ păng lu bơsŭn achăng lê̆ thoi so.”

I Ho 13:14

Hom pơgơ̆p Kră Yang 'Bok Kei-Dei lăm hnam Ôbêt Eđôm pêng khei Kră Yang tuh tơdrong pŭn hiôk lăm hnam Ôbêt Eđôm păng dôm tơmam sư đei.

I Ho 25:3

Gah kon drŏ-nglo Jêđuthun đei Gêđalia, Sêri, Jêsaia, Simêi, Hasabia păng Matithia, lu sư tơdrâu 'nu bơ̆jang ala kơ 'bă lu sư wei-lăng, krao Jêđuthun, yua brŏ dung na pơma khan lê̆ adrol bơyong bơnê păng hơri ư-ang kơ Kră Yang.

I Ho 26:10

Hôsa, adrĕch adrung Mêrari, kư̆m đei lu kon drŏ-nglo; Simri kon mă mônh mă khan sư ưh kơ trŏ kon kơdră ră, 'bă sư pôk sư pơm kon kơdră.