I Ho 10:14 - Sơ̆p Hlabơar Nơ̆r 'Bok Kei-Dei

¹⁴ Sôl ưh kơ krao apinh Kră Yang; na Kră Yang pơlôch sư, teh đak sư ăn kơ Đawit, kon drŏ-nglo Jese.

I Ho 10:14 ပူးပေါင်းရင်းမြစ်များ

II Sam 5:3

Đĭ-đăng lu kră bơngai Isơrael năm tơ pơtao Đawit tơ Hêbrôn; pơtao Đawit đei pơm tơdrong pơgơ̆p hăm lu sư tơ Hêbrôn 'bơ̆t anăp Kră Yang, na lu sư tuh đak rơmă pôk Đawit pơm pơtao Isơrael.

I Ho 12:23

'Nâu lu bơngai linh năm tơ Hêbrôn, wă ăn teh đak Sôl kơ Đawit, kiơ̆ thoi nơ̆r Kră Yang.

I Ho 17:13

Inh jing 'bă sư păng sư jing kon drŏ-nglo Inh, Inh ưh kơ đei pơdrâu iŏk ôh tơdrong Inh 'mêm đơ̆ng sư, thoi inh pơdrâu iŏk đơ̆ng bơngai adrol kơ ih.

I Ho 2:12

'Bôô pơjing Ôbêt, Ôbêt pơjing Jese.

II Ho 16:12

Lăm sơnăm mă pêng-jĭt tơsĭn chăl Asa pơgơ̆r, Asa sư đei jĭ jơ̆ng sư jĭ krưp dêh; kơplah sư jĭ jơ̆ng 'nâu sư ưh kơ chơchă Kră Yang, mă-lei sư chă 'bok pơgang wă ming mang.

Tơdrông Pơđơk 17:13

Bơngai bu pơm kơnê̆ tơwih kơ đe pơm 'lơ̆ng, Tơdrong truh pơmat ưh kơ weh ôh đơ̆ng hnam sư.

Êsai 10:15

Hăm trŏ kơ sung tưk sư kơdih hloh kơ tơ'ngla chĕp sư? Dah hơnuă pơrŏ ot plơ̆ kơ bơngai chĕp sư? Dah thoi sơnguĕt hiŏng bơngai chĕp sư? Dah thoi 'long jra tưk ti bơngai chĕp Sư.

Êsai 10:7

Mă-lei sư ưh kơ wă thoi noh. Lăm jơhngơ̆m sư ưh kơ tơchĕng thoi noh ôh sư wă 'maih pơrăm tơhiong lê̆ lơ dêh char.

Jôsuê 9:14

Lu bơngai Isơrael iŏk tơmam sa lu sư, mă-lei ưh kơ đei krao apinh Kră Yang.

I Sam 13:14

Mă-lei dang ei, dêh char ih ưh kơ kơjăp ôh. Kră Yang đei rơih iŏk ăn kơ Sư kơdih minh 'nu bơngai kiơ̆ kơ jơhngơ̆m Sư, ăn bơngai noh pơgơ̆r kon pơlei Sư, yua kơ ih ưh kơ wei nơ̆r Kră Yang tơtă.

I Sam 15:28

Samuel khan kơ sư: Năr 'nâu Kră Yang kư̆m hek teh đak Isơrael đơ̆ng ih kư̆m thoi noh mơ̆n, na pơjao ăn kơ bơngai nai đơ̆ng, trŏ hloh kơ ih.

I Sam 16:1

Kră Yang khan kơ Samuel: Ih oei sơ'ngon kơ Sôl dĭng truh dang yơ? Inh achăng lê̆ sư boih, ưh pă ăn sư pơm pơtao bơngai Isơrael dơ̆ng. Tuh bĕ đak rơmă 'bĕnh kơ trôm hơke na ih năm; Inh wơh ih năm tơ'bơ̆p 'bok Jese Betlehem; yua lăm lu kon sư, Inh đei rơih iŏk minh 'nu wă pơm pơtao.

I Sam 28:17

Kră Yang pơm kiơ̆ thoi nơ̆r sư đei khan boih. Kră Yang pơdrâu iŏk teh đak đơ̆ng tơpang ti ih na ăn kơ bơngai nai noh jơ̆ Đawit.

I Sam 28:6

Sôl krao khan kơ Kră Yang; mă-lei Kră Yang ưh kơ đei tơl nơ̆r sư, lăm tơdrong apo, dah đơ̆ng Urim dah đơ̆ng 'bơ̆r lu bơngai khan lê̆ adrol.