II Sam 7:12 - Sơ̆p Hlabơar Nơ̆r 'Bok Kei-Dei

¹² Lăp jơ 'năr ih đĭ boih, păng ih lôch năm oei hơdai hăm lu 'bok yă ih, na Inh gô pôk minh 'nu đơ̆ng lăm adrĕch adrung ih sư noh đơ̆ng kon ih pơjing wă pơtrơp kơ tang-dŏ pơtao ih, păng Inh gô ăn kơ dêh char pơtao sư kơjăp.

II Sam 7:12 ပူးပေါင်းရင်းမြစ်များ

Bl 15:4

Kră Yang khan dơ̆ng kơ Abram thoi âu: “Bơngai noh ưh kơ trŏ wă pơtrơp tơdrong jang ih ôh, mă-lei bơngai đơ̆ng blu pôih ih pơjing, bơngai mă gô pơtrơp tơdrong jang adrĕch ioi ih.”

II Sam 22:51

Kră Yang ăn tơdrong kĕ jei jơnei tih kơ pơtao mă Ih đei rơih iŏk. Kră Yang 'mêm kơ bơngai mă Kră Yang ăn kơ đe tuh đak pơgang 'bâu phu noh tơdrong 'mêm kơjăp, ưh kơ đei tơplih. Kră Yang 'mêm kơ Đawit păng adrĕch adrung sư, ling-lang ưh kơ đei layơ tôch.”

I Pot 1:21

Dah ưh lăm minh năr ei kơnh ih yŏng pơtao inh lôch oei hơdai 'bok yă, lei đe gô jô̆ kơ nhi Sôlômôn pơm yoch”

I Pot 1:48

păng khan: ‘Kơkuh bơnê ư-ang kơ Kră Yang 'Bok Kei-Dei bơngai Isơrael, năr 'nâu Ih đei ăn kơ măt inh đei 'bôh boih kon drŏ-nglo inh hơ-oei kơpal tang-dŏ pơtao inh.’ ”

I Pot 2:1

Năr Đawit lôch wă jê̆ truh boih, na sư tơtă kơ Sôlômôn kon drŏ-nglo sư:

I Pot 2:10

Klaih kơ noh Đawit lôch, tep hiôk năm oei hơdai hăm lu 'bok yă sư, đe 'bŭ sư tơ pơlei Đawit.

I Pot 2:4

păng wă kơ Kră Yang gô pơsĭt nơ̆r Sư pơkă hăm inh khan: ‘Tơdah lu kon sâu ih kơchăng arih sa, tơdah lu sư wă yak năm 'bơ̆t anăp Inh, pơm kiơ̆ tơdrong juăt Inh hăm đĭ jơhngơ̆m klơm klak, lei ih ưh kơ'bah ôh bơngai hơ-oei kơpal tang-dŏ pơtao Isơrael pơtrơp ih.’

I Pot 5:5

Thoi noh na inh wă pơm Hnam Akŭm ăn kơ anăn Kră Yang 'Bok Kei-Dei inh kiơ̆ thoi Kră Yang khan kơ 'bă inh Đawit sơ̆: Inh gô ăn kơ kon drŏ-nglo ih pơm pơtao pơtrơp đơ̆ng ih, sư gô pơm Hnam Akŭm kơ anăn Inh.

I Pot 8:15

Sư khan: “Bơnê ư-ang kơ Kră Yang; 'Bok Kei-Dei Isơrael pơkeh đơ̆ng Ih pơkă hăm 'bă inh Đawit, yua kơ đơ̆ng ti mơsêh Ih pơsĭt trŏ nơ̆r pơkă 'noh,” Ih kư̆m khan thoi âu dơ̆ng:

I Pot 8:19

Mă-lei ih ưh kơ gơh wă pơm ôh. Kon drŏ-nglo mă ih pơjing sư gô pơm Hnam akŭm kơ Inh.’

