II Sam 6:17 - Sơ̆p Hlabơar Nơ̆r 'Bok Kei-Dei

¹⁷ Lu sư ba Hom pơgơ̆p Kră Yang ming tơ anih bơsŭn Đawit đei hơmet lê̆ boih anih kơ Hom pơgơ̆p; đơ̆ng noh Đawit pơyơ̆r tơmam soi 'buh pơkhôi kơ Kră Yang păng tơmam soi et sa chơt hiôk.

II Sam 6:17 ပူးပေါင်းရင်းမြစ်များ

I Pot 8:5

Pơtao Sôlômôn păng đĭ-đăng kon pơlei Isơrael minh pôm jơhngơ̆m đon akŭm hơdai, đĭ-đăng dơ̆ng 'bơ̆t anăp Hom Pơgơ̆p; sư 'bet rơmo păng triu lơlap pơm tơmam soi pơyơ̆r, dĭng mah pă kĕ jô̆.

I Ho 15:1

Đawit pơm hnam pơtao kơ sư kơdih lăm pơlei Đawit păng hơmet lê̆ minh anih wă 'măn Hom Pơgơ̆p Kră Yang 'Bok Kei-Dei.

I Ho 15:3

Đawit krao akŭm đĭ-đăng bơngai Isơrael brŏk tơ pơlei Jêrusalem, wă iŏk Hom Pơgơ̆p Kră Yang 'Bok Kei-Dei 'măn tơ anih mă sư hơmet boih.

I Ho 16:1

Lu sư tung ba Hom Pơgơ̆p Kră Yang 'Bok Kei-Dei păng dan 'măn sư lăm bơsŭn mă Đawit pơdơ̆ng. Lu sư kư̆m pơyơ̆r tơmam soi 'buh păng tơmam soi pơyơ̆r hiôk-hian 'bơ̆t anăp Kră Yang 'Bok Kei-Dei.

I Ho 6:31

'Nâu lu khŭl bơngai hơri mă pơtao Đawit đei pôk dan wă hơri bơnê lăm hnam akŭm Kră Yang đơ̆ng rŏng kơ hom pơgơ̆p đe dan lăm noh.

II Ho 1:4

Đawit đei chĕp ba bơih Hom tơdrong pơgơ̆p Kră Yang 'Bok Kei-Dei đơ̆ng Kiriat. Jêarim ba tơ anih Đawit đei hơmet bơih wă dan Hom noh, yua kơ Đawit đei pơm bơih bơsŭn wă dan Hom Pơgơ̆p noh tơ Pơlei Jêrusalem.

II Ho 5:6

Pơtao Sôlômôn păng đĭ-đăng lu bơngai Isơrael akŭm hơdai pơtao dơ̆ng 'bơ̆t anăp Hom Pơgơ̆p, lu sư pơyơ̆r triu, rơmo wă pơm tơmam soi lơ dêh, ưh pă kĕ chih jô̆.

Horiso 132:8

Ơ Kră Yang, iung bĕ na mơ̆t pơdơh tơ anih Ih, Ih păng hom pơgơ̆p pran kơtang Ih!

Lêwi 3:9

Đơ̆ng tơmam soi pơyơ̆r 'blŏk bơnê noh, sư athei soi 'buh pơyơ̆r kơ Kră Yang: Rơmă, kiĕng chơ̆ng iŏk 'bơ̆t kơting chơđui, đĭ-đăng lu rơmă lom klak.