I Ho 15:15 - Sơ̆p Hlabơar Nơ̆r 'Bok Kei-Dei

¹⁵ Lu bơngai Lêwi iŏk 'long tơnung tung Hom Pơgơ̆p Kră Yang 'Bok Kei-Dei tơ kơpal hơngiĕng, thoi Môis bơtho khan kiơ̆ kơ nơ̆r Kră Yang.

I Ho 15:15 ပူးပေါင်းရင်းမြစ်များ

II Sam 6:12

Đe năm roi ăn kơ pơtao Đawit: “Kră Yang đei tuh pŭn hiôk kơ hnam dơnŏ Ôbêt Eđôm păng dôm tơmam sư đei, yua kơ Hom pơgơ̆p Kră Yang 'Bok Kei-Dei.” Đawit hloi năm iŏk anhăk hloi Hom pơgơ̆p Kră Yang 'Bok Kei-Dei đơ̆ng hnam Ôbêt Eđôm ba tơ pơlei Đawit hăm tơdrong chơt hiôk dêh.

II Sam 6:13

Lăp lu bơngai tung Hom pơgơ̆p Kră Yang 'Bok Kei-Dei năm tơdrâu yak na Đawit pơyơ̆r minh pôm rơmo tơno păng rơmo kon bek pơm tơmam soi.

I Pot 8:8

Dôm lu tơnung tung kơjung na đe lăng 'bôh đơ̆ng anih rơgoh mă truh tơ Anih Rơgoh Hloh, sư kư̆m oei 'bôh mơ̆n. Mă-lei lăng đơ̆ng 'nguaih ưh kơ đei 'bôh, dôm lu tơnung tung noh, mă truh dang ei kư̆m oei đei mơ̆n.

I Ho 13:10

Kră Yang hil dêh kơ Usa păng Kră Yang pơlôch hloi sư, yua kơ sư rôp 'bơm hom pơgơ̆p; na sư lôch hloi tơ noh 'bơ̆t anăp Kră Yang 'Bok Kei-Dei.

II Ho 5:9

'Long tơnung tung Hom Pơgơ̆p kơjung, na đơ̆ng anăp lăm anih 'Lơ̆ng Rơgoh lăng 'bôh, mă-lei lăng đơ̆ng 'nguaih ưh kơ 'bôh; Hom Pơgơ̆p noh oei đei tơ lăm noh dĭng truh tơ dang ei.

Le 40:20

Môis tah 'bar hlak gơ'bang chih Mơjĭt Khôi Juăt tơ lăm Hom Tơdrong Pơgơ̆p, sư sôr 'long tơnung. Păng dan tơnglơ̆p tơdrong 'mêm mơnat tơ kơpal hom noh.

Jo 4:15

Đang kơ Arôn păng lu kon drŏ-nglo sư chô̆ chôm đĭ tơmam lăm anih rơgoh boih, na đe pôk bơsŭn noh yak, na lu kon sâu Kôhat năm tung iŏk lu tơmam noh; lu sư ưh kơ gơh kơ hơtŭt 'bơm ôh tơmam rơgoh noh, kơnh lu sư lôch. Tơmam lăm Bơsŭn Anih Akŭm, tơmam noh mă lu kon sâu Kôhat athei tung.

Jo 7:9

Mă-lei sư ưh kơ pơjao gre hăm rơmo dăm kơ kon sâu Kôhat, yua kơ lu sư jang wei-lăng păng tung tơmam rơgoh tơ kơpal hơngiĕng lu sư.

Both 10:8

Kơplah noh, Kră Yang klah lê̆ adrĕch Lêwi pha, wă tung hom pơgơ̆p Kră Yang dơ̆ng 'bơ̆t anăp Kră Yang wă bơ̆jang pơm 'bok soi kơ Sư păng yua anăn Kră Yang sơkat pŭn hiôk ăn kơ kon pơlei. Truh tơ dang ei,