I Ho 15:25 - Sơ̆p Hlabơar Nơ̆r 'Bok Kei-Dei

²⁵ Na, Đawit, lu kră bơngai Isơrael păng lu yŏng pơgơ̆r minh-rơbâu linh, năm tung ba Hom Pơgơ̆p Kră Yang 'Bok Kei-Dei đơ̆ng hnam Ôbêt Eđôm hăm tơdrong hiôk chơt.

I Ho 15:25 ပူးပေါင်းရင်းမြစ်များ

I Pot 8:1

Pơtao Sôlômôn, krao akŭm đĭ lu kră pơgơ̆r, lu yŏng kơdră lăm adrĕch adrung Isơrael năm tơ sư tơ Pơlei Jêrusalem năm sơng Hom Pơgơ̆p Kră Yang đơ̆ng lăm pơlei Đawit tơ Siôn ba tơ Hnam akŭm Kră Yang.

II Ho 1:4

Đawit đei chĕp ba bơih Hom tơdrong pơgơ̆p Kră Yang 'Bok Kei-Dei đơ̆ng Kiriat. Jêarim ba tơ anih Đawit đei hơmet bơih wă dan Hom noh, yua kơ Đawit đei pơm bơih bơsŭn wă dan Hom Pơgơ̆p noh tơ Pơlei Jêrusalem.

II Ho 5:2

Sôlômôn krao akŭm đĭ-đăng lu kră bơngai Isơrael, lu yŏng kơdră lăm rim adrĕch 'bă Sư păng lu kră pơgơ̆r kon pơlei Isơrael tơ pơlei Jêrusalem wă tung tơmơ̆t Hom tơdrong pơgơ̆p Kră Yang đơ̆ng Siôn, noh pơlei Đawit.

Esơra 6:16

Kon pơlei Isơrael, lu 'bok soi bơngai Lêwi noh lu bơngai mă đe rôp pơm bơnă wih brŏk, đĭ-đăng lu sư chơt hiôk pơm giĕng et sa pơih hnam akŭm Kră Yang 'Bok Kei-Dei keh.

Mi 5:2

Thoi noh Sư gô jao lu đe noh kơ lu bơngai ayăt kơ Sư dĭng tơ bơngai drŏ-kăn tơpŭ kơ Sư, tơpŭ boih păng lu bơngai Isơrael mă oei oei đơ̆ng lu 'nhŏng oh Sư, lu sư gô wih brŏk tơ kon sâu bơngai Isơrael.

Jo 31:14

Môis sư hil kơ lu yŏng, wă khan lu yŏng pơgơ̆r linh lăm minh-rơbâu păng yŏng pơgơ̆r lăm minh-hrĕng 'nu linh mă 'nao brŏk đơ̆ng tơblah 'nâu.

Both 1:15

Thoi noh inh iŏk lu bơngai wă pơm yŏng đơ̆ng adrĕch adrung lu iĕm, lu bơngai hơgei đe ang păng đêl juăt kơ đei tơdrong truh pôk sư pơm yŏng lu iĕm, wei-lăng minh-rơbâu 'nu wei minh-hrĕng 'nu wei-lăng pơđăm-jĭt 'nu, dah wei-lăng mơjĭt 'nu bơngai păng wei-lăng lăm adrĕch adrung lu iĕm.

Both 12:18

Mă-lei iĕm, kon drŏ-nglo, kon drŏ-kăn đĭch drŏ-nglo păng đam drŏ-kăn iĕm, hăm lu bơngai Lêwi oei hơdai lăm pơlei iĕm, athei sa lu kon sem tơmam noh 'bơ̆t anăp Kră Yang 'Bok Kei-Dei iĕm, tơ anih Sư rơih; lu iĕm gô chơt hiôk 'bơ̆t anăp Kră Yang 'Bok Kei-Dei iĕm, dôm tơdrong jang đơ̆ng tơpang ti iĕm kơdih.

