I Ho 11:20 - Sơ̆p Hlabơar Nơ̆r 'Bok Kei-Dei

²⁰ Abisai, oh Jôap pơm yŏng kơ pêng 'nu bơngai nuih kơtang; sư yua tơju na blah pơlôch pêng-hrĕng 'nu bơngai, na đe ư-ang anăn sư thoi pêng 'nu 'noh.

I Ho 11:20 ပူးပေါင်းရင်းမြစ်များ

II Sam 18:2

Đawit gơih khŭl linh sư năm. Klah asong pêng khŭl, ăn kơ Jôap iŏk pơgơ̆r minh khŭl. Abisai, kon Sêruia, oh Jôap iŏk pơgơ̆r minh khŭl; Itai, bơngai Gat iŏk pơgơ̆r minh khŭl, pơtao pơma pơkă hăm khŭl linh khan: “Inh kư̆m gô năm tơblah hơdai hăm lu iĕm.”

II Sam 2:18

Tơ noh kư̆m đei pêng 'nu kon tơdăm Sêruia: Noh Jôap, Abisai păng Asahel, Asahel 'nâu sư kơdâu hơbĕch hơbal nhen thoi Keh.

II Sam 20:6

Na, pơtao Đawit khan kơ Abisai: “Seba, kon Bikri, wă pơrăm lu bơ̆n hơmơt hloh kơ Apsalôm. Na ih athei anhăk lu linh inh, druh 'moi Seba kơnh sư tơgar iŏk pơlei ayơ kơjăp đơ̆ng lu bơ̆n.”

II Sam 21:17

Mă-lei Abisai, kon yă Sêruia năm dŏng pơtao, blah bơngai Philistin 'noh păng pơlôch lê̆ lu sư. Kơplah noh lu linh pơtao Đawit pơkă: “Pơtao ih 'nĕ pă lĕch tơblah hơdai lu nhôn dơ̆ng, kơnh pơtao pĭt hŭt pla ŭnh kơđeng kon pơlei Isơrael.”

II Sam 3:30

Jôap hăm Abisai 'nhŏng sư, pơlôch Apner, yua kơ Apner pơlôch Asahel, oh măr sư, năr tơblah tơ Gibeôn.

I Ho 11:19

na khan: “Apinh Kră Yang 'Bok Kei-Dei wei inh ưh kơ pơm tơdrong 'nâu; liơ Inh gơh huch pham lu bơngai 'nâu, yua kơ lu sư hŭt akâu kơdih wă kơ iŏk đak âu.” Thoi noh, na Đawit ưh kơ chu nhă đak. Noh mă lu tơdrong jang pêng 'nu bơngai nuih kơtang đei pơm.

I Ho 11:21

Lăm pêng 'nu bơngai nuih kơtang 'noh sư đe ư-ang hloh na pơm kơ̆l wei-lăng lu sư, mă-lei ưh kơ đei dang pêng 'nu bơngai adrol noh.

I Ho 2:16

Mŏ oh lu sư Sêruia păng Abigail. Sêruia đei pêng 'nu kon drŏ-nglo Abisai, Jôap păng Asahel.

I Sam 26:6

Đawit jet Ahimelek, bơngai Hêtit păng Abisai kon drŏ-nglo Sêruia, oh Jôap: Bu 'maih năm hăm inh jur năm tơ anih Sôl? Abisai tơl: Inh gô năm jur hăm ih.