I Ho 16:27 - Sơ̆p Hlabơar Nơ̆r 'Bok Kei-Dei

²⁷ 'Bơ̆t anăp Sư noh rang mơnhal 'lơ̆ng rŏ krưp; lăm anih sư oei đei mơsêh mơyang pran kơtang hiôk chơt.

I Ho 16:27 ပူးပေါင်းရင်းမြစ်များ

I Ho 16:26

Yua kơ đĭ-đăng yang lu kon pơlei chă pơm rup đĕch. Mă-lei Kră Yang pơjing lu tăl plĕnh.

I Ho 16:28

Ơ lu adrĕch adrung kon pơlei, pôk pơư bĕ kơ Kră Yang. Kră Yang ư-ang pran kơtang!

Ne 8:10

Nêhêmi pơma khan kơ lu sư thoi âu: Năm sa bĕ tơmam kiơ bek, huch nhă bĕ sik hơmu 'ngam păng tơgŭm lu bơngai ưh kơ đei hơmet sa tơmam kiơ; yua kơ 'năr 'nâu jơ̆ năr 'lơ̆ng rơgoh, 'măn kơ Kră Yang lu bơ̆n. 'Nĕ kơ sơ'ngon, yua kơ tơdrong hiôk chơt đơ̆ng Kră Yang pơm kơ jơhngơ̆m lu iĕm pran.

Horiso 16:11

Ih gô tơ'bôh ăn kơ inh trong tơdrong arih; 'Bơ̆t anăp Ih 'bĕnh hăm tơdrong chhôk hal. Gah 'ma kơ Kră Yang đei tơdrong chơt hiôk ling-lang khŏm khŏm.

Horiso 8:1

Ơ Kră Yang, Ih boih Kră Yang lu nhôn, Anăn Ih 'lơ̆ng rŏ jơ̆p kơ lăm teh đak; Tơdrong ư-ang rang mơnhal Ih jơ̆p tơ kơpal plĕnh!

Horiso 96:6

Tơdrong 'lơ̆ng rŏ păng tơdrong rŏ krưp oei 'bơ̆t anăp Sư. Tơdrong mơsêh păng tơdrong 'lơ̆ng rŏ oei tơ anih rơgoh Sư.

Êsêkiên 1:27

Inh 'bôh đơ̆ng kơiĕng sư tơ kơpal hơdah thoi mam kong hlơ-hlŏng thoi ŭnh tăp dăr păng đơ̆ng kơiĕng tơ ala, inh 'bôh thoi ŭnh hơdah rang jum dăr kơ Sư.

Yo 17:24

“Ơ 'Bă, Ih pơjao boih lu sư kơ Inh na Inh wă kơ lu sư tŏk oei hơdai hăm Inh, na lu sư gô 'bôh Inh oei hơdai hăm Ih hiôk hơiă tơpă, yua kơ Ih đei ăn kơ Inh thoi noh. Ih 'mêm kơ Inh hơdrol kơ đei plĕnh teh.