I Pot 8:20

“Dang ei Kră Yang, pơsĭt bơih kơ đêl nơ̆r Sư pơkă. Inh tơplih kơ 'bă inh wă pơgơ̆r hơ-oei kơpal tang-dŏ pơtao wei-lăng lu bơngai Isơrael. 'Blep thoi đơ̆ng nơ̆r Kră Yang pơkă, Inh pơm keh bơih Hnam akŭm kơ anăn Kră Yang, 'Bok Kei-Dei Isơrael.

I Pot 9:5

lei Inh gô ăn kơ ih hơ-oei kơpal tang-dŏ pơtao pơgơ̆r lu bơngai Isơrael kơjăp ling-lang kiơ̆ thoi Inh đei pơkă hăm Đawit 'bă ih: “Ih ưh kơ kơ'bah kơ bơngai hơ-oei kơpal tang-dŏ pơtao pơgơ̆r lu bơngai Isơrael.”

II Pot 8:19

Mă-lei, Kră Yang mơnat yua kơ Đawit đĭch đam sư, na sư ưh kơ wă pơlôch pơrăm lê̆ adrĕch adrung Juđa ôh, yua kơ Sư pơkă wă 'măn minh pôm ŭnh kơđeng ăn kơ Đawit păng adrĕch adrung sư ling-lang khŏm khŏm.

I Ho 17:11

Truh năr ih wă tôch lôch năm oei hơdai hăm lu 'bok ih, Inh gô pôk hơtŏk minh 'nu pơtrơp ih, minh 'nu lăm lu kon drŏ-nglo ih pơtrơp đơ̆ng ih, păng Inh gô ăn kơ dêh char sư kơjăp.

II Ho 1:9

Ơ Kră Yang 'Bok Kei-Dei, apinh Ih pơsĭt bĕ nơ̆r Ih đei pơkă pơ'ngam hăm 'bă inh Đawit, gơh jing yua kơ Ih đei pôk inh pơm pơtao boih wă wei pơgơ̆r lu adrĕch adrung lơ kơdrâ̆m thoi 'mui teh âu.

II Ho 13:5

Đơ̆ng tơdrong pơgơ̆p 'boh, Kră Yang 'Bok Kei-Dei Isơrael đei jao boih dêh char Isơrael kơ Đawit păng lu kon drŏ-nglo sư ling-lang hlŏng hloi boih, lu iĕm ưh kơ băt hă?

II Ho 21:7

Lei ră Kră Yang ưh kơ wă pơlôch Sư adrĕch pơm pơtao, yua kơ Sư đei pơgơ̆p boih hăm Đawit, Sư đei pơkă boih wă ăn minh pôm ŭnh kơđeng kơ adrĕch Đawit kon sâu sư ling-lang, hlŏng hloi.

II Ho 23:3

Đĭ khŭl akŭm lu sư pơm tơdrong pơgơ̆p hăm pơtao lăm hnam Kră Yang 'Bok Kei-Dei. Jêhôiada pơma hăm lu sư: “'Nâu kon drŏ-nglo pơtao sư gô pơgơ̆r kiơ̆ thoi nơ̆r Kră Yang đei khan lê̆ gah kon sâu Đawit.

II Ho 6:15

Hăm đĭch đam Ih Đawit, 'bă inh, Ih oei răk dôm nơ̆r mă Ih đei pơkăm hăm sư sĭt tơpă đơ̆ng nơ̆r Ih đei pơkă hăm ti Ih pơm pơkeh hloi thoi mă đei boih dang ei.

II Ho 6:9

Lei ră ih ưh kơ pơm hnam ăn kơ Anăn Inh ôh, mă-lei kon drŏ-nglo ih gô pơm hnam noh ăn kơ Anăn Inh,”

Horiso 89:29

Inh gô ăn kơ adrĕch adrung sư kơjăp ling-lang. Păng tang-dŏ pơtao sư oei sot jơnoi thoi năr tơ plĕnh.

