II Sam 4:7 - Sơ̆p Hlabơar Nơ̆r 'Bok Kei-Dei

⁷ Bre sư 'bet pơlôch boih pơtao Isbôset kơplah oei tep kơpal giơng lăm anih tep, chơ̆ng iŏk kơ̆l sư, chĕp ba na năm tơpăt trong dơnă Araba prăt măng.

II Sam 4:7 ပူးပေါင်းရင်းမြစ်များ

II Sam 2:29

Apner hăm lu linh kiơ̆ sư yak prăt măng noh năm rok teh dơnă, tŏk hlôi kơ Krong Jôrđăn tơ jơ̆p kơ Bitrôn, dĭng truh tơ pơlei Mahanaim.

Le 8:3

Tơ đak krong Nil gô 'bĕnh kơ kit, lu kit gô mơmŏ mơ̆t lăm hnam pơtao tơ anih bơ̆jang, anih tep păng tŏk kơpal giơng ih, mơ̆t hloi lăm hnam đĭch đam păng kon pơlei ih, lăm anih gŏ, lăm kơthŭng ih jrâu tơpŭng pơm 'bĕng.

Mathiơ 14:11

Na linh ei năm chơ̆ng hloi ako Yôhan 'măn 'bơ̆t pơnhan chhĕr chĕp ba kơ adruh noh. Na adruh noh iŏk năm ăn kơ mĕ sư.

I Sam 17:51

Na Đawit kơdâu juă kơpal akâu bơngai Philistin iŏk đao sư toh đơ̆ng hơnglop, 'bet pơlôch sư, păng kăt kơ̆l sư hloi. Kon pơlei Philistin 'bôh bơngai pran tih kơjung sư lôch bơih, na kơdâu.

I Sam 17:54

Đawit dônh iŏk kơ̆l bơngai Philistin chĕp ba truh tơ Jêrusalem; mă-lei gah ao mam, môk kơlăm đao tơju Gôliat lê̆ lăm bơsŭn sư.

I Sam 31:9

Lu sư kăt kơ̆l Sôl iŏk tơmam tơblah sư păng roi tơbăt ăn tơdrong 'lơ̆ng âu kơ jơ̆p-jang lăm dêh kon pơlei bơngai Philistin, lăm lu hnam kơkuh kơ rup yang lu sư păng lăm đĭ-đăng kon pơlei pơla sư.