I Ho 16:32 - Sơ̆p Hlabơar Nơ̆r 'Bok Kei-Dei

³² Ăn kơ đak dơsĭ păng đĭ-đăng tơmam lăm dơsĭ ôr bĕ. Ăn kơ chŭn mir păng đĭ-đăng tơmam lăm noh hiôk chơt.

I Ho 16:32 ပူးပေါင်းရင်းမြစ်များ

I Ho 16:33

Kơplah noh đĭ-đăng 'long pơle lăm bri gô hơri hăm tơdrong chơt hiôk, 'bơ̆t anăp Kră Yang, Yua kơ Sư jur wă sek tơlang kơ teh đak.

Horiso 69:35

Yua kơ Kră Yang 'Bok Kei-Dei gô pơklaih Siôn păng wă pơjing dơ̆ng lu pơlei tih lăm Juđa; Kon pơlei Sư gô oei tơ noh, iŏk teh jang sa.

Horiso 93:4

Kră Yang oei pơgơ̆r tơ kơpal đei tơdrong mơsêh. Mơsêh hloh kơ jơwa đak dơsĭ. Mơsêh hloh kơ lu jơwa đak dơsĭ poh-yă.

Horiso 96:11

Ơ lu plĕnh chơt hiôk păng teh 'nă hal bĕ. Ơ đak dơsĭ păng lu kon sem brem oei lăm dơsĭ ôr jreo chơt hiôk bĕ.

Êsai 42:10

Hơri bơnê bĕ kơ Kră Yang 'bai hơri 'nao. Hơri bơnê bĕ kơ Sư đơ̆ng anih tôch kơ teh đak. Ơ Lu bơngai năm tơ đak dơsĭ, hăm lu sem brem arih lăm noh, ơ lu bŏl đak dơsĭ păng đĭ-đăng lu bơngai oei lăm noh.

Êsai 44:23

Ơ lu plĕnh, hơri chơt hiôk bĕ! Yua kơ Kră Yang pơm bơih tơdrong âu, Ơ teh đak ôr jreo bĕ, Ơ lu kông, ơ lu bri hăm lu 'long lăm noh hơri ôr bĕ! Yua kơ Kră Yang huai iŏk bơih Jakôp păng gô đei ư-ang lăm Isơrael.