I Ho 11:14 - Sơ̆p Hlabơar Nơ̆r 'Bok Kei-Dei

¹⁴ Mă-lei lu sư dơ̆ng lăm na chŭn blah drŭt lu linh Philistin kơdâu đĭ thoi noh Kră Yang ăn kĕ jei lu sư tih dêh tơpă.

I Ho 11:14 ပူးပေါင်းရင်းမြစ်များ

II Sam 23:10

Mă-lei sư dơ̆ng kơtă anih păng koh pơlôch kon pơlei Philistin truh tơpang ti sư rơgah hơmren klep kơjăp kơ đao gưm, khŭl linh Isơrael wih hơlơ̆k tơgŭm sư, mă-lei lăp chă dônh akŭm tơmam đơ̆ng akâu bơngai lôch đĕch. Lăm năr noh, Kră Yang ăn kơ kon pơlei Isơrael kĕ jei jơnei tih.

II Pot 5:1

Naaman 'bok yŏng pơgơ̆r linh pơtao đe Aram, sư noh jơ̆ minh 'nu bơngai đei tơdrong gơh kĕ 'bơ̆t anăp yŏng tơ'ngla sư; đe kư̆m pơyom kơ sư dêh yua kơ Kră Yang yua sư tơblah ăn kơ lu kon Pơlei Aram kĕ jei, bơngai 'nâu sư nuih, pran kơtang, mă-lei sư 'bơm chin.

I Ho 11:13

Sư oei hơdai hăm Đawit tơ Pas Đammim, lăp lu linh Philistin akŭm băl wă tơblah. Tơ noh đei na chŭn 'ba tơ'bâu, anih mă lu linh kơdâu kơ linh Philistin.

I Ho 11:15

Lăm pêng-jĭt 'nu bơngai pơgơ̆r đei pêng 'nu bơngai năm jur tơ'bơ̆p Đawit lăm hơgơp tơmo tơ Ađulam, kơplah noh lu linh Philistin oei dơ̆ng pơm anih tơ lăm Thŭng Rêphaim.

Horiso 144:10

Ih ăn tơdrong jei kơ lu pơtao; Pơklaih Đawit đĭch đam Ih đơ̆ng tak đao gưm.

Horiso 18:50

Kră Yang ăn kơ pơtao Sư jei jơneig tih tơpă, Sư ăn tơdrong mơnat kơ bơngai mă Sư tuh đak rơmă, kơ Đawit, Păng kơ lu kon, sâu sư ling-lang hloi.

Tơdrông Pơđơk 21:31

Đe chă aseh wă 'măn kơ năr năm tơblah; Mă-lei kĕ jei noh đơ̆ng Kră Yang.

I Sam 14:23

Kră Yang dŏng pơklaih bơngai Isơrael lăm năr 'noh; tơdrong tơblah lanh truh tơ Bêt Awen.

I Sam 19:5

Sư hŭt akâu kơdih na mă pơlôch bơngai Philistin, yua kơ sư na Kră Yang đei ăn kơ bơngai Isơrael tơblah jei ngăl. Ih 'bôh boih păng chơt hiôk; lei na khan wă pơlôch pơrăm bơngai ưh kơ pơm yoch wă pơlôch Đawit tơdrong ưh kơđei?