II Sam 24:2 - Sơ̆p Hlabơar Nơ̆r 'Bok Kei-Dei

² Pơtao athei Jôap, yŏng pơgơ̆r linh, oei hơdai hăm pơtao: “Athei năm jô̆ bơngai jơ̆p kơ lu adrĕch adrung Isơrael, iŏk đơ̆ng pơlei Đan gah yă-nơ̆m truh tơ Bêrsêba tơ gah gơal, roi ăn kơ inh băt đĭ-đăng kon pơlei lăm lu sơnăm oei gơh pơm linh dôm yơ.”

II Sam 24:2 ပူးပေါင်းရင်းမြစ်များ

Bl 21:14

Abraham iung đơ̆ng hrôih, iŏk 'bĕng păng minh pôm get đak ăn kơ Hagar; tơ'băk lu tơmam noh 'bơ̆t hơngiĕng sư păng jao ăn kơ sư kon drŏ-nglo sư noh, na puh tơweh. Hơgar sư weh, yak trong ataih wih rok thŭng Bêrsêba.

II Sam 17:11

“Na inh pơđâu khan kơ bơ̆n athei krao akŭm đĭ-đăng linh lăm kon pơlei Isơrael, iŏk ba dơ̆ng pơlei Đan truh tơ Bêrsêba, akŭm jum dăr kơ ih, lơ thoi chuơh đak dơsĭ, na ih kơdih gô pơgơ̆r lu sư năm tơblah.

II Sam 2:13

Jôap kon tơdăm Sêruia, păng lu đĭch đam Đawit kư̆m dai lĕch; 'bar pah tơ'bơ̆p băl 'bơ̆t dơnâu Gibeôn, na minh khŭl oei pah âu, hăm minh khŭl oei pah to kơ đak dơnâu.

II Sam 20:23

Jôap pơgơ̆r đĭ-đăng lu linh Isơrael; Bênaia kon drŏ-nglo Jêhôiada pơm yŏng lu bơngai Kêrêthit păng Pêlêthit;

II Sam 23:37

Sêlek bơngai Ammôn; Naharai đơ̆ng pơlei Bêrôt, bơngai chĕp kơ Jôap tơmam tơblah kon drŏ-nglo Sêruia.

II Sam 24:15

Na Kră Yang ăn tơdrong jĭ hơbuh jur tơ kon pơlei Isơrael đơ̆ng pơgê năr noh truh tơ tôch jơ Sư pơkă. Đơ̆ng Đan truh tơ Bêrsêba, đei tơpơh-jĭt rơbâu 'nu bơngai lôch.

II Sam 3:10

Kră Yang đei pơkă khan wă iŏk lê̆ tơdrong pơgơ̆r teh đak đơ̆ng pơtao Sôl, ăn kơ Đawit pơm pơtao pơgơ̆r Isơrael păng Juđa, iŏk đơ̆ng pơlei Đan truh tơ Bêrsêba.

II Sam 8:16

Jôap kon tơdăm yă Sêruia pơm yŏng pơgơ̆r linh; Jêhôsaphat kon tơdăm Ahilut pơm yŏng chih răk dôm tơdrong truh.

I Ho 21:2

Đawit khan kơ Jôap păng lu yŏng pơgơ̆r linh sư: Năm jô̆ bĕ đĭ lu bơngai Isơrael, đơ̆ng pơlei Bêrsêba truh tơ char Đan. Brŏk roi kơ inh. Wă kơ inh băt dôm yơ lu sư.

II Ho 32:31

Kŭm thoi noh đei bơngai mă đơ̆ng pơtao Babilôn wơh athei năm apinh kơ tơdrong hlĭch mă đei truh tơ lăm char sư, kơplah Kră Yang 'Bok Kei-Dei oei achăng wă pơlong lăng sư wă kơ băt dôm tơdrong lăm jơhngơ̆m sư.

Tơdrông Pơđơk 29:23

Bơngai pơang kang rai pơm kơ sư jur; Mă-lei bơngai bu đei iŏk đon ala đe gô pơyom.

Je 17:5

Kră Yang khan: “Hiap bĕ lu bơngai mă gơnang tơduă kon bơngai, hơđơ̆ng gơnang kơ sĕch akar pơm jơhngơ̆m pran kơtang. Lăm jơhngơ̆m achăng tŭk Kră Yang.

II Kor 12:7

Yua kơ 'Bok Kei-Dei kuă ăn inh pơang kơ iĕm tơdrong noh, na dang ei inh đei tơdrong nhek nhek dang jơla trŏ akar, yang Satan pơm kơ inh.

Lu 20:1

Đơ̆ng 'noh đĭ-đăng lu bơngai Isơrael akŭm băl, đơ̆ng Đan truh tơ Bêrsêba păng đơ̆ng dêh Gileat. Akŭm băl minh jơhngơ̆m đon thoi minh 'nu 'bơ̆t anăp Kră Yang tơ pơlei Mispa.