II Sam 9:8 - Sơ̆p Hlabơar Nơ̆r 'Bok Kei-Dei

⁸ Mêphibôset drap tơ teh kơkuh, na sư pơma khan: “Bơngai đĭch đam ih 'nâu kiơ, mă ih oei tơchĕng 'blŏk 'blăi inh âu thoi minh pôm kŏ lôch?”

II Sam 9:8 ပူးပေါင်းရင်းမြစ်များ

II Sam 16:9

Đơ̆ng noh Abisai, kon drŏ-nglo Sêruia, khan kơ pơtao: “Liơ kŏ lôch 'nâu pơ̆n hiap pơtao yŏng tơ'ngla inh? Apinh pơtao lê̆ kơ inh năm chơ̆ng kơ̆l sư.”

II Sam 24:14

Pơtao Đawit khan kơ Gat bơngai khan lê̆ adrol: “Inh hơwơ̆l hơwang dêh, inh anat kơ wă rơih. Kơtrơ̆m lu bơ̆n jah huŏng lăm tơpang ti Kră Yang đĕch 'lơ̆ng hloh, yua kơ Sư đei tơdrong 'mêm mơnat tih dêh! Apinh Ih 'nĕ ăn kơ inh huŏng lăm ti kon bơngai!

II Sam 3:8

Apner blĕk hil dêh yua kơ Isbôset pơma, na khan: “Inh âu thoi kŏ kơ bơngai Juđa dah liơ?” Inh oei đĭ jơhngơ̆m kiơ̆ gah khŭl Sôl 'bă ih; 'nhŏng oh, buăl juăt pơtao Sôl truh tơ dang ei. Inh kư̆m ưh kơ wă jao pơtao Sôl lăm ti Đawit, na dang ei pơtao pơma chrih kơ inh khan glăi hăm bơngai drŏ-kăn 'nâu!

II Pot 8:13

Hasael tơl: “Đam ih noh bu? Noh thoi minh pôm kŏ đĕch; liơ gơh pơm tơdrong tih dêh thoi noh?” Êlisê tơl: Kră Yang 'Bok Kei-Dei tơbăt ăn kơ ĭnh bơih, ih gô pơm pơtao char Aram.

I Sam 26:20

Ô! Hơpơi rŏ kơ pham inh 'nĕ ăn ro kơpal teh ataih đơ̆ng muh măt Kră Yang; yua kơ kiơ pơtao lu bơngai Isơrael năm chă wă rôp inh, thoi minh pơm siso, nhen thoi đe druh sem trăk-tra? Lăm kông.