II Sam 5:7 - Sơ̆p Hlabơar Nơ̆r 'Bok Kei-Dei

⁷ Mă-lei Đawit kư̆m blah iŏk kơđông Siôn, đe krao plei Đawit.

II Sam 5:7 ပူးပေါင်းရင်းမြစ်များ

II Sam 5:8

Kơplah noh, Đawit khan: “Dah bơngai bu wă blah bơngai Jêbus, athei mơ̆t rok trong đing đak, blah lu bơngai jơ̆ng jo măt tol lu bơngai mă ayăt hăm Đawit.” Đei nơ̆r khan: “Lu bơngai măt tol jơ̆ng jo ưh kơ gơh mơ̆t tơ hnam pơtao âu.”

II Sam 5:9

Đawit oei lăm kơđông anăn kơđông pơlei Đawit. Sư man dur puăn pah đơ̆ng groi Milô năm tơ gah lăm.

II Sam 6:10

Thoi noh Đawit ưh kơ wă lê̆ Hom pơgơ̆p Kră Yang tơ hnam sư tơ pơlei Đawit, na athei anhăk ba hloi tơ hnam Ôbêt Eđôm, bơngai Gitit.

II Sam 6:12

Đe năm roi ăn kơ pơtao Đawit: “Kră Yang đei tuh pŭn hiôk kơ hnam dơnŏ Ôbêt Eđôm păng dôm tơmam sư đei, yua kơ Hom pơgơ̆p Kră Yang 'Bok Kei-Dei.” Đawit hloi năm iŏk anhăk hloi Hom pơgơ̆p Kră Yang 'Bok Kei-Dei đơ̆ng hnam Ôbêt Eđôm ba tơ pơlei Đawit hăm tơdrong chơt hiôk dêh.

II Sam 6:16

Lăp Hom pơgơ̆p Kră Yang mơ̆t tơ pơlei Đawit, na Mikal kon adruh Sôl, lăng tơmang đơ̆ng 'măng-'mŏk, 'bôh Đawit suang chơt hiôk 'bơ̆t anăp Kră Yang, na sư đei jơhngơ̆m ưh kơ iă kơ Đawit.

I Pot 2:10

Klaih kơ noh Đawit lôch, tep hiôk năm oei hơdai hăm lu 'bok yă sư, đe 'bŭ sư tơ pơlei Đawit.

I Pot 3:1

Sôlômôn pơgơ̆p hơdai hăm Pharaôn dêh Êyiptơ, iŏk kon adruh Pharaôn pơm akăn, chông ba sư brŏk oei tơ pơlei Đawit, oei tơ noh dĭng truh sư keh pơm hnam pơtao sư, pơm hnam akŭm kơkuh kơ Kră Yang păng man dur tăp dăr pơlei Jêrusalem.

I Pot 8:1

Pơtao Sôlômôn, krao akŭm đĭ lu kră pơgơ̆r, lu yŏng kơdră lăm adrĕch adrung Isơrael năm tơ sư tơ Pơlei Jêrusalem năm sơng Hom Pơgơ̆p Kră Yang đơ̆ng lăm pơlei Đawit tơ Siôn ba tơ Hnam akŭm Kră Yang.

I Pot 9:24

Lăp kon drŏ-kăn pơtao Pharaôn năm đơ̆ng pơlei Đawit năm tơ hnam pơtao sư kơdih, mă hnam Sôlômôn pơm ăn kơ sư; pơtao kư̆m pơm dur wă găn lu ayăt.

I Ho 11:7

Đawit oei lăm kơđông 'noh; na đe krao pơlei Đawit.

II Ho 24:16

Đe 'bŭ sư hơdai hăm lu pơtao lăm Pơlei Đawit, yua kơ sư jang 'lơ̆ng tơgŭm lu bơngai Isơrael, bơ̆jang kơ Kră Yang 'Bok Kei-Dei păng đei pơdơ̆ng hơmet ming hnam akŭm Tơm Sư.

II Ho 5:2

Sôlômôn krao akŭm đĭ-đăng lu kră bơngai Isơrael, lu yŏng kơdră lăm rim adrĕch 'bă Sư păng lu kră pơgơ̆r kon pơlei Isơrael tơ pơlei Jêrusalem wă tung tơmơ̆t Hom tơdrong pơgơ̆p Kră Yang đơ̆ng Siôn, noh pơlei Đawit.

