I Ho 10:4 - Sơ̆p Hlabơar Nơ̆r 'Bok Kei-Dei

⁴ Sôl athei bơngai mă chĕp tơmam tơblah sư khan: “Ih athei toh đao ih 'bet pơlôch inh, kơnh lu bơngai mă ưh kơ chu kăt tơdra akar 'noh truh pơm kơnê̆ kơ inh.” Mă-lei bơngai chĕp mă wei sư 'noh ưh kơ pơ̆n yua kơ sư hli dêh. Na Sôl iŏk đao sư glơ̆m kơdih sư.

I Ho 10:4 ပူးပေါင်းရင်းမြစ်များ

II Sam 1:20

'Nĕ chă roi tơdrong 'nâu tơ lăm pơlei Gat, 'nĕ chă roi tơdrong noh kiơ̆ trong tih pơlei Askalon; kơnh lu bơngai drŏ-kăn Philistin hiĕk chhôk, lu drŏ-kăn bơngai ưh kơ kăt tơdra akar hiôk chơt.

II Sam 1:6

Bơngai tơdăm ei tơl: “Lăp inh năm rok trong kông Gilbôa,” na inh 'bôh Sôl oei 'bĭch hơgrop hăm tơju sư, gre hăm lu linh ayăt druh wă jê̆ sư.

II Sam 17:23

Ahithôphel 'bôh đe ưh kơ wă kiơ̆ tơdrong sư pơđâu, na hao hloi aseh iĕ sư brŏk tơ hnam pơlei sư kơdih tơ Gilô. Đang kơ sư hơmet dôm tơdrong jang lăm hnam dơnŏ sư keh boih, sư hrek hơlŏng kơdih lôch. Đe 'bŭ sư hơdai tơ lăm bơsat 'bă sư.

I Pot 16:18

Lăp Simri 'bôh đe wang tăp dăr kơ pơlei bơih na sư mơ̆t tơ lăm kơđông hnam pơtao mă kơjăp dêh, na sư soh hnam pơtao păng akâu sư lôch hloi lăm noh.

I Ho 10:3

Tơdrong tơblah băl tih dêh tơpă tăp kơ Sôl, lu linh chĕp hră druh prah 'bơm hloi sư rơka.

I Ho 10:5

Na lăp bơngai chĕp wei sư 'noh 'bôh Sôl lôch boih, na sư kư̆m iŏk đao glơ̆m sư kơdih mơ̆n.

Jang 1:18

“Juđa iŏk jên đơ̆ng bơngai wă rôp Yêsu na đơ̆ng jên ei sư blơ̆ răt mir đe. Đơ̆ng noh na Juđa sư pơrăm kơdih akâu, sư huŏng hơtat pơchah klak lôch hloi.

Jang 16:27

Na kră wei-lăng hnam phak ei iung đơ̆ng tep 'bôh 'măng tơpơih đĭ, na sư ngêh lu bơngai phak kơdâu jăk đĭ boih. Na sư toh anglop đao wă 'bet pơlôch kơdih akâu ră.

Lu 15:18

Yua kơ sư rơhing 'maih nhă đak dêh na sư krao apinh Kră Yang khan: “Ih ăn boih kơ đĭch đam ih tơdrong jơnei tih dêh âu, na dang ei inh wă lôch ngôi rơhing đak, na kư̆m wă huŏng 'bônh lăm ti lu bơngai ưh kơ chu kăt tơdra akar hă?”

Lu 16:21

Lu bơngai Philistin rôp sư, kuek 'bar pah măt sư, chông ba sư năm tơ pơlei Gasa, chô̆ sư hăm tơlei glang kong 'bar pah, phak sư ot, tơpăl peh hơ'bo lăm hnam bơnă.

Lu 9:54

Na sư krao bơngai chĕp khêl dao sư păng khan: Toh bĕ đao ih pơlôch inh, kơnh đe khan: Minh 'nu bơngai drŏ-kăn pơlôch sư! Thoi noh bơngai noh 'bet sư hloi na sư lôch.

I Sam 14:6

Jônathan khan hăm bơngai chĕp tơmam tơblah sư: Bĕ ba khŏm năm truh tơ kơđông lu bơngai ưh kơ kăt tơdra akar 'noh.c Băt Kră Yang gô tơgŭm kơ ba; ưh kơ đei tơdrong kiơ găn Kră Yang ăn kơ jei bơ̆n mă bơ̆n tŏ sĕt dah lơ.

I Sam 17:26

Đawit jet lu bơngai ngôi jê̆ sư: Đe gô apah kiơ kơ bơngai gơh pơlôch bơngai Philistin 'nâu păng wă kơ huay pă pơjăm lu bơngai Isơrael dơ̆ng? Lu bơngai Philistin 'nâu, lu bơngai ưh kơ chu kăt tơdra akar, sư bu, na mă pơ̆n pơjăm lu linh Kră Yang 'Bok Kei-Dei arih ling-lang?

I Sam 17:36

Inh pơlôch boih dăm-brang păng chơgơu, thoi noh na bơngai Philistin to ưh kơ chu kăt tơdra akar tăm dơ̆ng inh kư̆m gô teh pơlôch sư thoi sem brem noh mơ̆n; yua kơ sư pơjăm lu linh Kră Yang 'Bok Kei-Dei mă arih ling-lang.

I Sam 31:4

Sôl khan kơ bơngai chĕp tơmam tơblah sư: Toh bĕ tơju ih, 'bet inh wăi, kơnh lu bơngai ưh kơ chu kăt tơdra akar 'bet inh păng gô che bơle kơ inh. Mă-lei bơngai mă chĕp tơmam sư tơblah ưh kơ pơ̆n 'bet, yua kơ hli dêh; Sôl iŏk tơju glơ̆m akâu sư kơdih.