I Ho 10:13 - Sơ̆p Hlabơar Nơ̆r 'Bok Kei-Dei

¹³ Pơtao Sôl lôch, yua kơ sư pơm yoch ưh kơ hli gơnang kơ Kră Yang; sư ưh kơ kiơ̆ nơ̆r Kră Yang bơtho pơkă păng kư̆m kiơ̆ bơngai krao apinh yang atâu,

I Ho 10:13 ပူးပေါင်းရင်းမြစ်များ

II Pot 21:6

Sư soh pơyơ̆r kon drŏ-nglo sư lăm ŭnh pơm yang păng sư pơjuăt tơwir, hơđa sư lui kơ pơjâu krao bơhngol bơngai lôch, sư pơm lơ tơdrong kơnê̆ 'bơ̆t anăp Kră Yang tơblĕk Kră Yang.

Horiso 25:3

Tơpă, dôm lu bơngai gơnang kơ Ih. Ưh kơ đei mơlâu, Ăn bĕ kơ lu bơngai ưh kơ chu lui gô mơlâu.

Horiso 73:27

To lu bơngai ataih đơ̆ng Ih gô hiong răm; Ih gô pơrăm lê̆ lu bơngai kuă kơ chu Ih.

Le 22:18

Ih 'nĕ kơ lê̆ minh 'nu drŏ-kăn pơjâu arih ôh.

Tơdrông Pơđơk 2:22

Mă-lei lu bơngai kơnê̆ đe pơlôch lê̆ đơ̆ng teh đak, Păng lu bơngai hơlĕnh pơdăr gô buch lê̆ đơ̆ng teh noh.

Êsai 19:3

Lu đe Êyiptơ gô rơdu, inh gô pơrăm lê̆ tơdrong tơdă lu sư hơmet wă pơm, lu sư gô krao chă lu rup yang, lu pơjâu, lu pơjâu pơma dơnuh hăm bơhngol bơngai lôch, lu pơjâu tơwir.

Êsai 8:19

Tơdah đei bu khan kơ iĕm Năm apinh jet bĕ lu pơjâu pơma hăm lu bơngai lôch, lu pơma bơlăm thoi sem păng pơma ưh kơ rơđah ôh khan bĕ kơ lu sư: Ưh kơ trŏ ôh hă kon pơlei năm apinh jet Kră Yang 'Bok Kei-Dei lu sư kơdih? Wă tơgŭm ăn kơ bơngai arih, liơ năm apinh jet bơngai lôch?

Lêwi 19:31

'Nĕ kơ năm tơ lu bơngai mă juăt kơ pơma hăm yang kơnê̆ dah lu pơjâu, 'nĕ kơ chă apinh lu sư ôh kơnh pơm kơ iĕm jing kơnê̆ đơ̆ng lu sư, Inh boih Kră Yang 'Bok Kei-Dei lu iĕm.

Lêwi 20:6

Tơdah bu năm lăng tơ pơjâu păng bơngai pơma hăm yang kơnê̆ lui kiơ̆ na pơm pơyô ngôi kư̆ kă hăm lu sư, Inh gô hil mĭl kơ bơngai noh păng gô puh tơweh sư lĕch đơ̆ng kon pơlei pơla sư.

I Sam 15:11

Inh hmach dêh pôk boih Sôl pơm pơtao; yua kơ sư achăng lê̆ Inh, ưh kơ pơm kiơ̆ nơ̆r Inh. Samuel blĕk krao khan kơ Kră Yang prăt măng.

I Sam 15:2

Kră Yang Tih Hloh khan: Inh 'blŏk đơ̆ng tơdrong Amalek pơm kơ lu bơngai Isơrael, găn trong năm kơplah lĕch hlôi đơ̆ng dêh Êyiptơ.

I Sam 15:23

Hơngah ưh kơ pơm kiơ̆ noh kư̆m yoch thoi bơngai pơjâu hơlĕnh; Pơang kư̆m yoch thoi kơkuh kơ rup yang. Yua kơ đơ̆ng ih achăng lê̆ nơ̆r Kră Yang, na sư kư̆m achăng lê̆ ih ưh kơ ăn kơ ih pơm pơtao.

I Sam 28:6

Sôl krao khan kơ Kră Yang; mă-lei Kră Yang ưh kơ đei tơl nơ̆r sư, lăm tơdrong apo, dah đơ̆ng Urim dah đơ̆ng 'bơ̆r lu bơngai khan lê̆ adrol.