I Ho 14:2 - Sơ̆p Hlabơar Nơ̆r 'Bok Kei-Dei

² Đawit băt kơ Kră Yang ăn kơ sư pơm pơtao lu bơngai Isơrael. Teh đak sư rai tih rai să yua kơ Isơrael kon pơlei Kră Yang.

I Ho 14:2 ပူးပေါင်းရင်းမြစ်များ

II Sam 7:16

Adrĕch hnam ih ưh kơ đei khăi bơngai pơtrơp ih; Inh gô ăn tang-dŏ ih kơjăp khŏm khŏm. Păng dêh char pơtao ih oei kơjăp ling-lang khŏm khŏm.”

II Sam 7:8

Thoi noh dang ei, ih athei roi kơ Đawit, đĭch đam Inh Kră Yang Tih Hloh đei khan thoi âu: “Inh boih đei krao ih đơ̆ng tơmăn 'nhĕt anih ih oei wei triu, pôk ih jing bơngai pơgơ̆r kon pơlei Inh.

I Pot 10:9

Kơkuh bơnê kơ Kră Yang 'Bok Kei-Dei ih, yua kơ Sư lăp đon kơ ih ăn kơ ih hơ-oei kơpal tang-dŏ pơtao lu bơngai Isơrael! Yua kơ Kră Yang 'mêm kơ Isơrael ling-lang, thoi noh na Sư ăn kơ ih pơm pơtao wei-lăng wă kơ ih pơm tơdrong trŏ păng 'lơ̆ng tơpăt.

I Ho 14:1

Hiram, pơtao Tirơ, wơh bơngai năm tơ pơtao Đawit, hăm gơih ăn kơ sư 'long hơngo, bơngai man, bơngai jang 'long, wă pơm hnam pơtao ăn kơ sư.

I Ho 14:3

Lăm Jêrusalem Đawit đei iŏk lơ akăn plơ̆ng, păng pơjing kơ lơ kon drŏ-nglo kon drŏ-kăn.

I Ho 17:17

Tơdrong âu Ih lăng thoi oei iĕ đĕch 'bơ̆t anăp Ih, Ơ Kră Yang 'Bok Kei-Dei, Ih kư̆m đei roi mơ̆n kơ dêh char pơtao đĭch đam Ih tơ anăp âu kơnh păng lăng inh thoi bơngai đei đe pơyom hloh, Ơ Kră Yang 'Bok Kei-Dei.

II Ho 2:10

Inh gô ăn lu bơngai jang, kăl 'long đơ̆ng ih, 'bar-jĭt rơbâu kôr (dang 'bar-hrĕng puăn-jĭt kĭ) 'ba tơ'bâu, 'bar-jĭt rơbâu kôr 'ba mi, 'bar-jĭt rơbâu lit sik hơmu păng 'bar-jĭt rơbâu lit đak rơmă ôliwơ.”

II Ho 2:11

Hiram, pơtao Tirơ, chih hla bơar tơl Sôlômôn: Yua kơ Kră Yang 'mêm mơnat kơ kon pơlei Sư, lei na pôk ih pơm pơtao lu sư.

Esther 4:14

Yua kơ tơdah ih ngăn lăm jơ 'nâu gô đei trong nai dơ̆ng pơklaih adrĕch Juđa, mă-lei ih păng hnam dơnŏ 'bă ih kư̆m gô lôch răm. Bu băt lê̆ ih gơh pơm yă pơtao kư̆m yua kơ tơdrong lâu?

Da 2:30

Gah inh, tơdrong mă hlơp noh đei tơ'bôh boih kơ inh, ưh kơ sĭ kơ đơ̆ng inh gơh hơgei hloh kơ bơngai nai ôh lăm lu bơngai mă oei arih; mă-lei wă roi tơbăt ăn kơ pơtao 'bôh nhen păng ăn kơ pơtao băt mă lăm đon tơchĕng.

Jo 24:7

Đak gô ro đơ̆ng thŭng blai lah lai truh tơ 'nguaih, găr adrĕch lu sư gô oei tơ lăm anih đei đak, Pơtao sư jing tih hloh kơ Agak. Dêh char sư rai să rai tih,

Both 28:1

Tơdah iĕm mơ̆ng kiơ̆ nơ̆r Kră Yang 'Bok Kei-Dei iĕm mă kơjăp, pơ'lơ̆ng pơm kiơ̆ dôm nơ̆r Sư tơtă, mă inh bơtho khan kơ iĕm năr 'nâu, na Kră Yang 'Bok Kei-Dei iĕm gô pôk hơtŏk iĕm hloh kơ adrĕch nai mă oei tơ kơpal teh âu.