I Ho 15:16 - Sơ̆p Hlabơar Nơ̆r 'Bok Kei-Dei

¹⁶ Đawit pơkă ăn kơ lu bơngai pơgơ̆r lăm lu bơngai Lêwi, athei rơih iŏk lăm 'nhŏng oh lu sư, lu bơngai hơri, reh brŏ dung, tĭng-nĭng, preh chhar hơri chơt hiôk.

I Ho 15:16 ပူးပေါင်းရင်းမြစ်များ

I Ho 13:8

Pơtao Đawit păng đĭ-đăng bơngai Isơrael đĭ jơhngơ̆m chơt hiôk 'bơ̆t anăp Kră Yang 'Bok Kei-Dei, hơri, reh brŏ, ot brŏ, teh hơgơ̆r iĕ, preh chhar păng hlôm keng hiôk chơt.

I Ho 15:12

Sư khan kơ đe noh: “Lu iĕm bơngai yŏng pơgơ̆r lăm adrĕch adrung Lêwi; iĕm athei hơmet akâu iĕm hăm lu 'nhŏng oh iĕm mă 'lơ̆ng rơgoh wă tung Hom Pơgơ̆p Kră Yang 'Bok Kei-Dei Isơrael ba tơ anih mă inh đei hơmet lê̆ boih.

I Ho 16:42

Hêman hăm Jêđuthun hlôm keng, preh chhar, hăm yua lu tơmam nai wă hơri kơkuh kơ Kră Yang 'Bok Kei-Dei. Lu kon drŏ-nglo Jêduthun tơdrong jang lu sư wei gak 'măng jang.

I Ho 16:5

Asap pơgơ̆r tơm Sachari kơiĕng tơgŭm sư, păng đei Jêiel, Sêmiramôt, Jêhiel, Mathihia, Êliap, Bênaia, Ôbêt, Êdôm hăm Jêiêl tơdrong jang sư reh brŏ reh tĭng-nĭng păng brŏ dung Asap preh chhar,

I Ho 23:5

Na puăn-rơbâu 'nu bơngai jang gak wei-lăng 'măng jang; păng puăn-rơbâu 'nu bơngai hơri ư-ang kơ Kră Yang păng brŏ inh ăn kơ bơngai hơri bơnê ư-ang.

I Ho 6:16

Kon drŏ-nglo Lêwi noh: Gersôm, Kôhat, păng Mêrari.

II Ho 20:19

Lu bơngai Lêwi gah adrĕch Kôhat păng lu adrĕch Kôra lu sư iung dơ̆ng pơma 'bơ̆r re păng khan bơnê kơkuh kơ Kră Yang 'Bok Kei-Dei Isơrael.

II Ho 30:12

Kră Yang 'Bok Kei-Dei kư̆m tơgŭm lu bơngai Juđa pơm ăn kơ lu sư lăp đon 'maih wă pơm kiơ̆ nơ̆r pơtao păng yŏng pơgơ̆r đei tơtă, kiơ̆ thoi nơ̆r Kră Yang.

II Ho 5:12

Lu bơngai Lêwi hơri, noh Asap, Hêman păng Jêđuthun, lu kon drŏ-nglo sư lu 'nhŏng oh sư hrŭk hơbĕn ao che 'bui se rơmuăn, preh chhar, reh brŏ dung, tĭng-nĭng đĭ-đăng lu sư dơ̆ng gah hơlĕch kơ chơnang soi hơdai hăm minh-hrĕng 'bar-jĭt 'nu 'bok soi hlôm keng.

II Ho 5:13

Lu bơngai hlôm keng hăm lu bơngai hơri hơdai minh pôm nơ̆r tơ'nguơ̆ hrơ̆p hrơ̆p, na hơri bơnê ư-ang kơ Kră Yang, lu sư hơri hơdai hăm re keng, ot preh chhar reh brŏ dung hăm lu brŏ nai hơri ư-ang kơ Kră Yang khan: “Sư 'lơ̆ng 'mêm mơnat iơ̆m dim Sư oei oei ling-lang,” Kơplah noh hnam Kră Yang đei hơmơ̆l gom;

II Ho 7:6

Lu 'bok soi dơ̆ng kơtă 'bơ̆t anih kơdih; lu bơngai Lêwi chĕp brŏ hơri bơnê kơ Kră Yang, mă đơ̆ng Đawit pơm sơ̆ wă kơkuh bơnê kơ Kră Yang păng hơri ư-ang kơ Sư: “Tơpă tơdrong Sư 'mêm mơnat oei oei ling-lang.” Lu 'bok soi hlôm keng dơ̆ng 'bơ̆t anăp bơngai Lêwi păng đĭ-đăng kon pơlei bơngai Isơrael iung dang dơ̆ng.

Ne 12:27

Kơplah năr pơyơ̆r dur pơlei Jêrasalem keh đang bơih, na đe năm chă lu bơngai Lêwi đơ̆ng jơ̆p kơ anih lu sư oei wă chông ba lu sư brŏk tơ Jêrusalem wă pơih et sa bơnê kơ dur pơm keh hăm tơdrong hiôk chơt, đei nơ̆r bơnê ư-ang păng hơri, reh brŏ, hlôm keng.