Êsai 11:10

Lăm năr noh kơnh, rơh Jese iung pơm thoi hla-kơ ăn kơ rim adrĕch adrung kon bơngai. Rim teh đak gô năm chă Sư, anih Sư pơdơh gô đei rang mơnhal.

Êsai 9:7

Nơ̆r Kră Yang hơtă hil kơ Jakôp păng nơ̆r noh tuh ăn kơ Isơrael.

Je 33:17

Yua kơ Kră Yang khan: “Adrĕch Đawit ưh kơ đei khăi ôh bơngai drŏ-nglo pơtrơp oei tơ tang-dŏ pơtao adrĕch Isơrael.

Da 12:2

Lơ bơngai tep lăm teh gô iung hơđơ̆r, lu mơ'nah đei tơdrong arih ling-lang, lu mơ'nah gô pŭ iŏk tơdrong mơlâu păng pơmat-tat ling-lang.

Mathiơ 1:1

Yêsu Krist kon sâu pơtao Đawit, mă 'bok kơdră lu sư Abraham. Na tơ ala âu jô̆ tôm lu anăn 'bok kơdră Yêsu Krist sơ̆:

Luka 1:32

Sư pơm tih păng đe krao Sư Kon 'Bok Kei-Dei Kră Yang mă tih hloh. Kră Yang 'Bok Kei-Dei wă ăn kơ Sư pơm pơtao iĕm, kư̆m thoi 'bok pơtao Đawit iĕm sơ̆.

Luka 24:27

Na đơ̆ng noh Yêsu tơblang kơ bre sư dôm tơdrong đơ̆ng sơ̆p hla bơar 'Bok Kei-Dei khan lê̆ hơdrol gah tơdrong Sư, mă đơ̆ng Môis mă truh tơ đĭ lu bơngai pơtruh nơ̆r 'Bok Kei-Dei sơ̆.

Jang 13:36

Gah Đawit, lăp sư oei arih sư pơm kiơ̆ kơ 'Bok Kei-Dei wă. Na sư lôch, đe 'bŭ akâu sư hơdai păng lu 'bok sư, akâu sư jing ôm.

Jang 2:30

'Bok pơtao Đawit bơngai khan lê̆ hơdrol. 'Bok Kei-Dei pơkă kơ sư khan, kon sâu sư ning-mônh gô pơm Pơtao kư̆m lei-lăi thoi sư sơ̆ mơ̆n.

I Kor 15:51

Na dang ei inh wă khan ăn kơ iĕm minh tơdrong hrĕp tam mă tơbăt kơ đe đơ̆ng sơ̆: Kon bơngai bơ̆n, 'Bok Kei-Dei ưh kơ ăn lôch đĭ ôh, đĭ-đăng kơ bơngai mă lôch mă oei arih tơplih hloi akâu 'nao. Kơđei kơ minh tơtĕp măt, lăp bơ̆n kơtơ̆ng đe hlôm keng năr tôch; đe hlôm na bơngai lôch iung arih hloi ưh pă đei ôm hach boih, na bơ̆n mă oei arih kư̆m tơplih hloi akâu 'nao mơ̆n.

Both 31:16

Kră Yang khan kơ Môis: Ih gô pơdơh hăm lu 'bok ih; kon pơlei 'nâu gô kơkuh kơ yang nai lăm dêh lu sư wă năm mơ̆t lu sư gô achăng lê̆ Inh păng pơm glăi kơ tơdrong pơgơ̆p mă Inh đei pơgơ̆p boih hăm lu sư.

I Tes 4:14

Bơ̆n băt kơ Yêsu iung arih boih păng bơ̆n kư̆m băt dôm lu bơngai lui kơ Sư mă lôch boih 'Bok Kei-Dei ăn kơ lu sư gô jur hơdai Yêsu ning-mônh.