II Sam 8:11 - Sơ̆p Hlabơar Nơ̆r 'Bok Kei-Dei

¹¹ Pơtao Đawit 'măn lê̆ lu tơmam đe ăn wă pơyơ̆r kơ Kră Yang, kư̆m thoi sư đei 'măn lê̆ lu hu maih đơ̆ng lu bơngai mă sư đei blah pơjei iŏk.

II Sam 8:11 ပူးပေါင်းရင်းမြစ်များ

II Sam 8:10

Pơtao Tôu wơh hloi Jôram kon tơdăm sư, năm kơkuh wang chơt hiôk păng pơư kơ pơtao Đawit. Blah pơtao Hadadêser jei sư. Mă tơpă sư pơtao Tôu kư̆m đei tơblah hăm pơtao Hadadêser. Jôram chĕp pơyơ̆r ăn kơ pơtao Đawit lu tơmam pơm hăm kong, maih păng hu.

I Pot 7:51

Đĭ-đăng dôm tơdrong jang pơtao Sôlômôn pơm Hnam akŭm Kră Yang pơm keh đĭ, đang kơ 'noh pơtao Sôlômôn wơh đe chĕp đĭ dôm tơmam 'bă sư Đawit pơyơ̆r sư 'măn lê̆ lăm hnam mong tơmam, lu hu, maih păng dôm tơmam yua nai dơ̆ng mơ̆n, tah lăm Hnam Kră Yang.

I Ho 18:11

Pơtao Đawit pơyơ̆r lu tơmam noh kơ Kră Yang hơdai hăm hu, maih mă sư đei blah iŏk đơ̆ng char Eđôm, char Môap char Ammôn, char Philistin, hăm char Amalek.

I Ho 29:2

Inh đĭ jơhngơ̆m klơm klak hơmet tơmam wă pơm hnam Kră Yang 'Bok Kei-Dei bơ̆n, maih kơ tơmam kiơ pơm hăm maih, hu kơ tơmam kiơ pơm hăm hu, kong kơ tơmam kiơ pơm hăm kong, bơsei kơ tơmam kiơ pơm hăm bơsei 'long kơ tơmam păng 'long tơmo rang păng lu tơmo gĭt hăm tơmo kok jơk tôm tĕch đak gôh găm.

II Ho 5:1

Lăp, dôm tơdrong jang Sôlômôn pơm hnam Kră Yang đang keh boih, Sôlômôn iŏk tơmơ̆t dôm tơmam mă 'bă sư Đawit pơyơ̆r: Hu, maih păng đĭ-đăng tơmam yua, tah lăm hnam mong tơmam hnam Kră Yang 'Bok Kei-Dei.

Mi 4:13

Thoi noh ơ kon drŏ-kăn Siôn, iung bĕ, pơjuă 'ba bĕ! Yua kơ Inh gô pơm ăn kơ hơke ih jing bơsei, kơchôp ih jing mam kong, ih gô pơjuă lơ kon pơlei,