II Sam 6:3 - Sơ̆p Hlabơar Nơ̆r 'Bok Kei-Dei

³ Lu sư tah Hom pơgơ̆p Kră Yang 'Bok Kei-Dei kơpal gre 'nao, iŏk đơ̆ng hnam Abinađap oei kơpal groi. Usa păng Ahiô, kon tơdăm Abinađap, chĕp gre 'nao noh.

II Sam 6:3 ပူးပေါင်းရင်းမြစ်များ

I Ho 15:13

Yua kơ adrol ki, lu iĕm ưh kơ tung ba hom Kră Yang yua kơ lu bơ̆n ưh kơ đei krao apinh Sư thoi Sư đei pơkă, na Kră Yang 'Bok Kei-Dei hil mĭl pơrăm lê̆ lu bơ̆n.”

Horiso 132:6

Lu nhôn đei kơtơ̆ng roi gah hom tơdrong pơgơ̆p tơ Êphratha. Nhôn 'bôh boih Sư tơ lăm mir Jaar.

I Sam 6:7

Na dang ei lu iĕm athei pơm minh pơm gre 'nao, rôp 'bar tŏ rơmo yŏng kon oei mŏm tam mă lah tah tơ 'long ăt tah hloi tơ gre mă-lei athei puh tơmơ̆t lê̆ kon iĕ lăm hơdrong, 'nĕ ăn druh kiơ̆ yŏng sư.

I Sam 7:1

Đe Kiriat Jêrim năm tung iŏk Hom Pơgơ̆p Kră Yang, ba tơ hnam Abinađap, tơ kơpal groi, đơ̆ng noh rơih iŏk Êlêasar, kon drŏ-nglo sư, wă wei-lăng Hom Pơgơ̆p Kră Yang.