I Ho 12:20 - Sơ̆p Hlabơar Nơ̆r 'Bok Kei-Dei

²⁰ Lăp Đawit wih hơlơ̆k tơ Siklak, đei lu bơngai Manase năm kiơ̆ sư: Atnah, Jôsabat, Jêđiael, Mikael, Jôsabat, Êlihu păng Sillethai, lu sư tă kơ pơm yŏng kơ rơbâu 'nu linh lăm adrĕch adrung Manase.”

I Ho 12:20 ပူးပေါင်းရင်းမြစ်များ

I Ho 12:19

Kŭm đei lu bơngai khŭl Manase năm kiơ̆ Đawit kơplah sư năm hơdai hăm linh Philistin tơblah hăm Sôl, mă-lei sư hăm lu linh sư ưh kơ đei tơgŭm linh Philistin yua kơ lu bơngai Philistin tơweh Đawit khan: “Hli kơ sư wih hơlơ̆k hăm Sôl, yŏng tơ'ngla sư, pơm kơnê̆ chơ̆ng kơ̆l lu bơ̆n dơ̆ng.

I Ho 12:21

Đei lu sư bơngai tơgŭm Đawit tơblah hăm linh chă iŏk blah tơgar, yua kơ lu sư bơngai nuih pran kơtang păng pơm yŏng pơgơ̆r lu linh.

I Ho 8:20

Êliênai, Silêthai, Êliel

Le 18:21

Lei na rơih iŏk bĕ lăm kon pơlei dôm bơngai drŏ-nglo gơh hơgei hlôh wao, băt hli yom kơ Kră Yang 'Bok Kei-Dei mă tơpă, areh kơ tơdrong ưh kơ trŏ, na pôk lu sư pơm bơngai wei-lăng minh-rơbâu 'nu, minh-hrĕng 'nu, kơ pơđăm-jĭt 'nu, kơ mơjĭt 'nu bơngai.

Both 1:15

Thoi noh inh iŏk lu bơngai wă pơm yŏng đơ̆ng adrĕch adrung lu iĕm, lu bơngai hơgei đe ang păng đêl juăt kơ đei tơdrong truh pôk sư pơm yŏng lu iĕm, wei-lăng minh-rơbâu 'nu wei minh-hrĕng 'nu wei-lăng pơđăm-jĭt 'nu, dah wei-lăng mơjĭt 'nu bơngai păng wei-lăng lăm adrĕch adrung lu iĕm.

Both 33:17

Rơmo tơno kơdră sư 'lơ̆ng rŏ pran kơtang. Ake sư noh ake rơmo tơno bri. Ake noh boih sư tơ̆m kon pơlei pơla. Dĭng truh tơ kon pơlei oei tôch teh đak, noh boih rơbâu hơngan 'nu bơngai Êphraim, kư̆m thoi dôm rơbâu 'nu bơngai Manase.

I Sam 29:11

Na Đawit hăm lu bơngai kiơ̆ sư iung đơ̆ng hrôih, lăp 'năr wă hơdah pơgê dơ̆ng rŏng wơ̆t brŏk tơ dêh kon pơlei bơngai Philistin; gah kon pơlei Philistin tŏk năm tơ Jesreel.

I Sam 29:3

Na, lu bơngai yŏng pơgơ̆r kon pơlei pơla bơngai Philistin jet: Lu bơngai Hêbrơ pơm kiơ tơ âu? Akis tơl khan; 'nâu Đawit, đĭch đam Sôl, pơtao Isơrael, oei hăm inh wă đei loi kơ minh sơnăm kơ âu. Đơ̆ng năr sư năm oei hơdai păng lu nhôn dĭng truh dang ei, inh ưh kơ đei 'bôh sư pơm glăi minh tơdrong kiơ.

I Sam 29:4

Lu yŏng pơgơ̆r bơngai Philistin blĕk dêh, khan kơ Akis: Puh tơbrŏk lê̆ bơngai 'nâu tơ anih mă ih đei ăn kơ lu sư boih, 'nĕ ăn sư năm tơblah hơdai hăm lu bơ̆n, lăm năr tơblah kơnh hli kơ sư đei jơhngơ̆m ayăt hăm blah plơ̆ bơ̆n dơ̆ng; sư pơm wă pơhiôk kơ yŏng tơ'ngla so sư? Pơjao kơ̆l rim 'nu linh bơ̆n.