II Sam 4:8 - Sơ̆p Hlabơar Nơ̆r 'Bok Kei-Dei

⁸ Măr sư chĕp ba kơ̆l Isbôset brŏk tơ Hêbrôn, ăn kơ pơtao Đawit, na khan: “'Nâu kơ̆l Isbôset, kon tơdăm Sôl, bơngai mă ayăt kơ ih, bơngai mă oei chă wă pơrăm ih; năr 'nâu Kră Yang iung kơting ăn kơ ih pơm tơwih boih kơ Sôl păng adrĕch adrung sư.”

II Sam 4:8 ပူးပေါင်းရင်းမြစ်များ

II Sam 18:19

Ahimatas, kon drŏ-nglo 'bok soi Sađŏk, khan kơ Jôap: “Apinh ih ăn kơ inh kơdâu roi tơbăt ăn kơ pơtao tơdrong 'nâu, Kră Yang đei hơmet dŏng pơklaih ih đơ̆ng bơngai ayăt kơ ih.”

II Sam 18:31

Bơngai Kus truh hloi păng khan: “'Nâu jơ̆ minh tơdrong 'nao tơbăt ăn kơ pơtao păng yŏng tơ'ngla inh. Dang ei Kră Yang 'Bok Kei-Dei hơmet 'lơ̆ng tơpăt ăn kơ pơtao păng dŏng pơklaih pơtao đơ̆ng lu bơngai iung blah ayăt hăm pơtao.”

II Sam 2:8

Kơplah noh Apner, kon drŏ-nglo Nêr yŏng linh Sôl ba Isbôset,a kon tơdăm Sôl, ôn tơ pơlei Mahanaim;

II Sam 22:48

Kră Yang 'Bok Kei-Dei, Ih boih Tơ'ngla blah 'mong tang inh, Ih pơm ăn kơ kon pơlei chu yom kơ inh.

Horiso 71:24

Rim năr hơpiĕt inh gô roi tơdrong tơpăt Ih; Yua kơ lu bơngai chă pơrăm inh mơlâu đĭ păng hlơ̆l kơdơ̆ ngăl boih.

Mathiơ 2:20

“Iung bĕ, chông ba Yêsu hăm mĕ Sư wih dơ̆ng tơ dêh Isơrael, lu bơngai wă pơlôch Sư sơ̆ lôch đĭ boih.”

Tơdrông Tơ'bôh 18:20

Đơ̆ng noh inh kơtơ̆ng 'bơ̆r nai dơ̆ng khan thoi âu: “Ơ lu đe mă oei tơ plĕnh, ơ lu kon 'Bok Kei-Dei, lu jơ̆ng 'bang Yêsu, lu bơngai pơtruh nơ̆r 'Bok Kei-Dei, hiôk bĕ lu iĕm yua kơ 'Bok Kei-Dei phak pơrăm boih pơlei noh mă pơm kơnê̆ kơ iĕm.”

Tơdrông Tơ'bôh 6:10

Đĭ dôm lu sư pơma pơret khan: “Ơ 'Bok Kei-Dei, Ih Kră Yang 'lơ̆ng tơpăt. Layơ Ih wă sek tơlang phak lu bơngai mă oei tơ ala teh pơlôch nhôn sơ̆?”

I Sam 18:11

Sôl hrang Đawit, na khan: Inh gô pơ̆ng ih tơ tơnăr. Mă-lei Đawit pĕch kơ tơju 'bar wơ̆t.

I Sam 19:1

Sôl pơđâu chă đon hăm Jônathan, kon drŏ-nglo sư păng lu đĭch đam sư wă pơlôch Đawit mă-lei Jônathan, kon drŏ-nglo Sôl, 'mêm dêh kơ Đawit.

I Sam 19:15

Sôl wơh dơ̆ng bơngai năm ngôi tơ Đawit, na khan kơ lu sư: Athei hiŏng sư hăm giơng noh ba tơ inh tơ âu: Lê̆ inh pơlôch sư.

I Sam 20:1

Đawit klĕnh đơ̆ng Naiôt lăm pơlei Rama, năm tơ Jônathan, na apinh Jônathan: Inh đei pơm yoch kiơ, tơdrong kơnê̆ kiơ? Inh pơm tơdrong yoch kiơ hăm 'bă ih, na mă sư chă đon wă pơlôch inh?

I Sam 23:15

Kơplah Đawit oei tơ Hơres lăm char glă sip Đawit 'bôh Sôl ba linh wă pơrăm tơdrong arih sư.

I Sam 24:4

Lu bơngai kiơ̆ Đawit roi kơ sư: Năr 'nâu jơ̆ năr mă Kră Yang đei khan kơ ih: Inh gô jao lu bơngai ayăt kơ ih lăm tơpang ti ih mơ̆ng kơ ih wă pơm liơ kơ sư; đơ̆ng noh Đawit iung, năm kăt tơtông iŏk tơdrơi ao Sôl.

I Sam 25:29

Tơdah đei bu wă iung pơm kơnê̆ păng pơrăm tơdrong arih ih Kră Yang 'Bok Kei-Dei ih gô bơwei tơdrong arih lăm hơnŭng lu bơngai arih; gah tơdrong arih lu bơngai ayăt kơ ih, Kră Yang gô klơ̆m tŭk lê̆ mă ataih thoi hră prah 'brơ̆m tơmo.