II Sam 24:21 - Sơ̆p Hlabơar Nơ̆r 'Bok Kei-Dei

²¹ Arauna khan: “Ơ pơtao yŏng tơ'ngla inh, năm tơ'bơ̆p đĭch đam hăm đei tơdrong kiơ wă bơtho tơ'bôh ưh?” Pơtao Đawit tơl khan: “Inh năm răt dơnih pơjuă 'ba ih. Inh wă tơiung pơdơ̆ng chơnang soi kơkuh 'bơ̆t anih âu. Wă kơkuh kơ Kră Yang păng wă kơ tơdrong jĭ hơbuh âu pơdơh ưh pă pơrăm kon pơlei pơla dơ̆ng.”

II Sam 24:21 ပူးပေါင်းရင်းမြစ်များ

Bl 50:10

Kơplah truh tơ anih juă 'ba Atat, pah to đak Krong Jôrđăn, na lu sư akŭm hmoi sơ'ngon tih dêh tơ noh. Tơ noh Jôsep pơdong 'bă sư lăm tơpơh năr.

II Sam 24:18

Lăm năr noh, Gat bơngai khan lê̆ adrol năm khan kơ pơtao Đawit: “Apinh pơtao năm truh tơ dơnih pơjuă 'ba Arauna bơngai Jêbus păng tơiung pơdơ̆ng 'bơ̆t doh minh pôm chơnang soi kơkuh kơ Kră Yang.”

II Sam 24:20

Arauna ngơk lăng 'bôh pơtao păng đĭch đam sư năm adrol kơ sư, na sư năm lĕch tơkan kŭp kơ̆l drap muh măt tơ teh, kơkuh kơ pơtao.

II Sam 24:3

Jôap tơl: “Apinh Kră Yang 'Bok Kei-Dei ih, ăn kơ ih đei minh khŭl linh tơpôl lơ hloh kơ hrĕng wơ̆t khŭl linh mă đei dang ei. Apinh ăn kơ măt ih kơdih yŏng tơ'ngla inh gơh 'bôh tơdrong noh. Mă-lei liơ pơtao yŏng tơ'ngla inh 'maih pơm tơdrong 'nâu?”

I Ho 21:22

Đawit khan kơ Ôrnan: “Tĕch ăn kơ inh anih pơjuă 'ba âu, inh wă man chơnang soi kơ Kră Yang 'bơ̆t âu wă kơ tơdrong lôch hơbuh huay pă truh kơ kon pơlei pơla. Inh răt kiơ̆ kơ ih lăp.”

Horiso 106:30

Mă-lei đei Phinêhas iung apinh. Na lôch hơbuh đei pơdơh.

Jo 25:8

kiơ̆ bơngai Isơrael mơ̆t lăm bơsŭn, 'bet hloi bơngai drŏ-nglo Isơrael noh klĕch hloi tơ klak bơngai drŏ-kăn; đơ̆ng noh tơdrong truh kơ bơngai Isơrael pơdơh hloi.