II Sam 7:15 - Sơ̆p Hlabơar Nơ̆r 'Bok Kei-Dei

¹⁵ Mă-lei tơdrong 'mêm Inh ưh kơ weh đơ̆ng sư thoi Inh weh đơ̆ng Sôl, bơngai mă Inh achăng lê̆ wă pôk hơtŏk ih pơm pơtao.

II Sam 7:15 ပူးပေါင်းရင်းမြစ်များ

II Sam 7:14

Inh gô pơm 'bă sư, sư gô jing kon Inh. Tơdah sư pơm yoch, tơpă Inh gô teh bơtho sư hăm sơnguĕt, thoi mĕ 'bă teh bơtho kon;

II Sam 7:16

Adrĕch hnam ih ưh kơ đei khăi bơngai pơtrơp ih; Inh gô ăn tang-dŏ ih kơjăp khŏm khŏm. Păng dêh char pơtao ih oei kơjăp ling-lang khŏm khŏm.”

I Pot 11:13

Mă-lei Inh ưh kơ hek asong pơđĭ hloi ôh; mă-lei Inh gô 'măn lê̆ minh adrĕch adrung ăn kơ sư yua kơ Đawit đĭch đam Inh păng yua kơ pơlei Jêrusalem, pơlei mă Inh đei rơih.”

Horiso 89:28

Inh gô 'măn lê̆ kơ sư tơdrong 'mêm inh ling-lang, Inh gô pơgơ̆p hăm sư kơjăp.

Horiso 89:31

Tơdah lu sư ưh kơ chu kiơ̆ tơdrong juăt Inh, ưh kơ wei nơ̆r Inh tơtă,

Horiso 89:33

Mă-lei inh ưh kơ đei lê̆ ôh tơdrong 'mêm kơ lu sư. Păng inh kư̆m ưh kơ lê̆ mơ̆n pơm 'lơ̆ng tơpăt hăm sư.

Horiso 89:34

Inh kư̆m ưh kơ layơ pơm yoch kơ nơ̆r Inh pơgơ̆p. Kŭm ưh kơ đei tơplih nơ̆r mă lĕch đơ̆ng 'bơ̆r Inh đei pơma.

Horiso 89:49

Ơ Kră Yang, tơ yơ tơdrong 'mêm tih Ih, tơ yơ tơdrong 'lơ̆ng tơpăt Ih mă đei pơkă pơkăm hăm Đawit sơ̆?

Êsai 37:35

Inh gô dŏng tơgŭm pơlei tih âu păng dŏng pơklaih sư, yua kơ Inh khan boih păng yua kơ Inh pơkă boih hăm Đawit đĭch đam Inh.

Êsai 55:3

Athei pơgling đon păng năm bĕ tơ Inh, mơ̆ng Inh na bơhngol lu iĕm gơh arih. Inh gô pơm tơdrong pơgơ̆p hăm lu iĕm ling-lang, wă khan tơdrong 'mêm mơnat tơpă Inh pơkă hăm Đawit.

Êsai 9:7

Nơ̆r Kră Yang hơtă hil kơ Jakôp păng nơ̆r noh tuh ăn kơ Isơrael.

I Sam 15:23

Hơngah ưh kơ pơm kiơ̆ noh kư̆m yoch thoi bơngai pơjâu hơlĕnh; Pơang kư̆m yoch thoi kơkuh kơ rup yang. Yua kơ đơ̆ng ih achăng lê̆ nơ̆r Kră Yang, na sư kư̆m achăng lê̆ ih ưh kơ ăn kơ ih pơm pơtao.

I Sam 15:26

Samuel khan hăm Sôl: Inh ưh pă wih tơ jê̆ ih dơ̆ng; yua kơ ih achăng lê̆ nơ̆r Kră Yang, na Kră Yang kư̆m achăng lê̆ ih, ưh kơ pă wă ih pơm pơtao lu bơngai Isơrael dơ̆ng.

I Sam 15:28

Samuel khan kơ sư: Năr 'nâu Kră Yang kư̆m hek teh đak Isơrael đơ̆ng ih kư̆m thoi noh mơ̆n, na pơjao ăn kơ bơngai nai đơ̆ng, trŏ hloh kơ ih.

I Sam 16:14

Yang Bơhngol 'Lơ̆ng Kră Yang lĕch đơ̆ng Sôl; Kră Yang wơh minh 'nu yang kơnê̆ pơm kơ đon sư hơwơ̆l hơwang hli tơrơ.

I Sam 19:24

Sư kư̆m plôh lê̆ ao sư kơdih, suang pơplŏng pơma khan lê̆ adrol 'bơ̆t anăp Samuel, na pơtao suang pơ̆k 'bĭch hloi tơ teh akâu hoh prăt măng lăm măng noh. Kơlih kơ thoi noh na, đei nơ̆r khan: Sôl kư̆m wang mơ̆t hơdai lu bơngai khan lê̆ adrol mơ̆n hă?