I Ho 11:24 - Sơ̆p Hlabơar Nơ̆r 'Bok Kei-Dei

²⁴ 'Noh jơ̆ tơdrong Bênaia, kon drŏ-nglo Jêhôiada đei pơm đe kư̆m ư-ang kơ sư thoi pêng 'nu bơngai nuih kơtang noh.

I Ho 11:24 ပူးပေါင်းရင်းမြစ်များ

II Sam 8:18

Bênaia kon tơdăm Jêhôiada pơm yŏng pơgơ̆r linh wei pơtao, lu kon pơlei Kêrêthit păng kon pơlei Pêlithit; gah lu kon drŏ-nglo Đawit tơgŭm sư chă đon.

I Ho 11:23

Sư kư̆m pơlôch minh 'nu bơngai Êyiptơ kơjung 'bar hlok minh hơgăt mă bơngai Êyiptơ ti sư chĕp tơju tih tŏ 'long hơtơ̆ng brai, Bênaia năm tơblah sư chĕp minh pôm 'long tơnôn, na tơgar iŏk tơju đơ̆ng ti bơngai Êyiptơ na 'bet pơlôch bơngai noh.

I Ho 11:25

Lăm pêng-jĭt 'nu bơngai nuih kơtang, sư đe kư̆m ư-ang hloh, mă-lei ưh kơ gơh jô̆ mơ̆t lăm pêng 'nu noh. Đawit iŏk sư mơ̆t pơgơ̆r wei-lăng linh mă wei sư.

I Ho 12:1

'Nâu lu bơngai mă kiơ̆ Đawit tơ Siklak sư weh kơ Sôl, kon drŏ-nglo Kis, pơpuh Lu sư lu bơngai linh nuih kơtang mă đei tơgŭm Đawit tơblah wang.

I Ho 12:28

Kŭm đei Sađok, bơngai drŏ-nglo hơ'lơ̆p nuih pran kơtang păng hăm sư đei 'bar-jĭt 'bar 'nu bơngai pơgơ̆r đơ̆ng hnam 'bă sư.