I Ho 11:19 - Sơ̆p Hlabơar Nơ̆r 'Bok Kei-Dei

¹⁹ na khan: “Apinh Kră Yang 'Bok Kei-Dei wei inh ưh kơ pơm tơdrong 'nâu; liơ Inh gơh huch pham lu bơngai 'nâu, yua kơ lu sư hŭt akâu kơdih wă kơ iŏk đak âu.” Thoi noh, na Đawit ưh kơ chu nhă đak. Noh mă lu tơdrong jang pêng 'nu bơngai nuih kơtang đei pơm.

I Ho 11:19 ပူးပေါင်းရင်းမြစ်များ

Bl 9:4

Mă-lei lu iĕm 'nĕ kơ sa 'nhĕm lu kon sem mă đei bơhngol arih, wă khan oei đei pham.

II Sam 23:17

Pơtao khan: “Kơkuh kơ Ih Kră Yang, apinh ih 'nĕ ăn kơ kon nhă đak noh, yua kơ 'nâu jơ̆ pham lu bơngai hŭt akâu sư kơdih năm sŏ iŏk na brŏk ăn kơ kon.” Na pơtao sơngah ưh kơ nhă đak noh. 'Noh jơ̆ jơnei tih lu pêng 'nu bơngai nuih kơtang.

I Pot 21:3

Mă-lei Nabôt khan kơ Ahap: “Apinh Kră Yang wei 'nĕ ăn inh ăn kơ ih tơmam đơ̆ng 'bok kơdră inh.

I Ho 11:18

Na pêng 'nu bơngai 'nâu năm mơ̆t tơpăt kơđông linh Philistin sŏ iŏk đak đơ̆ng lăm sơlŭng jê̆ 'măng jang pơlei Betlehem, chĕp ba ăn kơ Đawit nhă mă-lei sư ưh kơ wă nhă, sư tuh hloi đak 'noh 'bơ̆t anăp Kră Yang,

I Ho 11:20

Abisai, oh Jôap pơm yŏng kơ pêng 'nu bơngai nuih kơtang; sư yua tơju na blah pơlôch pêng-hrĕng 'nu bơngai, na đe ư-ang anăn sư thoi pêng 'nu 'noh.

Jop 31:31

Lu bơngai lăm hnam dơnŏ inh ưh kơ đei pơma: “Hăm đei bu mă Jop ưh kơ đei ăn sa 'nhĕm phĭ mah?”

Horiso 72:14

Sư gô pơklaih tơdrong arih lu bơngai đe pơjuă pơđep păng đơ̆ng lu bơngai pơm kơnê̆. Păng lăng pham lu sư gĭt tơpă.

Lêwi 17:10

Tơdah bơngai bu mă đơ̆ng lăm adrĕch Isơrael, dah bơngai tơmoi oei hăm sư, sa pham kiơ bưh, lei Inh gô iung hil mĭl kơ bơngai sa pham noh, Inh gô puh tơhiong lê̆ sư đơ̆ng bơngai Isơrael sư.

Markôs 14:24

Na Yêsu khan kơ lu sư: “Đak hơmu âu boih pham Inh wă lĕch tang ăn lơ bơngai na 'Bok Kei-Dei pơklaih tơdrong yoch lu sư.

Yo 6:55

Inh wă khan kơ iĕm dơ̆ng, sĕch akar Inh tơmam sa kon bơngai tơpă; pham Inh kư̆m đak nhă kon bơngai tơpă.

Rom 16:4

Sơ̆ inh đei tơdrong đe wă pơlôch, na bre sư tơdŏng inh, bre sư nuih dêh ưh kơ hli kơ đe wă pơlôch hăm bre sư. Na inh păng đĭ-đăng bơngai lui tơmoi bơnê kơ bre sư tơpă.

I Kor 15:30

Gah inh đe ling-lang wă pơm kơnê̆ kơ inh kơlih kơ inh adrin jang tơdrong 'Bok Kei-Dei. Na dah inh lôch ning-mônh ưh kơ đei iung arih đơ̆ng lôch, lei thoi yơ inh wă adrin jang thoi dang ei?

Lu 5:18

Bơngai Sebulun ưh kơ hli kơ lôch pơyơ̆r akâu mă lôch kư̆m bưh; Bơngai Naptali kư̆m lei-lăi jao akâu lu sư lôch tơ anih tơblah.

Lu 9:17

Yua kơ 'bă inh đei tơblah tang lu iĕm ăn akâu sư wă dŏng pơklaih lu iĕm đơ̆ng ti bơngai Miđian.

I Sam 19:5

Sư hŭt akâu kơdih na mă pơlôch bơngai Philistin, yua kơ sư na Kră Yang đei ăn kơ bơngai Isơrael tơblah jei ngăl. Ih 'bôh boih păng chơt hiôk; lei na khan wă pơlôch pơrăm bơngai ưh kơ pơm yoch wă pơlôch Đawit tơdrong ưh kơđei?