II Yo 1:12 - Sơ̆p Hlabơar Nơ̆r 'Bok Kei-Dei

¹² Inh đei lơ tơdrong nai dơ̆ng wă pơma kơ iĕm, mă-lei inh ưh kơ wă chih pơma kơ iĕm dôm tơdrong noh lăm kơthơ âu ôh. Kơlih kơ ưh pă đunh boih inh wă tơ'bơ̆p iĕm na inh gô bơtho iĕm păng akâu inh kơdih. Thoi noh na bơ̆n chơt hiôk dih băl.

II Yo 1:12 ပူးပေါင်းရင်းမြစ်များ

Jo 12:8

Inh pơma dơnuh hăm sư 'bơ̆r păng 'bơ̆r, hơđăl hơdah, ưh kơ đei tơdrong pơpơn ôn ôh; păng sư 'bôh boih rup Kră Yang. Thoi noh, liơ lu iĕm ưh kơ hli pơ̆n pơma 'bơm kơ đĭch đam Inh Môis?

Yo 15:11

“Inh roi ăn kơ iĕm dôm tơdrong âu wă kơ iĕm chơt hiôk kư̆m thoi Inh chơt hiôk. Thoi noh na lu iĕm gô chơt hiôk tơpă.

Yo 16:12

“Inh oei đei lơ tơdrong wă pơma păng iĕm dơ̆ng, mă-lei lu iĕm ưh kơ kĕ iŏk pơđĭ ôh dang ei.

Yo 16:24

Iĕm athei apinh 'Bă Inh, thoi âu: Yua kơ nhôn lui kơ Kon Ih Yêsu na nhôn apinh Ih wă kơ Ih ăn kơ nhôn tơdrong noh. Iĕm apinh Sư thoi noh, gô đei kơ iĕm tơpă. Thoi noh na iĕm chơt hiôk chhơp kơ jơhngơ̆m iĕm tơpă. Mă-lei đơ̆ng sơ̆ khơ̆ dang ei iĕm tam mă krao khan apinh Sư thoi noh 'mơ̆i.

Yo 17:13

“Na dang ei Inh wă tŏk oei hơdai păng Ih, mă-lei hơdrol kơ Inh wă tŏk Inh roi kơ Ih dôm nơ̆r âu wă kơ lu sư hiôk chơt tơduă lu sư, kư̆m thoi ba hiôk chơt tơduă ba.

Yo 3:29

Pơtih gia, lăp đe pơkong, drŏ-nglo mă iŏk akăn, sư boih hiôk chơt tơpă. Păng buăl mă pơm kơdranh drŏ-nglo 'noh sư kư̆m dơ̆ng jê̆ 'bơ̆t sư mơ̆n păng mơ̆ng sư pơma, buăl sư kư̆m chơt hiôk mơ̆n. Na inh kư̆m dang kơdranh bơngai mă iŏk akăn 'noh mơ̆n. Inh kơtơ̆ng Yêsu pơma, inh hiôk chơt tơpă.

Rom 15:24

Inh năm tơ iĕm hơdrol, đơ̆ng noh na inh năm tơ dêh Aspanhol. Inh tơchĕng wă ngôi hơpong păng iĕm 'biơ̆ păng inh wă kơ iĕm tơgŭm inh gơh năm tơ dêh Aspanhol noh.

II Tim 1:4

Inh oei 'blŏk mơ̆n kơ ih hmoi kơ inh hơtai ba wă tơklah dih băl sơ̆, na dang ei inh rơnguơ̆ dêh, inh wă kơ ba tơ'bơ̆p băl dơ̆ng na jơhngơ̆m inh hiôk.

Phil 1:22

Ih hơmet lê̆ kơ inh anih tep hŏ. Rŏ lăng 'Bok Kei-Dei ăn kơ inh lĕch đơ̆ng hnam phak âu thâu kơlih kơ iĕm krao khan kơ Sư ling-lang. Dah inh lĕch inh năm tơ iĕm.

Hêbrơ 13:19

Mă loi inh wă kơ iĕm krao khan tơgŭm inh, wă kơ inh 'bônh kơ jah năm ngôi tơ iĕm.

Hêbrơ 13:23

Âu inh kư̆m wă roi tơbăt kơ iĕm, 'nhŏng oh bơ̆n Timôthê đe tơlĕch sư đơ̆ng hnam phak boih. Tơ̆ng sư jah truh tơ inh, inh tơchĕng sư kư̆m wă năm kiơ̆ inh năm ngôi tơ iĕm mơ̆n.

I Yo 1:4

Nhôn chih kơ iĕm dôm tơdrong lăm kơthơ âu wă kơ đĭ-đăng kơ bơ̆n hiôk hơiă tơpă.

III Yo 1:10

Mă-lei gô inh truh, inh gô roi tôm tơdrong kơnê̆ Diôtrip pơm. Sư pơchê nhôn păng hơlĕnh gah tơdrong nhôn. Sư oei pơm hloh kơ 'noh dơ̆ng; sư ưh kơ sơng iŏk 'nhŏng oh bơngai lui bơ̆n năm hơpong tơ hnam akŭm iĕm. Lăm hnam akŭm iĕm đei lu bơngai lui mơ'nah wă sơng iŏk ră, mă-lei Diôtrip khă ưh kơ ăn sơng iŏk lu bơngai năm hơpong păng pơpuh lu bơngai lui ei đơ̆ng hnam akŭm mơ̆n.