I Ho 11:10 - Sơ̆p Hlabơar Nơ̆r 'Bok Kei-Dei

¹⁰ 'Nâu boih lu yŏng bơngai nuih pran kơtang, pơgơ̆r lu linh Đawit, tơgŭm hơdai hăm đĭ-đăng bơngai Isơrael, wă pơm kơ dêh char pơtao Đawit pran kơjăp, thoi nơ̆r Kră Yang đei pơkă.

I Ho 11:10 ပူးပေါင်းရင်းမြစ်များ

II Sam 3:21

Đang kơ et sa Apner pơma dơnuh hăm Đawit khan: “Inh gô akŭm pơđĭ lu bơngai Isơrael năm ba brŏk tơ pơtao, lu sư gô pơgơ̆p pơkă pơkăm hăm ih, na ih pơm yŏng pơtao pơgơ̆r đĭ-đăng kơ dêh char Isơrael, thoi kơ ih đei hơpơi.” Đawit ăn kơ Apner brŏk na sư brŏk hiôk-hian.

I Ho 11:3

Kơplah noh đĭ-đăng lu kră bơngai Isơrael năm tơ pơtao Đawit tơ Hêbrôn; na Đawit pơgơ̆p hloi hăm lu sư tơ Hêbrôn 'bơ̆t anăp Kră Yang; klaih kơ noh lu sư tuh đak rơmă 'bâu phu pôk Đawit pơm pơtao bơngai Isơrael thoi nơ̆r Kră Yang pơkă hăm Samuel.

I Ho 12:21

Đei lu sư bơngai tơgŭm Đawit tơblah hăm linh chă iŏk blah tơgar, yua kơ lu sư bơngai nuih pran kơtang păng pơm yŏng pơgơ̆r lu linh.

I Ho 12:23

'Nâu lu bơngai linh năm tơ Hêbrôn, wă ăn teh đak Sôl kơ Đawit, kiơ̆ thoi nơ̆r Kră Yang.

I Ho 12:24

Lăm kon sâu Juđa đei tơdrâu-rơbâu tơhngam-hrĕng 'nu bơngai hơmet lê̆ khêl, tơju, wă tơblah.

I Ho 12:38

Lu bơngai 'nâu lu linh đei đon gơh hơgei kơ tơblah, đei jơhngơ̆m kơjăp nuih năm tơ Hêbrôn wă pôk Đawit pơm pơtao pơgơ̆r đĭ-đăng dêh char Isơrael. Đĭ-đăng lu bơngai Isơrael nai kư̆m dai minh jơhngơ̆m pôk Đawit pơm pơtao.

I Ho 12:39

Lu sư oei hăm pơtao Đawit pêng năr păng sŏng sa hơdai tơ noh yua kơ 'nhŏng oh lu sư hơmet ăn.

I Ho 27:1

'Nâu chih anăn lu bơngai Isơrael: Lu yŏng kơdră lăm adrĕch 'bă sư lu yŏng pơgơ̆r minh-rơbâu 'nu păng pơgơ̆r minh-hrĕng 'nu păng lu bơngai yŏng bơ̆jang ăn kơ pơtao, wei-lăng đĭ-đăng khŭl linh oei bơ̆jang dah khŭl lu linh oei pơdơh rim khei lăm minh sơnăm đei 'bar-jĭt puăn-rơbâu 'nu bơngai lăm minh khŭl.

I Ho 28:1

Đawit krao akŭm đĭ-đăng lu bơngai pơgơ̆r Isơrael, brŏk tơ pơlei Jêrusalem. Lu bơngai yŏng kơdră lăm adrĕch adrung, lu bơngai pơgơ̆r lăm khŭl mă bơ̆jang kơ pơtao, lu yŏng wei-lăng minh-rơbâu păng minh-hrĕng linh, lu bơngai wei-lăng mŭk tơmam lu sem dơrong pơtao hăm lu kon drŏ-nglo sư, hơdai hăm lu bơngai bơ̆jang lăm hnam pơtao păng đĭ-đăng lu bơngai gơh hơgei nuih pran kơtang.

I Sam 16:1

Kră Yang khan kơ Samuel: Ih oei sơ'ngon kơ Sôl dĭng truh dang yơ? Inh achăng lê̆ sư boih, ưh pă ăn sư pơm pơtao bơngai Isơrael dơ̆ng. Tuh bĕ đak rơmă 'bĕnh kơ trôm hơke na ih năm; Inh wơh ih năm tơ'bơ̆p 'bok Jese Betlehem; yua lăm lu kon sư, Inh đei rơih iŏk minh 'nu wă pơm pơtao.