Ne 12:36

hăm 'nhŏng oh sư, Sêmaia, Asarel, Milalai, Gilalai, Mai, Nêthanêl, Juđa păng Hanani, chĕp reh brŏ hơri Đawit, bơngai Kră Yang 'Bok Kei-Dei păng Esơra, bơngai chih hla bơar, nơnăm adrol kơ lu sư.

Ne 12:43

Lăm năr noh, lu sư pơyơ̆r tơmam soi gĭt tih păng hiôk chơt; yua kơ Kră Yang 'Bok Kei-Dei ăn kơ lu sư đei hiôk chơt tih; lu bơngai drŏ-kăn păng lu kon hơ'lơ̆p kư̆m hiôk chơt mơ̆n, đe kơtơ̆ng jơwa re tơdrong hiôk chơt kơ pơlei Jêrusalem truh tơ ataih.

Ne 12:46

Yua kơ lăm chăl Đawit păng Asap sơ̆, đei minh 'nu kră pơgơ̆r wei-lăng lu bơngai hơri, đei 'bai hơri bơnê kơkuh ư-ang kơ Kră Yang 'Bok Kei-Dei.

Horiso 100:1

Ơ đĭ-đăng bơngai mă oei lăm teh đak. Ôr chơt hiôk bĕ kơ Kră Yang!

Horiso 149:3

Ăn kơ lu sư suang kơkuh bơnê bĕ kơ Anăn Sư. Iŏk hơgơ̆r iĕ păng brŏ hơri bơnê bĕ kơ Sư.

Horiso 150:5

Yua bĕ chhar preh hơri ư-ang kơ Sư. Tôn bĕ chĭng chêng mă re hơri ư-ang kơ sư.

Horiso 81:1

Hơri chơt hiôk bĕ kơ Kră Yang 'Bok Kei-Dei jơ̆ tơdrong pran kơtang lu bơ̆n; Athei ôr chơt hiôk bĕ kơ Kră Yang 'Bok Kei-Dei Jakôp.

Horiso 81:3

Hlôm bĕ tơgiĕp kơplah khei tơ'bang kơplah khei pơnil, tơbăt kơ lu năr giĕng tih lu bơ̆n.

Horiso 87:7

Lu bơngai hat hơri păng lu đe suang gô khan thoi âu: “Đĭ-đăng tơm tơdrong arih inh oei lăm Ih.”

Horiso 95:1

Bĕ bơ̆n hơri bơnê kơ Kră Yang. Bĕ bơ̆n hơri chơt hiôk kơ Tơmoa Sư dŏng pơklaih bơ̆n;

Le 15:20

Miriam mŏ Arôn bơngai drŏ-kăn khan lê̆ adrol păng lu drŏ-kăn dai kiơ̆, đơ̆ng rŏng chĕp hơgơ̆r iĕ suang rah.

Êsai 49:23

Lu pơtao gô pơm 'bă wei rong iĕm, lu akăn pơtao gô pơm bơngai wei rong tơmŏm iĕm. Lu sư gô kŭp drap tơ teh chu kơ iĕm; liah 'mui teh tơ jơ̆ng iĕm; kơplah noh iĕm gô băt kơ Inh bơih Kră Yang, păng lu bơngai gơnang kơ Inh gô ưh kơ đei mơlâu.”

Je 33:11

Mă-lei đe gô kơtơ̆ng dơ̆ng nơ̆r hiĕk chhôk 'nă hal tơ noh, nơ̆r bre ŏng mai hle, nơ̆r đe hơri rah chĕp tơmam pơyơ̆r bơnê mơ̆t lăm hnam Kră Yang: ‘Hơri bơnê bĕ kơ Kră Yang Tih Hloh, yua kơ tơdrong 'mêm Sư oei oei ling-lang! Yua kơ tơdrong 'lơ̆ng Sư.’ ” Kră Yang khan: “Yua kơ Inh gô ăn kơ dêh char âu hiôk jơnap, kư̆m thoi adrol sơ̆,”

Am 6:5

Tơpă, lu iĕm hơri nơ̆r kư̆ kă chă pơlăp kiơ̆ kơ brŏ chă pơm brŏ kơdih khan rok thoi pơtao Đawit.

Jang 14:23

Tơ rim pơlei bre sư kư̆m rơih ăn kơ lu sư wă kơ đei lu kră wei-lăng bơngai lui. Na bre sư ơ̆t kơ por krao khan, na bre sư krao khan apinh Kră Yang tơgŭm đĭ-đăng lu bơngai kră ei yua kơ lu sư lui kơ Kră Yang.

II Tim 2:2

Ih athei iŏk dôm nơ̆r ih mơ̆ng inh bơtho ih 'bơ̆t anăp đe tơpôl sơ̆, na ih bơtho dơ̆ng kơ lu bơngai mă lui kơjăp, na lu sư gô bơtho dơ̆ng kơ lu đe nai.

Tit 1:5

Lăp ba tơklah băl đơ̆ng bŏl đak Kret ki, inh pơkă kơ ih kư̆ kơ oei tơ noh wă kơ ih jang mă keh dôm tơdrong inh jang ưh kơ tam keh. Inh wă kơ ih rơih chă lu bơngai lui wă pơm kră wei-lăng bơngai lui tơ rim pơlei, kư̆m thoi inh pơkă kơ ih ki.