I Ho 13:6 - Sơ̆p Hlabơar Nơ̆r 'Bok Kei-Dei

⁶ Đawit păng đĭ-đăng bơngai Isơrael năm hơdai sư tŏk tơ Baala noh Kiriat Jêarim, lăm dêh Juđa, wă kơ năm iŏk hom pơgơ̆p krao Anăn noh Kră Yang Tih Hloh Tơ'ngla dan tang-dŏ Sư sơlam kơ chêrubim.

I Ho 13:6 ပူးပေါင်းရင်းမြစ်များ

I Pot 8:16

‘Iŏk đơ̆ng năr Ih pơklaih lu bơngai Isơrael đơ̆ng dêh Êyiptơ, Inh ưh kơ đei rơih iŏk ôh khŭl bơngai bu đơ̆ng lăm bơngai Isơrael, pơjing pơm Hnam akŭm wă kơ anăn Inh oei lăm noh. Mă-lei Inh đei iŏk bơih Đawit wă kơ sư pơgơ̆r lu bơngai Isơrael kon pơlei Inh.’

II Pot 19:15

Hesekia krao khan 'bơ̆t anăp Kră Yang khan: Ơ Kră Yang 'Bok Kei-Dei lu bơngai Isơrael! Ih oei kơpơ̆ng lu chêrubim. Lăp minh 'nu ih đĕch 'Bok Kei-Dei kơ đĭ-đăng lu dêh char lăm ala teh âu. Ih bơih tơ'ngla mă pơjing plĕnh hăm teh.

Horiso 80:1

Ơ Kră Yang mă wei-lăng Isơrael. Ơ Kră Yang chông anhăk adrĕch Jôsep thoi khŭl triu. Pơgling đon mơ̆ng bĕ. Ơ Kră Yang oei tơ kơpal chêrubim pơchrang bĕ hơdah Ih,

Horiso 99:1

Kră Yang pơgơ̆r; lu kon pơlei athei hli yom bĕ; Sư hơ-oei tơ kơpal chêrubim;a plei teh hli pơpơ̆ bĕ.

Le 20:24

Ih athei pơm kơ Inh minh pôm chơnang soi păng teh, kơpal noh athei pơyơ̆r tơmam soi 'buh hăm tơmam soi hiôk-hian triu dah rơmo, tơ rim anih ayơ mă Inh ăn athei 'blŏk hơdơ̆r kơ Anăn Inh, Inh gô năm tuh ăn tơdrong pŭn hiôk kơ ih tơ noh.

Le 23:21

'Bơ̆t anăp sư, ih athei kơchăng păng mơ̆ng kiơ̆ nơ̆r sư 'nĕ kơ sơngah pơjah plơ̆; kơnh sư ưh kơ mơnat ăn tơdrong yoch ih, yua kơ anăn Inh oei lăm sư.

Le 25:22

Inh gô tơ'bơ̆p ih tơ noh, tơ kơpal tơnglơ̆p tơdrong 'mêm mơnat sơlam 'bar tŏ rup chêrubim, tơ kơpal hom tơdrong pơgơ̆p noh Inh gô bơtho tơ'bôh kơ ih dôm tơdrong tơtă kơ lu bơngai Isơrael.

Êsai 37:16

Ơ Kră Yang Tih Hloh, 'Bok Kei-Dei đe Isơrael, Tơ'ngla hơ-oei tŏk-bŏk chêrubim, lăp minh Ih đĕch jơ̆ Kră Yang 'Bok Kei-Dei mă pơgơ̆r rim teh đak; Ih bơih pơjing plĕnh păng teh.

Jo 6:27

Lu sư athei dan 'măn anăn Inh tơ kơpal lu kon pơlei adrĕch Isơrael thoi noh, lei na Inh gô ăn tơdrong pŭn hiôk kơ lu sư.

Jo 7:89

Kơplah Môis mơ̆t tơ lăm Bơsŭn Anih Akŭm wă pơma dơnuh hăm Kră Yang, na sư kơtơ̆ng nơ̆r pơma hăm sư đơ̆ng lăm Tơnglơ̆p Mơnat ăn dan kơpal Hom tơdrong Roi Tơbăt, tŏk-bŏk sơlam kơ 'bar tŏ chêrubim; Kră Yang pơma dơnuh hăm sư.

Jôsuê 15:60

Kariat Baal wă khan Kiriat Jearim păng Rapba; đĭ-đăng 'bar tŏ pơlei tih hăm pơlei iĕ lu sư.

Jôsuê 15:9

Hơdral 'nâu đơ̆ng luĕl kông truh tơ đak glung Neptôa tơtil lu pơlei kơpal kông Êphrôn, jur tơ Baala, noh Kiriat Jêrim.

Jôsuê 9:17

Kon pơlei Isơrael yak năm năr mă pêng truh tơ pơlei lu sư, pơlei Gibeôn, Kêphira, Bêrôt păng Kiriat, Jêrim.

I Sam 4:4

Thoi noh, lu sư wơh bơngai năm tơ Silô, tung iŏk Hom Pơgơ̆p Kră Yang Tih Hloh, Tơ'ngla mă oei tơ lăm lu chêrubim. 'Bar 'nu kon drŏ-nglo Hêli, jơ̆ Hopni păng Phinêhas, bre sư kư̆m năm kiơ̆ Hom Pơgơ̆p Kră Yang 'Bok Kei-Dei mơ̆n.

I Sam 6:21

Lu sư wơh bơngai năm khan kơ pơlei Kiriat Jêrim, khan lu bơngai Philistin tung ba pơdrâu boih Hom Pơgơ̆p Kră Yang, jur năm tơ âu tung iŏk kơ lu iĕm bĕ.