I Ho 12:39 - Sơ̆p Hlabơar Nơ̆r 'Bok Kei-Dei

³⁹ Lu sư oei hăm pơtao Đawit pêng năr păng sŏng sa hơdai tơ noh yua kơ 'nhŏng oh lu sư hơmet ăn.

I Ho 12:39 ပူးပေါင်းရင်းမြစ်များ

Bl 26:30

Isăk pôk hiŏng tơmam sŏng sa chơt hiôk hơdai; đĭ kơ lu sư sŏng sa hơdai.

Bl 31:54

Đơ̆ng noh, lu sư pơyơ̆r tơmam soi kơpal kông păng pơtơm lu 'nhŏng oh sư sŏng sa. Thoi noh lu sư sŏng sa păng tep hloi kơpal kông noh minh măng.

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

II Sam 19:42

Bơngai Juđa tơl: “Yua kơ lu nhôn 'nhŏng oh hăm pơtao. Na liơ mă lu iĕm blĕk? Lu nhôn đei sa yua tơmam kiơ đơ̆ng pơtao ưh? Pơtao hăm đei ăn đĕch kơ lu nhôn tơmam kiơ?”

II Sam 6:19

Sư asong kơ đĭ-đăng kon pơlei Isơrael, lu tơpôl lăm Isơrael mă drŏ-nglo dah drŏ-kăn, minh 'nu minh pôm 'bĕng mi minh kơnăt 'nhĕm phang, hăm minh tơpei 'bĕng hơmu kro, đơ̆ng noh, đĭ-đăng lu sư brŏk tơ hnam sư kơdih.

I Ho 11:10

'Nâu boih lu yŏng bơngai nuih pran kơtang, pơgơ̆r lu linh Đawit, tơgŭm hơdai hăm đĭ-đăng bơngai Isơrael, wă pơm kơ dêh char pơtao Đawit pran kơjăp, thoi nơ̆r Kră Yang đei pơkă.

I Ho 12:38

Lu bơngai 'nâu lu linh đei đon gơh hơgei kơ tơblah, đei jơhngơ̆m kơjăp nuih năm tơ Hêbrôn wă pôk Đawit pơm pơtao pơgơ̆r đĭ-đăng dêh char Isơrael. Đĭ-đăng lu bơngai Isơrael nai kư̆m dai minh jơhngơ̆m pôk Đawit pơm pơtao.

I Ho 12:40

Na lu 'nhŏng oh đơ̆ng ataih truh, đơ̆ng teh đak Isakar, Sabulôn păng Neptali lu sư chơ tơmam sa păng aseh iĕ, lăk-đa, aseh lai păng rơmo, lu sư ba lơ tơpŭng 'bĕng mi, 'bĕng pơlei hơra, hơmu kro, sik, đak rơmă, hăm dui ba rơmo păng triu lơlap lơlang, yua kơ đei tơdrong chơt hiôk lăm dêh char Isơrael.