Both 12:7

Tơ noh 'bơ̆t anăp Kră Yang 'Bok Kei-Dei lu iĕm, chơt hiôk sŏng sa hăm hnam dơnŏ, yua kơ dôm tơdrong jang đơ̆ng tơpang ti iĕm kơdih, na đei Kră Yang 'Bok Kei-Dei lu iĕm ăn pŭn hiôk kơ iĕm.

Both 16:11

Hơdai hăm kon drŏ-nglo, kon drŏ-kăn, đĭch drŏ-nglo đĭch drŏ-kăn, lu bơngai Lêwi mă oei hơdai lăm pơlei iĕm, bơngai tơmoi, bơngai mơti păng bơngai adro mă oei hơdai hăm iĕm, kư̆m hơdai wang hiôk chơt tơ anih mă Kră Yang 'Bok Kei-Dei gô rơih wă 'măn kơ Anăn Sư.

Both 16:15

Lăm tơpơh năr iĕm athei kơkuh kơ Kră Yang 'Bok Kei-Dei păng pơm năr giĕng âu, tơ anih mă Kră Yang gô rơih; yua kơ Kră Yang 'Bok Kei-Dei iĕm gô ăn pŭn hiôk kơ iĕm lăm đĭ phĕ plei boih păng dôm tơdrong jang đơ̆ng tơpang ti pơm kơdih; lei na iĕm gô chhôk ngă 'nă hal hơdai.

Philip 3:3

Lu bơ̆n âu boih kiơ̆ kơ tơdrong 'Bok Kei-Dei pơkă tơpă. Mă-lei bơ̆n ưh kơ kăl kơ tơdrong kăt tơdra akar chă pơpơm kơdih păng ti thoi noh ôh. Bơ̆n kăl kơ Yang Bơhngol 'Lơ̆ng đĕch; bơ̆n athei gơnang kơ Sư wă kơ bơ̆n gơh kiơ̆ 'Bok Kei-Dei trŏ thoi Sư wă. Tơdrong kăt tơdra akar chă pơm kơdih păng ti đĕch na bơ̆n 'nĕ kơ kiơ̆ ôh hli kơ bơ̆n gơnang kơ tơdrong bơ̆n pơm kơdih, bơ̆n athei gơnang kơ Yêsu Krist đĕch.

Philip 4:4

Hiôk bĕ iĕm yua kơ iĕm lui kơ Kră Yang Yêsu Krist boih. Inh wă khan kơ iĕm dơ̆ng: Hiôk bĕ iĕm.

I Sam 10:19

Mă-lei lu iĕm sơngah kơ Kră Yang 'Bok Kei-Dei lu iĕm, Tơ'ngla mă dŏng pơklaih iĕm đơ̆ng dôm tơdrong pơmat-tat păng hli hlơt; Lu iĕm đei apinh: Ăn kơ nhôn minh 'nu pơtao wă kơ pơgơ̆r lu nhôn! Na dang ei, hơmet bĕ dơ̆ng 'bơ̆t anăp Kră Yang pơrĕng kiơ̆ adrĕch adrung păng kiơ̆ kơtum kơtŏng.

I Sam 22:7

Sôl pơma kơ lu đĭch đam sư mă oei tăp dăr kơ sư: Ơ lu adrĕch bơngai Bênjamin mơ̆ng bĕ. Hăm trŏ kơ kon Jese gô ăn đĭ kơ lu iĕm, chŭn păng lu pơgar hơmu hă? Sư gô pơk ăn kơ iĕm pơm kơ̆l rơbâu 'nu bơngai păng hrĕng 'nu bơngai hă?

I Sam 8:12

Sư gô ăn pơm yŏng kơ rơbâu 'nu linh păng pơm yŏng kơ pơđăm-jĭt 'nu, dah rôp lu sư choh chŭn sư, kĕch kơ sư 'ba, hơjơ̆m tơmam tơblah ăn kơ sư păng lu tơmam pơm gre aseh tơblah.