I Ho 15:3 - Sơ̆p Hlabơar Nơ̆r 'Bok Kei-Dei

³ Đawit krao akŭm đĭ-đăng bơngai Isơrael brŏk tơ pơlei Jêrusalem, wă iŏk Hom Pơgơ̆p Kră Yang 'Bok Kei-Dei 'măn tơ anih mă sư hơmet boih.

I Ho 15:3 ပူးပေါင်းရင်းမြစ်များ

II Sam 6:12

Đe năm roi ăn kơ pơtao Đawit: “Kră Yang đei tuh pŭn hiôk kơ hnam dơnŏ Ôbêt Eđôm păng dôm tơmam sư đei, yua kơ Hom pơgơ̆p Kră Yang 'Bok Kei-Dei.” Đawit hloi năm iŏk anhăk hloi Hom pơgơ̆p Kră Yang 'Bok Kei-Dei đơ̆ng hnam Ôbêt Eđôm ba tơ pơlei Đawit hăm tơdrong chơt hiôk dêh.

II Sam 6:17

Lu sư ba Hom pơgơ̆p Kră Yang ming tơ anih bơsŭn Đawit đei hơmet lê̆ boih anih kơ Hom pơgơ̆p; đơ̆ng noh Đawit pơyơ̆r tơmam soi 'buh pơkhôi kơ Kră Yang păng tơmam soi et sa chơt hiôk.

I Pot 8:1

Pơtao Sôlômôn, krao akŭm đĭ lu kră pơgơ̆r, lu yŏng kơdră lăm adrĕch adrung Isơrael năm tơ sư tơ Pơlei Jêrusalem năm sơng Hom Pơgơ̆p Kră Yang đơ̆ng lăm pơlei Đawit tơ Siôn ba tơ Hnam akŭm Kră Yang.

I Ho 13:2

Đawit khan kơ đĭ-đăng lu kon pơlei Isơrael: “Tơdah lu iĕm 'bôh tơdrong 'nâu 'lơ̆ng păng lăp đon Kră Yang 'Bok Kei-Dei lu bơ̆n, lei bơ̆n wơh bơngai năm jơ̆p anih, tơ 'nhŏng oh lu bơ̆n mă oei tơ jơ̆p-jang dêh Isơrael, pơtơm lu 'bok soi păng bơngai Lêwi lăm rim pơlei tơring lu sư wă akŭm hơdai hăm lu bơ̆n.

I Ho 13:5

Na Đawit krao akŭm hloi đĭ-đăng bơngai Isơrael, đơ̆ng Sihô lăm char Êyiptơ truh tơ 'măng jang Hamat, wă năm iŏk Hom Pơgơ̆p Kră Yang 'Bok Kei-Dei đơ̆ng Kiriat Jêarim wih.

I Ho 15:1

Đawit pơm hnam pơtao kơ sư kơdih lăm pơlei Đawit păng hơmet lê̆ minh anih wă 'măn Hom Pơgơ̆p Kră Yang 'Bok Kei-Dei.

I Ho 15:12

Sư khan kơ đe noh: “Lu iĕm bơngai yŏng pơgơ̆r lăm adrĕch adrung Lêwi; iĕm athei hơmet akâu iĕm hăm lu 'nhŏng oh iĕm mă 'lơ̆ng rơgoh wă tung Hom Pơgơ̆p Kră Yang 'Bok Kei-Dei Isơrael ba tơ anih mă inh đei hơmet lê̆ boih.

I Ho 16:1

Lu sư tung ba Hom Pơgơ̆p Kră Yang 'Bok Kei-Dei păng dan 'măn sư lăm bơsŭn mă Đawit pơdơ̆ng. Lu sư kư̆m pơyơ̆r tơmam soi 'buh păng tơmam soi pơyơ̆r hiôk-hian 'bơ̆t anăp Kră Yang 'Bok Kei-Dei.

II Ho 1:2

Sôlômôn pơma hăm đĭ-đăng bơngai Isơrael: Lu yŏng pơgơ̆r minh-rơbâu 'nu linh yŏng pơgơ̆r minh-hrĕng 'nu linh, lu 'bok sek tơlang păng lu yŏng kơdră lăm adrĕch bơngai Isơrael,

II Ho 1:4

Đawit đei chĕp ba bơih Hom tơdrong pơgơ̆p Kră Yang 'Bok Kei-Dei đơ̆ng Kiriat. Jêarim ba tơ anih Đawit đei hơmet bơih wă dan Hom noh, yua kơ Đawit đei pơm bơih bơsŭn wă dan Hom Pơgơ̆p noh tơ Pơlei Jêrusalem.

II Ho 5:2

Sôlômôn krao akŭm đĭ-đăng lu kră bơngai Isơrael, lu yŏng kơdră lăm rim adrĕch 'bă Sư păng lu kră pơgơ̆r kon pơlei Isơrael tơ pơlei Jêrusalem wă tung tơmơ̆t Hom tơdrong pơgơ̆p Kră Yang đơ̆ng Siôn, noh pơlei Đawit.

Le 40:20

Môis tah 'bar hlak gơ'bang chih Mơjĭt Khôi Juăt tơ lăm Hom Tơdrong Pơgơ̆p, sư sôr 'long tơnung. Păng dan tơnglơ̆p tơdrong 'mêm mơnat tơ kơpal hom noh.

Lêwi 9:5

Thoi noh lu sư chĕp ba tơ anăp Bơsŭn Anih Akŭm dôm tơmam mă Môis đei pơkă bơih; đơ̆ng noh đĭ-đăng lu bơngai năm akŭm năm jê̆ Bơsŭn Anih Akŭm dơ̆ng 'bơ̆t anăp Kră Yang.