I Ho 15:19 - Sơ̆p Hlabơar Nơ̆r 'Bok Kei-Dei

¹⁹ Lu bơngai hơri, Hêman, Asap păng Êthan, preh chhar kong.

I Ho 15:19 ပူးပေါင်းရင်းမြစ်များ

I Pot 4:31

Sư hơgei dêh hloh kơ đĭ-đăng lu bơngai hơgei, kư̆m hơgei hloh kơ Êthan, bơngai Esra, hloh kơ Hêman, hloh kơ Kalkôl păng hloh kơ Đarđa lu kon drŏ-nglo Mahôl. Păng tơdrong ư-ang kơ sư kơtơ̆ng tơ jơ̆p-jang kơ dêh char tăp dăr.

I Ho 13:8

Pơtao Đawit păng đĭ-đăng bơngai Isơrael đĭ jơhngơ̆m chơt hiôk 'bơ̆t anăp Kră Yang 'Bok Kei-Dei, hơri, reh brŏ, ot brŏ, teh hơgơ̆r iĕ, preh chhar păng hlôm keng hiôk chơt.

I Ho 15:16

Đawit pơkă ăn kơ lu bơngai pơgơ̆r lăm lu bơngai Lêwi, athei rơih iŏk lăm 'nhŏng oh lu sư, lu bơngai hơri, reh brŏ dung, tĭng-nĭng, preh chhar hơri chơt hiôk.

I Ho 15:18

hơdai hăm lu sư kư̆m đei lu 'nhŏng oh sư lăm khŭl mă 'bar, Sachari, Jaasiêl, Sêmiramôt, Jêhiêl, Unni, Êliap, Bênaia, Maasêia, Matithia, Êliphêlêhu, Miknêia, Ôbêt Eđôm păng Jêiêl, mă bơngai gak 'măng jang.

I Ho 15:20

Sachari, Asiêl, Sêmiramôt, Jêhiêl, Unni, Êliap, Maasêia păng Bênaia, yua tĭng-nĭng reh kiơ̆ kơ tơ'nguơ̆ Alamôt;

I Ho 16:42

Hêman hăm Jêđuthun hlôm keng, preh chhar, hăm yua lu tơmam nai wă hơri kơkuh kơ Kră Yang 'Bok Kei-Dei. Lu kon drŏ-nglo Jêduthun tơdrong jang lu sư wei gak 'măng jang.

I Ho 16:5

Asap pơgơ̆r tơm Sachari kơiĕng tơgŭm sư, păng đei Jêiel, Sêmiramôt, Jêhiel, Mathihia, Êliap, Bênaia, Ôbêt, Êdôm hăm Jêiêl tơdrong jang sư reh brŏ reh tĭng-nĭng păng brŏ dung Asap preh chhar,

I Ho 25:1

Đawit păng lu yŏng pơgơ̆r linh 'măn lê̆ pha mơ'nah lu kon sâu Asap, Hêman păng Jêđuthun wă bơ̆jang, reh brŏ dung, tĭng-nĭng hăm preh chhar wă pơma khan lê̆ adrol. 'Nâu anăn lu bơngai bơ̆jang.

I Ho 25:6

Đĭ-đăng lu bơngai noh tă kơ bơngai Jang ala kơ 'bă lu sư kơdih wei-lăng gah tơdrong hơri wă hơri lăm hnam Kră Yang, hăm chhar brŏ dung păng tĭng-nĭng bơ̆jang tơ lăm hnam Kră Yang 'Bok Kei-Dei. Asap, Jêđuthun păng Hêman kiơ̆ kơ pơtao athei.

II Ho 20:19

Lu bơngai Lêwi gah adrĕch Kôhat păng lu adrĕch Kôra lu sư iung dơ̆ng pơma 'bơ̆r re păng khan bơnê kơkuh kơ Kră Yang 'Bok Kei-Dei Isơrael.

II Ho 7:6

Lu 'bok soi dơ̆ng kơtă 'bơ̆t anih kơdih; lu bơngai Lêwi chĕp brŏ hơri bơnê kơ Kră Yang, mă đơ̆ng Đawit pơm sơ̆ wă kơkuh bơnê kơ Kră Yang păng hơri ư-ang kơ Sư: “Tơpă tơdrong Sư 'mêm mơnat oei oei ling-lang.” Lu 'bok soi hlôm keng dơ̆ng 'bơ̆t anăp bơngai Lêwi păng đĭ-đăng kon pơlei bơngai Isơrael iung dang dơ̆ng.

Horiso 150:5

Yua bĕ chhar preh hơri ư-ang kơ Sư. Tôn bĕ chĭng chêng mă re hơri ư-ang kơ sư.

Horiso 81:3

Hlôm bĕ tơgiĕp kơplah khei tơ'bang kơplah khei pơnil, tơbăt kơ lu năr giĕng tih lu bơ̆n.