II Sam 9:13 - Sơ̆p Hlabơar Nơ̆r 'Bok Kei-Dei

¹³ Thoi noh Mêphibôset oei tơ pơlei Jêrusalem, yua kơ sư sŏng sa hơdai pơtao minh gơ'bang ling-lang, mă sư hơwen hơwo 'bar pah jơ̆ng ră.

II Sam 9:13 ပူးပေါင်းရင်းမြစ်များ

II Sam 19:27

Sư roi hơlĕnh kơ inh hăm ih yŏng tơ'ngla inh; mă-lei pơtao yŏng tơ'ngla inh thoi lĕ minh 'nu linh jang 'lơ̆ng Kră Yang 'Bok Kei-Dei. Apinh ih pơm kơ inh kiơ̆ kơ ih tơchĕng trŏ.

II Sam 4:4

Jônathan, kon tơdăm Sôl đei minh 'nu kon drŏ-nglo hơwen 'bar pah jơ̆ng. Lăp gơ̆p roi tơbăt Jônathan hăm Sôl lôch tơ Jêsreel, kơplah noh sư đĭ pơđăm sơnăm boih, bơngai rong tơmŏm sư pôk anhăk sư kơdâu ôn; kơplah sư kơdâu hăt hot sư huŏng đơ̆ng ti na jing jo. Anăn sư Mêphibôset.

II Sam 9:12

Mêphibôset đei minh 'nu kon drŏ-nglo 'lơ̆p, anăn sư Mika; păng đĭ-đăng lu bơngai oei lăm hnam Siba jing đĭch đam Mephibôset ngăl.

II Sam 9:3

Pơtao jet dơ̆ng: Lăm hnam Sôl ưh pă đei bu dơ̆ng ah? Inh wă iŏk tơdrong 'lơ̆ng đơ̆ng Kră Yang 'Bok Kei-Dei, na sơng iŏk sư. Siba tơl pơtao: Oei pă minh 'nu kon drŏ-nglo Jônathan sư hơwen 'bar pah jơ̆ng.

II Sam 9:7

Đawit khan kơ sư: Mon 'nĕ kơ hli, inh wă tơgŭm ih yua kơ đơ̆ng Jônathan 'bă ih, inh gô pơdrâu kơ ih dôm mă bri seh teh choh đơ̆ng 'bok Sôl ih, păng ih gô oei sŏng sa hơdai inh minh pôm gơ'bang ling-lang hlŏng hloi.

Je 52:33

Thoi noh Jêhôiachin plôh lê̆ ao bơnă sư, kơplah sư oei arih sư sŏng sa hơdai ling-lang hăm pơtao.