I Ho 14:10 - Sơ̆p Hlabơar Nơ̆r 'Bok Kei-Dei

¹⁰ Đawit krao apinh Kră Yang 'Bok Kei-Dei khan: “Inh hăm gơh năm blah kon pơlei Philistin ưh? Ih hăm pơjao lu sư lăm ti inh ưh?” Kră Yang tơl nơ̆r sư: “Năm bĕ; Inh gô pơjao lu sư lăm ti ih.”

I Ho 14:10 ပူးပေါင်းရင်းမြစ်များ

II Sam 2:1

Đơ̆ng rŏng kơ noh, Đawit krao apinh Kră Yang: Inh hăm gơh năm tơ minh pôm pơlei ayơ lăm dêh Juđa ưh? Kră Yang tơl sư: Năm bĕ. Đawit apinh dơ̆ng: Inh gô năm tơ yơ? Kră Yang tơl: Ih năm tơ Hêbrôn.

II Sam 5:19

Đawit krao apinh Kră Yang: “Inh hăm gơh năm blah bơngai Philistin ưh? Ih hăm jao lu sư lăm tơpang ti inh?” Kră Yang tơl: Năm bĕ yua kơ Inh jao boih lu sư lăm tơpang ti ih.

II Sam 5:23

Đawit krao apinh Kră Yang, Sư tơl: “Ih 'nĕ kơ năm tơpăt, mă-lei athei năm wer đơ̆ng rŏng blah lu sư tơklă kơdrơ̆ng 'long hơngo bri.

I Pot 22:6

Thoi noh na pơtao đe Isơrael krao akŭm đei puăn-hrĕng 'nu lu 'bok khan lê̆ adrol, na jet lu sư: “Inh hăm gơh năm blah pơlei Ramôt Gileat ưh dah lê̆ đĕch?” Lu sư khan: “Gơh mơ̆n, năm blah bĕ, yua kơ Kră Yang gô jao pơlei 'noh lăm tơpang ti ih.”

I Ho 13:3

Na bơ̆n athei tung ba Hom Pơgơ̆p Kră Yang 'Bok Kei-Dei wih tơ lu bơ̆n; yua kơ lăm chăl Sôl, lu bơ̆n ưh kơ đei krao apinh Kră Yang 'Bok Kei-Dei.”

I Ho 14:11

Na Đawit hăm lu buăl sư tŏk năm tơ Baal Phêrasim, na tơ noh Đawit blah lu linh Philistin jei sư; Đawit khan: “Kră Yang 'Bok Kei-Dei đei yua ti inh blah pơchah lê̆ lu bơngai ayăt kơ inh, nhen thoi đak blŭng kơ bơnơ̆ pơchah.” Thoi noh na đe krao anih noh Baal Pêrasim.

I Ho 14:14

Na Đawit krao apinh Kră Yang 'Bok Kei-Dei dơ̆ng; Kră Yang 'Bok Kei-Dei tơl nơ̆r sư: “Ih 'nĕ kơ năm tơpăt lu sư, athei năm dăr đơ̆ng rŏng na blah lu sư tơ anăp kơdrơ̆ng 'long hơngo bri.

I Ho 14:9

Kon pơlei Philistin năm truh, blah pơrăm Thŭng Rêphaim.

Tơdrông Pơđơk 3:6

'Blŏk băt bĕ kơ Kră Yang lăm rim trong ih pơm, Na sư gô pơm kơ trong ih tơpăt.

I Sam 30:8

Đawit krao apinh Kră Yang: Inh hăm gơh druh 'moi bơngai blah tơtông tơgar iŏk 'nâu ưh? Inh druh 'moi lu sư hăm tam? Kră Yang khan: Năm bĕ druh 'moi lu sư, tơpă ih druh 'moi gô tam păng dŏng pơklaih đĭ-đăng bơngai đêl lu sư rôp.