I Ho 12:18 - Sơ̆p Hlabơar Nơ̆r 'Bok Kei-Dei

¹⁸ Na Yang Bơhngol 'lơ̆ng jur tơ Amasai pơm yŏng kơ pêng-jĭt 'nu bơngai, na sư khan: “Ơ Đawit, lu nhôn gah ih ngăl! Ơ kon drŏ-nglo Jese, lu nhôn oei hăm ih! Hiôk-hian, hiôk-hian bĕ kơ ih; hiôk-hian kơ bơngai bu tơgŭm ih Kră Yang 'Bok Kei-Dei gô tơgŭm ih!” Na Đawit sơng iŏk lu sư, pơchĕp ăn kơ lu sư pơm yŏng pơgơ̆r linh.

I Ho 12:18 ပူးပေါင်းရင်းမြစ်များ

II Sam 15:21

Itai tơl: “Đei Kră Yang arih ling-lang lăng tông păng 'bơ̆t anăp pơtao yŏng inh, oei arih na inh pơkă: Mă pơtao yŏng inh oei tơ yơ, inh kư̆m oei tơ noh, mă lôch mă arih.”

II Sam 17:25

Apsalôm pôk Amasa pơm yŏng linh pơtrơp đơ̆ng Jôap. Amasa kon drŏ-nglo Jether adrĕch bơngai Isơrael. Jether sơ̆ sư oei kơ Abigail, kon adruh Nahas, mŏ Sêruia, mĕ Jôap.

II Sam 19:13

Apinh măr iĕm kư̆m athei khan kơ Amasa: ‘Ih jơ̆ sĕch akar inh. Tơdah đơ̆ng âu tơ anăp ih ưh kơ pơm yŏng pơgơ̆r linh tơplih Jôap lei apinh Kră Yang 'Bok Kei-Dei phak inh trăp hloh!’ ”

II Sam 5:2

Adrol sơ̆ kơplah Sôl oei pơm pơtao, ih boih pơgơ̆r lu linh Isơrael năm tơblah. ‘Kră Yang đei khan kơ ih’ ‘Ih boih gô wei rong kon pơlei pơla Isơrael Inh, păng pơgơ̆r lu sư.”

I Pot 9:22

Mă-lei gah lu bơngai Isơrael, Sôlômôn ưh kơ rôp lu sư pơm đĭch ôh, lu sư pơm linh tơblah, mơ'nah pơm 'bok pơgơ̆r linh, mơ'nah pơm 'bok pơgơ̆r lu yŏng linh, mơ'nah wei-lăng lu bơngai hao gre aseh păng lu bơngai hao aseh.

II Pot 10:15

Lăp Jêhu yak weh đơ̆ng noh, sư tơ'bơ̆p Jêhônadap, kon drŏ-nglo Rêkap tŏk-bŏk oei năm sơng sư. Sư kơkuh kơ Jêhônadap păng khan: “Jơhngơ̆m ih hăm tơpăt tơpă hăm ĭnh, thoi ĭnh tơpăt tơpă hăm ih bơih?” Jêhônadap tơl: “Jơhngơ̆m ĭnh tơpăt tơpă hăm ih” Jêhu khan dơ̆ng: “Dah ih tơpăt tơpă lei, ih chro ti ih kơ ĭnh.” Na Jônađap chro ăn kơ sư ti. Jêhu rôp ti hơtŏk Jônadap hao gre aseh, hơdai hăm sư.

II Pot 10:5

Kuan wei hnam pơtao păng lu kuan wei pơlei păng lu kră pơlei, păng bơngai bơtho wei-lăng kon drŏ-nglo Ahap, pơtruh nơ̆r roi kơ Jêhu khan: “Lu nhôn jơ̆ đĭch đam ih; lu nhôn gô pơm tôm tơdrong ih athei nhôn pơm, lu nhôn ưh kơ wă chă rơih bu pơm pơtao ôh, ih pơm bĕ tơdrong kiơ, kiơ̆ kơ ih tơchĕng khan lăp trŏ.”

II Pot 9:32

Jêhu ngơk lăng tơ 'măng-'mŏk na jet: “Tơ kơpal 'noh, bu gah ĭnh? Bu? Na 'bar pêng 'nu kuan krĕo nger lăng tơ sư.

I Ho 11:11

'Nâu anăn dôm lu linh nuih pran kơtang kiơ̆ Đawit: Jahôbêam, kon drŏ-nglo Hakmôni, pơm yŏng kơ lu bơngai pơgơ̆r; 'noh bơngai yua đao tơju sư kơdih mă pơlôch pêng-hrĕng 'nu bơngai lăm minh 'măng.

I Ho 12:17

Đawit lĕch sơng lu sư păng khan: “Tơdah lu iĕm năm hăm tơdrong hiôk-hian păng wă tơgŭm inh lei jơhngơ̆m inh gô pơgơ̆p hăm lu iĕm; tơdah lu iĕm hơlĕnh blah inh wă tơgŭm kơ lu bơngai ayăt, lei apinh Kră Yang 'Bok Kei-Dei 'bok bơ̆n sek lăng păng phak lu iĕm; yua kơ ti inh ưh kơ đei pơm tơdrong kơnê̆ kiơ.”

