I Ho 15:13 - Sơ̆p Hlabơar Nơ̆r 'Bok Kei-Dei

¹³ Yua kơ adrol ki, lu iĕm ưh kơ tung ba hom Kră Yang yua kơ lu bơ̆n ưh kơ đei krao apinh Sư thoi Sư đei pơkă, na Kră Yang 'Bok Kei-Dei hil mĭl pơrăm lê̆ lu bơ̆n.”

I Ho 15:13 ပူးပေါင်းရင်းမြစ်များ

II Sam 6:3

Lu sư tah Hom pơgơ̆p Kră Yang 'Bok Kei-Dei kơpal gre 'nao, iŏk đơ̆ng hnam Abinađap oei kơpal groi. Usa păng Ahiô, kon tơdăm Abinađap, chĕp gre 'nao noh.

I Ho 13:3

Na bơ̆n athei tung ba Hom Pơgơ̆p Kră Yang 'Bok Kei-Dei wih tơ lu bơ̆n; yua kơ lăm chăl Sôl, lu bơ̆n ưh kơ đei krao apinh Kră Yang 'Bok Kei-Dei.”

I Ho 15:2

Kơplah noh Đawit khan 'nguaih kơ bơngai Lêwi, ưh kơ đei bơngai bu gơh tung Hom Pơgơ̆p Kră Yang 'Bok Kei-Dei, yua kơ Kră Yang 'Bok Kei-Dei rơih iŏk boih lu sư wă tung Hom Pơgơ̆p Kră Yang 'Bok Kei-Dei păng bơ̆jang kơ Kră Yang ling-lang.

Tơdrông Pơđơk 28:13

Bơngai bu ôn tơdrong yoch sư ưh kơ đei pŭn hiôk; Mă-lei đei bu tơbral păng achăng lê̆ sư gô đei mơnat.

Jo 4:15

Đang kơ Arôn păng lu kon drŏ-nglo sư chô̆ chôm đĭ tơmam lăm anih rơgoh boih, na đe pôk bơsŭn noh yak, na lu kon sâu Kôhat năm tung iŏk lu tơmam noh; lu sư ưh kơ gơh kơ hơtŭt 'bơm ôh tơmam rơgoh noh, kơnh lu sư lôch. Tơmam lăm Bơsŭn Anih Akŭm, tơmam noh mă lu kon sâu Kôhat athei tung.

Jo 7:9

Mă-lei sư ưh kơ pơjao gre hăm rơmo dăm kơ kon sâu Kôhat, yua kơ lu sư jang wei-lăng păng tung tơmam rơgoh tơ kơpal hơngiĕng lu sư.

I Kor 11:2

Inh bơnê kơ iĕm tơpă yua kơ iĕm 'blŏk hơdơ̆r kơ inh ling-lang lăm tôm tơdrong păng iĕm kư̆m kiơ̆ dôm tơdrong juăt bơngai lui mă inh bơtho đơ̆ng sơ̆.

I Kor 14:40

Mă-lei iĕm athei akŭm 'blep trŏ thoi Kră Yang wă, 'nĕ pă akŭm kư̆ kă.

Both 31:9

Môis chih khôi juăt 'nâu, pơjao ăn kơ lu 'bok soi, kon drŏ-nglo bơngai Lêwi lu bơngai tung Hom Tơdrong Pơgơ̆p Kră Yang păng pơjao ăn kơ đĭ-đăng lu kră bơngai Isơrael.