22 Kênania yŏng pơgơ̆r bơngai Lêwi, wei-lăng tơdrong hơri păng noh tơdrong jang sư, yua kơ sư gơh hơgei gah tơdrong noh.
Đawit pơkă ăn kơ lu bơngai pơgơ̆r lăm lu bơngai Lêwi, athei rơih iŏk lăm 'nhŏng oh lu sư, lu bơngai hơri, reh brŏ dung, tĭng-nĭng, preh chhar hơri chơt hiôk.
Matithia, Êliphêlêhu, Miknêia, Ôbêt Eđôm, Jêiêl păng Asasia, lu sư yua reh brŏ dung kiơ̆ kơ tơ'nguơ̆ Semini.
Bêrekia păng Êlkana, gak 'măng anăp kơ hom pơgơ̆p.
Đawit păng lu bơngai Lêwi tung hom pơgơ̆p, lu bơngai hơri, Kênania, yŏng pơgơ̆r lu bơngai hơri, tă kơ hrŭk ao tai che 'bui ngăl; Đawit kư̆m hrŭk tơ akâu sư minh blah ao êphot păng che 'bui.