Ne 3:15

Sallum kon drŏ-nglo Kôlhôse pơgơ̆r tơring Mispa, hơmet 'măng jang đak Hơlŭng sư man bơbŭng đei tơnang 'măng păng chơkăl kư̆m man dur dơnâu Sêlô jê̆ pơgar pơkao pơtao păng truh tơ jơ̆ng kung jur đơ̆ng pơlei Đawit.

Horiso 132:13

Yua kơ Kră Yang rơih boih Siôn; Sư wă kơ Siôn jing anih Sư oei:

Horiso 2:6

“Mă-lei, Inh pơjing boih Tang-dŏ Tang-dŏ pơtao Inh tơ kơpal kông Siôn rơgoh.”

Horiso 48:12

Dăr bĕ tăp kơ Siôn yak tăp dăr bĕ kơ pơlei tih. Jô̆ bĕ lu Hnam thôt Sư.

Horiso 48:3

Lăm pơlei tih noh, Kră Yang 'Bok Kei-Dei pơdah boih akâu sư kơdih thoi minh anih kơ'nơp kơjăp.

Horiso 51:18

Pơm 'lơ̆ngb bĕ kơ Siôn kiơ̆ thoi tơdrong Ih tơchĕng 'lơ̆ng. Man pơdơ̆ngc bĕ dur Anăp.

Horiso 87:2

Kră Yang 'mêm kơ lu 'măng jang pơlei Siôn, Hloh kơ lu anih nai mă adrĕch Jakôp oei,

Horiso 9:11

Hơri bơnê bĕ kơ Kră Yang, Tơ'ngla oei lăm pơlei Siôn; Roi tơbăt kơ kon pơlei pơla tơdrong tih Sư pơm

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Êsai 59:20

“Tơ'ngla dŏng pơklaih gô truh tơ Siôn; năm tơ lu bơngai lăm adrĕch adrung Jakôp, mă achăng hŭt tơdrong yoch.” Kră Yang pơma thoi noh.

Je 21:13

Kră Yang khan: “'Nâu Inh wă blah lu iĕm, ơ pơlei tih Jêrusalem, oei kơpal tơmo tih dơnă lăm anih groi kông, lăng tơ bơngai oei lăm thŭng, Lu iĕm khan, ‘Bơngai bu gơh năm blah bơ̆n? Bơngai bu kĕ mơ̆t lăm anih kơjăp bơ̆n kơ'nơp?’ ”

Mi 4:2

păng gô đei đơ̆ng lơ teh đak năm tơ noh păng khan: Năm bĕ lu bơ̆n năm truh tơ kông Kră Yang, anih hnam 'Bok Kei-Dei Jakôp! Sư gô bơtho tơ'bôh kơ lu bơ̆n trong Sư păng lu bơ̆n gô yak kiơ̆ trong Sư, yua kơ khôi juăt gô lĕch đơ̆ng Siôn, nơ̆r Kră Yang gô lĕch đơ̆ng Jêrusalem.

Rom 9:33

'Noh thoi sơ̆p hla bơar 'Bok Kei-Dei khan lê̆ sơ̆ thoi âu: “Iĕm lăng. Tơ Pơlei Siôn Inh đei 'măn minh pôm tơmo tŏk-bŏk trong wă kơ đe kơtơih pơ̆k. Bu lui kơ tơmo noh, bơngai noh huay kơ hli minh tơdrong kiơ ôh.”

Hêbrơ 12:22

Mă-lei kông mă 'Bok Kei-Dei wă tơ'bôh kơ bơ̆n, ưh kơ sĭ kơ kông Sinai lu bơngai noh sơ̆ ôh. Bơ̆n gô tŏk truh tơ kông Siôn tơ plĕnh ti mă đe anăn Pơlei Jêrusalem, pơlei tơ'ngla 'Bok Kei-Dei mă arih ling-lang. Tơ ei ưh kơ băt dôm rơbâu rơngan 'nu lu linh jang 'lơ̆ng akŭm kơkuh kơ 'Bok Kei-Dei hiôk chơt.

Tơdrông Tơ'bôh 14:1

Klaih kơ noh inh hue lăng inh 'bôh Kon Triu dơ̆ng tơ kơpal kông Siôn, Sư dơ̆ng hơdai păng lu đe minh-hrĕng puăn-jĭt puăn-rơbâu 'nu lu bơngai mă đei chơ̆m đŏng yâu Kon Triu păng đŏng yâu 'Bă Kon Triu tơ klĕng lu sư kơdih kơdih.