I Ho 2:17

Abigail pơjing kơ Amasa; 'bă Amasa noh Jêther bơngai Ismael.

Êsai 59:17

Kră Yang iŏk tơdrong tơpăt hrŭk thoi ao mam păng iŏk tơdrong dŏng pơklaih, yơ̆l thoi môk kơlăm Sư iŏk tơdrong pơm 'mong pơm thoi hơbĕn ao hrŭk, sư iŏk đĭ jơhngơ̆m tơnăp wăn tăp tơ akâu pơm thoi hơbĕn ao.

Sa 8:23

Kră Yang Tih Hloh khan thoi âu: “Gô đei mơjĭt 'nu đơ̆ng rim nơ̆r pơma păng rim kơ dêh char, rôp kơjăp ao minh 'nu bơngai Juđa păng khan: Ăn kơ nhôn năm hơdai ih, yua kơ nhôn kơtơ̆ng Kră Yang oei hơdai ih.’ ”

Mathiơ 12:30

“Iĕm kơchăng hŏ, bu ưh kơ wă kiơ̆ Inh, sư dang ayăt kơ Inh; bu ưh kơ pôm đon hăm Inh, sư gô tơklah tơklang.

Galati 6:16

Inh apinh 'Bok Kei-Dei mơnat ăn kơ dôm lu bơngai lui kiơ̆ tơdrong noh, lu sư boih kon 'Bok Kei-Dei tơpă, lu sư boih đe anăn bơngai Isơrael. Inh apinh 'Bok Kei-Dei ăn kơ lu sư hiôk-hian.

Lu 13:25

Yang bơhngol 'lơ̆ng Kră Yang pơih ăn kơ jơhngơ̆m sư pran kơplah sư oei tơ lăm tơring Mahaneh Đan sơlam pơlei Sôra păng Êstaôl.

Lu 3:10

Yang bơhngol 'lơ̆ng Kră Yang jur tơ Ôtniêl na sư jing bơngai sek tơlang Isơrael lĕch năm tơblah. Na Kră Yang pơjao Kusan Risathaim, pơtao Aram lăm ti sư na sư blah Kusan Risathaim jei sư.

Lu 6:34

Yang Bơhngol 'lơ̆ng Kră Yang truh oei hơdai Giđêôn; sư hlôm keng krao lu bơngai Abierit akŭm băl kiơ̆ sư.

Ru 1:16

Mă-lei Rut tơl sư thoi âu: Ih 'nĕ pă athei inh tơklah đơ̆ng ih, yua kơ ih năm tơ yơ inh gô kiơ̆ ih tơ noh; ih oei tơ yơ inh gô oei hơdai ih tơ noh; kon pơlei ih kư̆m jing kon pơlei inh mơ̆n; Kră Yang 'Bok Kei-Dei ih kư̆m jing Kră Yang 'Bok Kei-Dei inh mơ̆n;

I Sam 16:4

Samuel pơm kiơ̆ dôm tơdrong Kră Yang bơtho khan kơ sư, năm truh tơ pơlei Betlehem. Lu kră pơlei tơkan sơng sư. Lu sư hli na apinh: Ih năm tơ âu ba tơdrong hiôk-hian dah kiơ?

I Sam 16:5

Na sư tơl: Hiôk-hian Inh truh tơ âu wă pơyơ̆r tơmam soi 'buh kơ Kră Yang; hơmet bĕ kơdih akâu mă 'lơ̆ng rơgoh păng kư̆m wang năm tơ âu hơdai inh. Sư kư̆m krao wơ̆n Jese lu kon drŏ-nglo sư hơmet akâu kơdih rơgoh 'lơ̆ng na kư̆m năm tơ anih pơyơ̆r.

I Sam 22:7

Sôl pơma kơ lu đĭch đam sư mă oei tăp dăr kơ sư: Ơ lu adrĕch bơngai Bênjamin mơ̆ng bĕ. Hăm trŏ kơ kon Jese gô ăn đĭ kơ lu iĕm, chŭn păng lu pơgar hơmu hă? Sư gô pơk ăn kơ iĕm pơm kơ̆l rơbâu 'nu bơngai păng hrĕng 'nu bơngai hă?

I Sam 24:12

Apinh Kră Yang gô sek tơlang ih păng inh. Kră Yang gô pơm 'mong kơ ih ăn kơ inh, mă-lei gah inh ưh kơ đei pơm kiơ truh kơ akâu jăn ih.

I Sam 24:13

Đe đei nơ̆r khan: Tơdrong kơnê̆ lĕch đơ̆ng bơngai kơnê̆. Mă-lei tơpang ti inh ưh kơ đei layơ wă hơtŭt 'bơm akâu jăn ih.

I Sam 24:16

Đang kơ Đawit pơma dôm lu nơ̆r 'nâu boih, na Sôl tơl: Ơ Đawit kon inh, hăm trŏ kon dah kiơ? Sôl nhơ̆m ôr,

I Sam 8:12

Sư gô ăn pơm yŏng kơ rơbâu 'nu linh păng pơm yŏng kơ pơđăm-jĭt 'nu, dah rôp lu sư choh chŭn sư, kĕch kơ sư 'ba, hơjơ̆m tơmam tơblah ăn kơ sư păng lu tơmam pơm gre aseh tơblah.