I Ho 16:29 - Sơ̆p Hlabơar Nơ̆r 'Bok Kei-Dei

²⁹ Pôk pơư bĕ kơ Kră Yang tơdrong ư-ang lăp kơ anăn Sư. Chĕp ba bĕ tơmam soi pơyơ̆r 'bơ̆t anăp Sư! Kơkuh pơyom bĕ kơ Kră Yang lăm tơdrong 'lơ̆ng rơgoh Sư.

I Ho 16:29 ပူးပေါင်းရင်းမြစ်များ

I Ho 16:28

Ơ lu adrĕch adrung kon pơlei, pôk pơư bĕ kơ Kră Yang. Kră Yang ư-ang pran kơtang!

I Ho 16:30

Hli tơtơ̆ bĕ 'bơ̆t anăp Sư, ơ đĭ-đăng teh đak; Tơpă, Sư pơjing teh đak oei kơjăp, ưh kơ đei tơdrŏ tơdrĕnh.

II Ho 20:21

Đang kơ sư đei pơma pơđâu hăm kon pơlei pơla boih, na sư rơih iŏk đei khŭl hơri wă ư-ang kơ Kră Yang rang rŏ hơri bơnê ư-ang Kră Yang 'lơ̆ng rơgoh rang rŏ, lu sư yak adrol kơ khŭl linh, ôr khan: “Bơnê bĕ kơ Kră Yang. Tơdrong Sư 'mêm mơnat oei oei ling-lang.”

Horiso 100:4

Athei bơnê na mơ̆t lăm 'măng jang Sư, bơnê ư-ang bĕ na mơ̆t lăm cham Sư. Bơnê bĕ kơ Sư păng hơri ư-ang kơ anăn Sư.

Horiso 110:3

Lu kon pơlei pơgơ̆r lu sư kơdih năm. Năm năr Ih năm tơblah, pơdah tơdrong mơsêh Ih, Nhen thoi đak ngom pơgê hrôih. Lu bơngai hơmuh hơmŏng pơguăng ao rơgoh năm tơ Ih.

Horiso 29:1

Ơ lu kon Kră Yang 'Bok Kei-Dei, bơnê bĕ kơ Kră Yang 'lơ̆ng rŏ păng mơsêh mơyang

Horiso 29:2

Kơkuh bĕ kơ Kră Yang mơsêh mơyang Anăn Sư trŏ kơ pơư pơang, iŏk bĕ tơdrong 'lơ̆ng rơgoha na kơkuh kơ Kră Yang.

Horiso 50:2

Đơ̆ng Siôn 'lơ̆ng rŏ. Kră Yang 'Bok Kei-Dei pơchrang boih. Tơdrong 'lơ̆ng rŏ sư.

Horiso 72:10

Lu pơtao Tarêsi păng lu bŏl đak dơsĭ gô ăn thuê̆ kơ sư. Pơtao Seba păng Seba gô pơyơ̆r ăn kơ sư.

Horiso 72:15

Sư gô oei arih sot, na gô pơyơ̆r maih Seba ăn kơ sư. Đe gô krao khan kơ sư ling-lang; Păng rim năr sơkat pŭn hiôk kơ sư.

Horiso 95:2

Bĕ bơ̆n năm 'bơ̆t anăp Sư hăm nơ̆r bơnê. Chơt hiôk 'nă hal hăm nơ̆r hơri bơnê kơ Sư.

Horiso 96:6

Tơdrong 'lơ̆ng rŏ păng tơdrong rŏ krưp oei 'bơ̆t anăp Sư. Tơdrong mơsêh păng tơdrong 'lơ̆ng rŏ oei tơ anih rơgoh Sư.

Horiso 96:7

Ơ lu adrĕch adrung kon pơlei pơla. Pơyơ̆r ăn bĕ kơ Kră Yang; pơyơ̆r ăn bĕ kơ Kră Yang tơdrong ư-ang pran kơtang,

Horiso 96:9

Athei hrŭk hơbĕn ao rơgoh na kơkuh kơ Kră Yang; Ơ đĭ-đăng teh đak, hli tơtey bĕ 'bơ̆t anăp Sư.

Êsai 52:1

Ơ pơlei Siôn, iung hơđơ̆r bĕ, iung hơđơ̆r bĕ, pơpôi jơhngơ̆m pran ih bĕ! Ơ pơlei Jêrusalem, jơ̆ pơlei 'lơ̆ng rơgoh, athei iŏk hrŭk ao 'lơ̆ng ih! Lu bơngai ưh kơ chu kăt tơdra akar, bơngai yoch kơnê̆ 'mê̆-'mach gô ưh pă mơ̆t tơ lăm ih dơ̆ng bơih.

Êsai 6:3

Lu Sêraphim ôr krao tơduă lu sư khan: “'Lơ̆ng rơgoh dêh, 'lơ̆ng rơgoh dêh, 'lơ̆ng rơgoh dêh Kră Yang Tih Hloh; jơ̆p kơ teh đak 'bĕnh-'bang kơ tơdrong ư-ang Sư!”

Êsêkiên 24:25

Gah ih, ơ kon bơngai, lăm năr Inh gô iŏk lê̆ kơđông kơjăp lu sư, tơdrong chơt hiôk, tơdrong ư-ang, tơdrong chơt hiôk kơ măt lu sư, tơdrong jơhngơ̆m lu sư hơpơi wă hăm kon drŏ-nglo kon drŏ-kăn lu sư,

Êsêkiên 7:20

Đơ̆ng lu tơmam drŏ-kăn pơguăng 'lơ̆ng rŏ mă lu sư pơang kơdih; lu sư yua tơmam noh pơm rup yang kơkuh kơnê̆ krưp. Lei na Inh gô pơm kơ tơmam noh jing tơmam 'mê̆-'mach kơ lu sư!

Tơdrông Tơ'bôh 7:12

“Trŏ boih lu sư khan thoi noh. Bơnê kơ Ih Kră Yang nhôn 'Bok Kei-Dei. Ih 'lơ̆ng rŏ mơsêh mơyang pran tih hlôh wao tôm tơdrong, na trŏ kơ nhôn lui yom păng ư-ang Ih ling-lang ưh kơ layơ tôch. A-men.”

I Sam 6:5

Pơm bĕ lu rup pơtôch păng lu rup kơne mă oei pơrăm phe 'ba, na lu iĕm pơyơ̆r ư-ang kơ Kră Yang 'Bok Kei-Dei đe Isơrael; Rŏ lăng sư huay pă ăn tơdrong truh phak lu iĕm, lu yang iĕm păng mir 'ba dêh char iĕm.