II Sam 7:14 - Sơ̆p Hlabơar Nơ̆r 'Bok Kei-Dei

¹⁴ Inh gô pơm 'bă sư, sư gô jing kon Inh. Tơdah sư pơm yoch, tơpă Inh gô teh bơtho sư hăm sơnguĕt, thoi mĕ 'bă teh bơtho kon;

II Sam 7:14 ပူးပေါင်းရင်းမြစ်များ

I Pot 11:34

“Mă-lei ră Inh ưh kơ iŏk đĭ ôh teh đak đơ̆ng tơpang ti Sôlômôn, lê̆ kơ sư oei pơgơ̆r đĭ chăl arih sư, yua kơ Đawit đĭch đam Inh, Inh rơih iŏk boih, sư boih wei răk nơ̆r Inh tơtă păng pơm kiơ̆ dôm tơdrong juăt Inh.

I Pot 9:6

Mă-lei tơdah ih păng lu kon sâu ih weh tơklah đơ̆ng Inh ưh kơ wă wei răk khôi juăt păng dôm nơ̆r Inh tơtă ăn kơ lu iĕm, na bơ̆jang păng kơkuh kơ rup yang nai,

I Ho 17:13

Inh jing 'bă sư păng sư jing kon drŏ-nglo Inh, Inh ưh kơ đei pơdrâu iŏk ôh tơdrong Inh 'mêm đơ̆ng sư, thoi inh pơdrâu iŏk đơ̆ng bơngai adrol kơ ih.

I Ho 22:10

Sư boih gô pơm hnam kơ Anăn Inh. Sư gô jing kon drŏ-nglo Inh, păng Inh gô jing 'bă sư. Inh gô pơm tang-dŏ pơtao sư lăm char Isơrael ling-lang khŏm khŏm.

I Ho 28:6

Sư khan kơ Inh: Sôlômôn kon drŏ-nglo ih, gô pơm hnam păng cham Inh yua kơ Inh rơih iŏk boih sư pơm kon drŏ-nglo Inh, păng Inh gô pơm 'bă sư.

Jop 5:17

“'Nâu, pŭn dêh kơ bơngai mă Kră Yang 'Bok Kei-Dei teh bơtho, thoi noh 'nĕ kơ lăng hơi, kơ Kră Yang Tih Hloh teh bơtho.

Horiso 2:7

Inh gô roi tơblang nơ̆r tơtă mă Kră Yang khan kơ inh: “Ih boih kon inh; Năr âu inh pơjing ih.

Je 30:11

Kră Yang khan: “Inh oei păng iĕm, wă dŏng pơklaih iĕm. Inh gô pơlôch pơrăm đĭ lu dêh char, mă Inh đei puh iĕm tơklah tơklang lăm noh, mă-lei Inh huay kơ pơlôch iĕm. Inh gô phak bơtho lu iĕm kiơ̆ kơ tơdrong trŏ, Inh ưh kơ lê̆ ôh phak bơtho lu iĕm.”

Mathiơ 3:17

Păng kư̆m đei nơ̆r pơma đơ̆ng plĕnh khan: “Âu boih Kon Inh mă 'mêm kơeng tơpă, Inh lăp đon kơ Sư tôm tơdrong.”

I Kor 11:32

'Bok Kei-Dei ăn kơ bơ̆n đei tơdrong chhŭr nuih thoi noh wă kơ bơ̆n tơbral kơdih tơdrong yoch, na Sư huay kơ phak bơ̆n hơdai lu bơngai ala teh âu ning-mônh.

II Kor 6:18

Thoi noh na Inh trŏ kơ pơm 'Bă iĕm, iĕm jing kon tơdăm kon adruh Inh. 'Noh tơdrong Kră Yang tơm rơh tih hloh khan kơ bơ̆n.”

Both 8:5

Iĕm athei băt kơdih, Kră Yang 'Bok Kei-Dei iĕm, teh bơtho kư̆m thoi 'Bă teh bơtho kon drŏ-nglo sư kơdih.

Hêbrơ 1:5

'Bok Kei-Dei ưh tam layơ khan kơ linh jang, dang Sư khan kơ Kon Sư sơ̆ khan: “Ih boih Kon Inh, năr âu Inh wă ăn kơ Ih pơgơ̆r.” Sư kư̆m khan dơ̆ng thoi âu: “Inh pơm 'Bă Ih, Ih pơm Kon Inh.”

Tơdrông Tơ'bôh 21:7

Bu adrin tơblah păng yang kơnê̆ jei sư, sư gô đei tôm tơdrong noh, Inh jing Kră Yang sư, sư jing kon Inh.

Tơdrông Tơ'bôh 3:19

‘Dôm lu bơngai mă Inh 'mêm, Inh bơtho khan kơ lu sư hăm tơdrong gleh truh, pơm kơ lu sư dang Inh tôn dang Inh teh wă kơ lu sư jah tơbral na jing chu. Na dang ei iĕm athei tơbral kơdih tơdrong yoch păng adrin jang tơdrong Inh mă tơpă.