II Sam 8:4 - Sơ̆p Hlabơar Nơ̆r 'Bok Kei-Dei

⁴ Pơtao Đawit rôp linh pơtao Sôba pơm bơnă minh-rơbâu tơpơh-hrĕng linh hao aseh, păng 'bar-jĭt rơbâu linh năm jơ̆ng, linh pơtao Sôba. Pơtao Đawit kư̆m koh lê̆ huan jon aseh păng aseh dui gre lê̆ kơ lu sư oei pă lăp kơ dui minh-hrĕng tŏ gre đĕch.

II Sam 8:4 ပူးပေါင်းရင်းမြစ်များ

Bl 49:6

Apơi jơhngơ̆m inh huay kiơ̆ kơ đon kơnê̆. Tơdrong ư-ang inh huay kơ hơdai lu sư; Yua kơ lu sư đei pơlôch boih bơngai lăm năr sư ơh blĕk. Koh huan jơ̆ng rơmo tơno kiơ̆ thoi lu sư kơdih wă.

I Pot 10:26

Pơtao Sôlômôn akŭm pơđĭ gre aseh păng aseh, minh-rơbâu puăn-hrĕng gre aseh păng mơjĭt-'bar rơbâu aseh. Sư 'măn gre aseh lăm lu pơlei lu linh đei lu gre aseh jê̆ pơtao tơ Pơlei Jêrusalem.

I Ho 18:4

Đawit blah tơgar iŏk minh-rơbâu tŏ gre aseh, tơpơh-rơbâu linh hao aseh păng 'bar-jĭt rơbâu linh yak jơ̆ng. Đawit chơ̆ng đĭ huan kơchôp jơ̆ng aseh dui gre, mă-lei oei lê̆ minh-hrĕng tŏ aseh.

Horiso 20:7

Lu đe âu gơnang kơ gre, lu đe nai gơnang kơ aseh Mă-lei lu nhôn gơnang kơ anăn Kră Yang jơ̆ Kră Yang 'Bok Kei-Dei lu nhôn.

Both 17:16

Mă-lei pơtao ei 'nĕ kơ mah hiơ̆k dêh wă kơ đei aseh lơ, wă chông ba kon pơlei brŏk hơlơ̆k dơ̆ng tơ dêh Êyiptơ chă aseh; đơ̆ng Kră Yang khan: Lu iĕm 'nĕ pă wih brŏk dơ̆ng trong noh.

Jôsuê 11:6

Mă-lei Kră Yang khan kơ Jôsuê: Ih 'nĕ kơ hli dơning trŏ kơ jơ âu, Inh gô pơjao lu sư kơ kon pơlei Isơrael pơlôch, ih gô rôp aseh koh huan jon păng soh lê̆ đĭ gre aseh lu sư.

Jôsuê 11:9

Jôsuê blah lu sư pơm kiơ̆ kơ nơ̆r Kră Yang đei pơkă kơ sư, koh huan jon aseh păng soh gre aseh lu sư.