I Ho 13:2 - Sơ̆p Hlabơar Nơ̆r 'Bok Kei-Dei

² Đawit khan kơ đĭ-đăng lu kon pơlei Isơrael: “Tơdah lu iĕm 'bôh tơdrong 'nâu 'lơ̆ng păng lăp đon Kră Yang 'Bok Kei-Dei lu bơ̆n, lei bơ̆n wơh bơngai năm jơ̆p anih, tơ 'nhŏng oh lu bơ̆n mă oei tơ jơ̆p-jang dêh Isơrael, pơtơm lu 'bok soi păng bơngai Lêwi lăm rim pơlei tơring lu sư wă akŭm hơdai hăm lu bơ̆n.

I Ho 13:2 ပူးပေါင်းရင်းမြစ်များ

I Pot 12:7

Lu sư tơl: “Tơdah năr 'nâu ih pơm thoi đĭch đam kon pơlei pơla, awih awăn kơ lu sư, tơl tơwih pơma dơnuh pơ'lơ̆ng hăm lu sư, lei lu sư gô pơm đĭch đam ih ling-lang.”

II Pot 9:15

Mă-lei, Jôram hlôi wih bơih tơ Jêsreel wă hơmet jĭ rơka sư đêl linh đe Aram prah 'bơm sư 'bơ̆t sư tơblah Hasael pơtao đe Aram, na Jêhu khan: “Dah lu iĕm lăp đon, 'nĕ kơ ăn minh 'nu bu lĕch klĕnh đơ̆ng pơlei âu năm roi ăn kơ Pơlei Jesreel.”

I Ho 10:7

Kon pơlei Isơrael bơngai lăm anih thŭng glă 'bôh lu linh kơdâu, Sôl hăm lu kon drŏ-nglo sư lôch boih, lu sư achăng lê̆ pơlei sư na kơdâu ôn; kon pơlei Philistin mơ̆t blah iŏk oei tơ lăm lu pơlei noh.

I Ho 13:1

Đawit pơđâu hăm yŏng pơgơ̆r minh-rơbâu linh, yŏng pơgơ̆r minh-hrĕng linh, hăm rim kră pơgơ̆r.

I Ho 13:3

Na bơ̆n athei tung ba Hom Pơgơ̆p Kră Yang 'Bok Kei-Dei wih tơ lu bơ̆n; yua kơ lăm chăl Sôl, lu bơ̆n ưh kơ đei krao apinh Kră Yang 'Bok Kei-Dei.”

Le 18:23

Tơdah ih pơm thoi noh păng Kră Yang 'Bok Kei-Dei kư̆m ăn thoi noh mơ̆n, ih gô kĕ pơm keh đang đĭ dôm tơdrong jang păng đĭ-đăng kon pơlei kư̆m đei jơhngơ̆m hiôk hơđơ̆ng wih brŏk tơ hnam.

Tơdrông Pơđơk 15:22

Tơdă ưh kơ chă đon pơđâu, tơdrong ih wă pơm gô hiong; Mă-lei tơdah đei đon lơ pơđâu chơchă tơdă wă pơm gô jing.

Êsai 37:4

Rŏ lăng Kră Yang 'Bok Kei-Dei ih gô kơtơ̆ng dôm nơ̆r Rapsaka pơma, bơngai đơ̆ng pơtao Asiri wơh sư năm tơ âu wă pơma pơjăm Kră Yang 'Bok Kei-Dei arih ling-lang păng Kră Yang gô phak sư kiơ̆ thoi dôm nơ̆r mă Kră Yang 'Bok Kei-Dei kơtơ̆ng bơih, noh bơih ih krao khan bĕ kơ lu bơngai mă oei oei tơ âu!”

I Sam 31:1

Kon pơlei bơngai Philistin tơblah hăm lu bơngai Isơrael; bơngai Isơrael kơdâu thuơ ôn achăng pră lê̆ lu bơngai lôch tơ kông Gilbôa.