I Ho 10:2 - Sơ̆p Hlabơar Nơ̆r 'Bok Kei-Dei

² Kon pơlei Philistin, druh Sôl păng lu kon drŏ-nglo sư, pơlôch lu kon drŏ-nglo sư Jônathan, Abinađap păng Malkissua.

I Ho 10:2 ပူးပေါင်းရင်းမြစ်များ

II Pot 23:29

Lăm chăl Jôsia pơgơ̆r, 'bok Pharaôn Nêkô, pơtao đe Êyiptơ năm tơ đak Krong Ơphrat, tơgŭm pơtao đe Asiri tơblah. Na Jôsia năm găn tơblah hăm sư. Mă-lei lăp Pharaôn Nêkô tơ'bơ̆p sư, na pơlôch lê̆ sư tơ pơlei Mêgiđô.

II Pot 25:7

Lu sư pơlôch kon drŏ-nglo pơtao Sêđekia tơm măt; na kuek lê̆ măt Sêđekia, chô̆ lê̆ sư hăm glang pơm hăm kong, đơ̆ng noh ba sư tơ Babilôn.

I Ho 10:3

Tơdrong tơblah băl tih dêh tơpă tăp kơ Sôl, lu linh chĕp hră druh prah 'bơm hloi sư rơka.

I Ho 8:33

Ner pơjing Kis; Kis 'bă kơ Sôl; Sôl 'bă kơ Jônathan, Malkisua, Abinađap păng Êsbaal.

I Ho 9:39

Ner pơjing Kis; Kis pơjing Sôl; Sôl pơjing Jônathan, Malkissua, Abinađap, păng Êsbaal.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

I Sam 14:49

Pơtao Sôl đei pêng 'nu kon drŏ-nglo Jônathan, Iswi păng Malkisua, sư kư̆m đei 'bar 'nu kon drŏ-kăn; 'lŏ anăn Mêrap, 'lơ̆p anăn Mikal;

I Sam 14:6

Jônathan khan hăm bơngai chĕp tơmam tơblah sư: Bĕ ba khŏm năm truh tơ kơđông lu bơngai ưh kơ kăt tơdra akar 'noh.c Băt Kră Yang gô tơgŭm kơ ba; ưh kơ đei tơdrong kiơ găn Kră Yang ăn kơ jei bơ̆n mă bơ̆n tŏ sĕt dah lơ.

I Sam 31:2

Kon pơlei bơngai Philistin druh kiơ̆ 'moi Sôl hăm kon drŏ-nglo sư, pơlôch Jônathan, Abinađap păng Malkirsua lu kon Sôl.