I Ho 13:8 - Sơ̆p Hlabơar Nơ̆r 'Bok Kei-Dei

⁸ Pơtao Đawit păng đĭ-đăng bơngai Isơrael đĭ jơhngơ̆m chơt hiôk 'bơ̆t anăp Kră Yang 'Bok Kei-Dei, hơri, reh brŏ, ot brŏ, teh hơgơ̆r iĕ, preh chhar păng hlôm keng hiôk chơt.

I Ho 13:8 ပူးပေါင်းရင်းမြစ်များ

II Pot 3:15

Mă-lei dang ei, ba kơ inh minh 'nu bơngai gơh reh brŏ dung bĕ:” Kơplah bơngai ei oei reh brŏ dung na tơdrong mơsêh Kră Yang jur oei hơdai hăm Êlisê.

I Ho 15:28

Na đĭ-đăng bơngai Isơrael năm tung Hom Pơgơ̆p Kră Yang hăm nơ̆r jreo tơkĕch hiôk chơt, kơtơ̆ng jơwa hlôm keng păng jơwa tơgiĕp preh chhar reh tĭng-nĭng păng brŏ dung.

I Ho 16:42

Hêman hăm Jêđuthun hlôm keng, preh chhar, hăm yua lu tơmam nai wă hơri kơkuh kơ Kră Yang 'Bok Kei-Dei. Lu kon drŏ-nglo Jêduthun tơdrong jang lu sư wei gak 'măng jang.

I Ho 16:5

Asap pơgơ̆r tơm Sachari kơiĕng tơgŭm sư, păng đei Jêiel, Sêmiramôt, Jêhiel, Mathihia, Êliap, Bênaia, Ôbêt, Êdôm hăm Jêiêl tơdrong jang sư reh brŏ reh tĭng-nĭng păng brŏ dung Asap preh chhar,

I Ho 23:5

Na puăn-rơbâu 'nu bơngai jang gak wei-lăng 'măng jang; păng puăn-rơbâu 'nu bơngai hơri ư-ang kơ Kră Yang păng brŏ inh ăn kơ bơngai hơri bơnê ư-ang.

II Ho 20:28

Lu sư brŏk truh mơ̆t lăm pơlei Jêrusalem, năm truh tơ hnam akŭm tơm Kră Yang reh brŏ dung, tĭng-nĭng păng hlôm keng.

II Ho 5:12

Lu bơngai Lêwi hơri, noh Asap, Hêman păng Jêđuthun, lu kon drŏ-nglo sư lu 'nhŏng oh sư hrŭk hơbĕn ao che 'bui se rơmuăn, preh chhar, reh brŏ dung, tĭng-nĭng đĭ-đăng lu sư dơ̆ng gah hơlĕch kơ chơnang soi hơdai hăm minh-hrĕng 'bar-jĭt 'nu 'bok soi hlôm keng.

Horiso 47:5

Kră Yang 'Bok Kei-Dei tŏk hăm nơ̆r jreo chơt hiôk, Kră Yang tŏk păr lăm jơwa keng re

Horiso 92:3

Lăm Brŏ mơjĭt dăng tơlei păng tĭng-nĭng. Reh tơmơ̆t hăm brŏ dung.

Am 5:23

Weh ataih bĕ dôm nơ̆r hơri lu iĕm đơ̆ng inh! Inh ưh kơ 'maih mơ̆ng nơ̆r brŏ-kơni đơ̆ng lu iĕm.

Am 6:5

Tơpă, lu iĕm hơri nơ̆r kư̆ kă chă pơlăp kiơ̆ kơ brŏ chă pơm brŏ kơdih khan rok thoi pơtao Đawit.

I Sam 10:5

Đơ̆ng noh ih gô truh tơ Gibêah Elohima, jơ̆ minh pơm anih kơđông đe Philistin; kơplah ih mơ̆t bơih tơ pơlei, ih gô tơ'bơ̆p minh khŭl 'bok khan lê̆ adrol jur đơ̆ng anih kơkuh, lu sư suang reh brŏ dung teh hơgơ̆r iĕ, hlôm 'lal păng reh tĭng-nĭng năm adrol kơ ih; Lu sư gô khan lê̆ adrol.