I Ho 10:9 - Sơ̆p Hlabơar Nơ̆r 'Bok Kei-Dei

⁹ Lu sư iŏk tơmam Sôl, chơ̆ng iŏk kơ̆l sư, iŏk tơmam tơblah sư, na lu sư wơh bơngai năm jơ̆p-jang dêh Philistin, roi tơbăt ăn kơ lu rup yang păng kon pơlei sư.

I Ho 10:9 ပူးပေါင်းရင်းမြစ်များ

II Sam 1:20

'Nĕ chă roi tơdrong 'nâu tơ lăm pơlei Gat, 'nĕ chă roi tơdrong noh kiơ̆ trong tih pơlei Askalon; kơnh lu bơngai drŏ-kăn Philistin hiĕk chhôk, lu drŏ-kăn bơngai ưh kơ kăt tơdra akar hiôk chơt.

I Ho 10:10

Lu sư 'măn lê̆ tơmam tơblah Sôl tơ lăm anih kơkuh kơ rup yang lu sư, na kơ̆l sư hơtol lê̆ tơ lăm hnam yang Dagôn.

I Ho 10:4

Sôl athei bơngai mă chĕp tơmam tơblah sư khan: “Ih athei toh đao ih 'bet pơlôch inh, kơnh lu bơngai mă ưh kơ chu kăt tơdra akar 'noh truh pơm kơnê̆ kơ inh.” Mă-lei bơngai chĕp mă wei sư 'noh ưh kơ pơ̆n yua kơ sư hli dêh. Na Sôl iŏk đao sư glơ̆m kơdih sư.

I Ho 10:8

Năr đơ̆ng rŏng, kon pơlei Philistin năm iŏk mŭk tơmam lu bơngai lôch, na 'bôh Sôl păng lu kon drŏ-nglo sư lôch tơ Kông Gilbôa.

Da 5:23

Mă-lei pôk kơdih akâu blah Kră Yang kơpal plĕnh păng iŏk pơđĭ lu kơchŏk pơnhan hu maih đơ̆ng hnam akŭm Kră Yang păng yua huch tơdrô hơdai hăm lu yŏng lăm hnam pơtao, lu akăn tơm, akăn kơnhŏng pơtao. Pơtao kư̆m kơkuh kơ rup yang pơm păng hu păng maih păng kong păng mam păng 'long păng tơmo; lu yang mă đei măt mă ưh kơ gơh 'bôh, đei đon mă ưh kơtơ̆ng ưh kơ băt kiơ păng pơtao ưh kơkuh kơ Kră Yang 'Bok Kei-Dei Sư boih Yang Tơ'ngla mă chĕp tơdrong arih păng tôm lu trong gơlong pơtao pơm.

Mathiơ 14:11

Na linh ei năm chơ̆ng hloi ako Yôhan 'măn 'bơ̆t pơnhan chhĕr chĕp ba kơ adruh noh. Na adruh noh iŏk năm ăn kơ mĕ sư.